بصراحة خبر عجيب جدا


مش عارف يمشي إزاي مع المنطق


الأعجب هو أصحاب هذا الخبر


بصراحة محتاج حد يشرح لي

شوفوا يا جماعة
قصة الخبر باخاصار :


واحد يكره واحد جدا جدا

يتمنى له مصيبة أو كارثة


طول اليوم يدبر له في مكائد زي القط والفأر

والأبشع من هذا إنه راح قال له عيني عينك إنه يكرهه



ومع ذلك المسكين ماشي وراء اللي بيكرهه خطوة بخطوة وعلى طول الخط!!!!

حد فاهم حاجة



لا ؟

يا نهاركم أبيض أمال هتفهموني إزاااااااااي؟


طيب نكمل يمكن تفهموا


اللي يفجر مرارتك بقا يا عم ويا ستي إن الإنسان الحقود الكاره دا مش بس نجح يخلي الشخص الآخر يسمع كلامه وبس لا دا كمان بعث له ناس من طرفه يعلموه البوظان على أصوله .

المصيبة إن عمنا المسكين بقا برضه يسمع كلامهم رغم إنه عارف إنهم من طرف الكائن اللي بيكرهه دا !!!!!



حد يمسك نفوخي قبل ما يطير يا جماعة

طيب بالله عليك مش دا أمره يجنن ؟


طيب طيب طيب

محدش يشخط

عارف محدش فاهم شيء


هقولكم على كل شيء


بس افتكروا إن أنا اللي كنت عايزكم تفهموني


خليها على ابن بطوطة المرة دي.


بس اعملوا حسابكم المرة اللي جية


كلمتي لا يمكن تنزل أبدا.

إيه رأيك بقا إن صاحبنا المسكين دا اللي بيسمع كلام اللي بيكرهه يبقا


8
88
888
8888
88888
888888
8888888
88888888
888888888
8888888888

حضرتك وحضرتِك


من غير عجب اسألوني إزاي وأنا أقول لكم .

تعالوا نسأل بعض شوية أسألة :

1 الشيطان يكرهك ولا لاء؟

2 النبي عليه الصلاة والسلام بيحبك ولا لاء؟

3 لما هو عليه الصلاة والسلام بيحبك عصيت كلامه وسمعت كلام الشيطان وسمعت أغاني لييييييييييييه؟


زنقتك صح ؟

طيب خد دي كمان


1 الإسلام علمنا غض البصر يعني محدش يبص على عورات الناس ولا لاء؟


2 عارف إن اللي يخالف يعاقب ولا لاء؟

3 أمال سايب لعينك الحبل على الغارب تبص لدي في الكليب ودي في الفيلم ودي في الشارع لييييييييه؟


وإنتي عمالة تبصي على وسامة المطرب فلان ورشاقة علان ومشهد فلانة مع فلان في الفيلم لييييييييه؟


في سؤال رخم صراحة


إنتم بكدا متأكدين إنكم بتهكرهوا الشيطان فعلا ؟

أمال مشيين وررااااااااااااااه لييييييييييه؟

يا نفووووخييييي.


وآخر مجموعة من الأسئلة


1 الممثلين والممثلات دول ماشيين ورا كلام النبي الذي من المفترض إنك بتحبه ؟


عليه الصلاة والسلام .

يعني كلهم بالحجاب ومفيش كلام من إياه ولا مشاهد من إياها ؟

2 أمال هم مشيين ورا ميييييييييين؟

2 لما هم مشيين ورا الشيطان يا ابن الحلال ويا بنت الناس الطيبة وإنت بتكرهي الشيطان والشيطان بيكره جنابك طيب بتلمعوا في الناس دي ليييييييه وبتتابعوا جديدهم بأمارة إيييييه؟

طيب بالله عليك مش شيء يجنن؟

ممكن بقا حد يفهمني المعادلة دي تمشي إزاااااااااااااي؟

ما فهمت شي ههههه

شكرااا

وانا ما فهمت شىء لكن شكرااا