مرحبا
طبعا داشوف اكثر المواضيع تجي منقولة وتنزل هنا وزمردة تنقلهن هههههههههه
كلت خل انزل موضوع بقلمي المتواضع المهم اولمبياد الدعابل كامل للقوانين امور
حته محد يكول منقول او مكرر والي ميصدك يروح للكوكل هع

طبعا كلنا نعرف او سامعين بالدعابل

اولمبياد الدعابل كامل للقوانين امور

هاي اللعبة الطفولية الازلية الي جنه نلعبها
الي ميعرف عنها اشياء هواية خل يتفضل وياخذ معلومته منا

طبعا الموضوع شائك ومهم ((راح انكتل من الملحة ))

نجي للفرع الاول وهو ملابس لاعب الدعابل الرسميه
طبعا ماكو ملابس رسميه بس الملاحض تواجد البجامات البازه المخططه او الي بيها نقشه فنيه عله اساس اولمبياد الدعابل كامل للقوانين امور
وابد مو شرط وجود تكرمون (حذاء) لان الاغلبيه يتمتعون بهاللعبه بعد ان يكون حافي حته يحس بالحرية وميرتاح اله رجله تصير سودة حته يحس نفسه هو بداخل الاكشن هع
وماحجيلكم ع الاضافر ونضافتها وبهاي معذورين لان شكو ساحة دعابل لازم تكون يمها ((ساكَيه)) حته يصير اكشن بالموضوع واللاعب يحاول يبتعد عن هاي العوائق الطبيعيه اولمبياد الدعابل كامل للقوانين امور

اولمبياد الدعابل كامل للقوانين امور

الفرع الثاني انواع اللعبه

1_النكر ... تتكون من لاعبين او اكثر ولازم يكون موجود النكر ((وهي دائرة محفورة بالكاع ومستحيل تجي دائرة عدله لان اللاعب مخبوص يريد يفضها ويلعب ))
ولازم يكون متواجد الشيش
الشيش هو خط وهمي يرسمه اللاعب بفد عودة واذا ماكو باضفره لان هيه خربانه خربانه هههه
اول ميبدون يسوون عمليه جدا مهمه اسمها ((الزط))
يعني يشمرون الدعابل عالشيش واقرب دعبله للشيش راح يكون صاحبها هو البادي وبما انه الشيش ميجي عدل لو الدنيا تنكلب فهم مرات تصير كفخات وعرايك وتجي ام حسين وام علاء وتكبر المشكله وتتحول لاشياء بعيده عن الروح الرياضيه اولمبياد الدعابل كامل للقوانين امور
المهم ورة ال ((زط)) الفكره هو اللاعب الي يخلي دعبلته بالنكر اله حق يلعب مرة لوخ والي ((يجق )) اي يصدم دعبلته بدعبلت غيره هو الفايز وطبعا من هسه مابيها بالحلال والحرام وهاي السوالف يعني الي يلعب انتهت ولازم يكون مقرر ومثبت عله هالقرار اولمبياد الدعابل كامل للقوانين امور

2_ الطنب .. وهيه عمل دويرة تلش جبيره ((عله كولة الجهال )) اولمبياد الدعابل كامل للقوانين امور وبوسطها خط صغير واعتيادي الشيش موجود
كل لاعب يخلي دعابل حسب الاتفاق2 لو 3
الي يجق دعبلته بدعبلة المنافس ويطلعها برة الخطة ((اي الدويرة )) راح يشيل الدعابل كلها اله وهذا ما يسمى بالطنب شايل ويجب مراعاة عدالة الخطة لان هم تصير مشاكل تره اولمبياد الدعابل كامل للقوانين امور

3_ الارط ,, بتشديد الراء نفس تقريبا لعبة الطنب لكن هالمرة مثلث ... همه دائرة مدبروها انوب مثلث نيالي اولمبياد الدعابل كامل للقوانين امور

4_الحمام او الروحات
مجرد نحتاج النكر بالموضوع
يجي اللاعب الي يبدي يلعب طبعا اللعبه بيها لاعبين وبس
اللاعب الي يلعب يتفق عله عدد دعابل منه ومن المنافس الشرس ابو البازة ويتفقون عله العدد وراها واحد منهم يشمرهن عالنكر .. من مسافه معينه تحدد بالشيش
اذا دخلت بالنكر عدد زوجي من الدعابل فالفائز هو الي شمرهن
واذا فردي فالفائز هو الطرف اللاخ عباس بازة اولمبياد الدعابل كامل للقوانين اموراولمبياد الدعابل كامل للقوانين امور

مصطلحات مهمه

تطاوير ... اذا اتفقو قبل اللعبه انه بيها بالتطاوير فالتطاوير هيه استمرار الجقات لغاية الوصل للنكر نفسه
عالحرام ... يعني لعبه مو حقيقيه والواحد يكدر يعيدها

دعبله ومارايدها ,, يكولها اللاعب حته يقنع روحه انه ميتندم اذا خسر .. اكبر جذاب اولمبياد الدعابل كامل للقوانين امور

انواع الدعابل .... مهم جدا

1_ الصول ,, او القد .
يعني الدعبله الجديده الي مبيها شخطات ومكانات مفلشه يعني جديده

2_ العتوك .. يقصد بها الدعبله الي مفلشه تقريبا وشابعه جقات بحيث ملامحها مختفيه وموضوعها منتهي اولمبياد الدعابل كامل للقوانين امور
3_الفرفوري ,, تكون عباره عن لون ابيض كامل وبيها نقشه بسيطه طبعا مرغوب هالنوع ونادر جدا وغالي احيانا يصير بي شحه وضعاف النفوس يبيعو غالي اولمبياد الدعابل كامل للقوانين امور

4_الطمبولي .. يصير اكبر من النوع العادي ب3 مرات او 4 جبير كلش مبي فايدة لان محد يقبل يلعب وياك ااذا شايله خصوصا بالطنب انت لوتي اولمبياد الدعابل كامل للقوانين امور

5_الزقوجي .. عكس الطنبولي يصير اصغر من العادي ولحد لان محد اكتشف شنو الغايه منه اولمبياد الدعابل كامل للقوانين امور

نصائح مهمه
**الدعبله لازم تكون بعيده عن متناول الاطفال لان يبلعها وتصير مشاكل مبينه حيل

**لازم منخلي دعبله تضيع من عدنا لان الوالدة او الوالد اذا داس عليها ......اولمبياد الدعابل كامل للقوانين اموراولمبياد الدعابل كامل للقوانين امور

اولمبياد الدعابل كامل للقوانين امور

واي سؤال او استفسار اني حاضر

سلـآآم اللـهـ عليكم ورحمتهـ وبركاتهـ
موضوع رائع سلمت اناملك
لا ننحرم من تواجدك بهذا الصرح الرائع
دمت بسعادهـ بحجم السماء
تقبل ودي وورودي
موني

شكرا للمرور