عبااااارات كذب وهمبله الشباب
تريدالصدك لو ابن عمه = مقدمة لكذبة من الحجم العائلي
₪₪
وما اطول عليك السالفة = جملة محشورة داخل قصة يزيد عدد كلماتها عن 1000000 كلمة
₪₪
ومانشوفلك إلا = يعني موسيقى تصويرية قوتها 7..9 على مقياس ريختر لقصة سخيفة
₪₪
وما كذبت خبر = عبارة لنفش العضلات وبداية لكذبة ورسم بطولات ما صارت بس
بالخيال
₪₪
انت بعدك متعرفني زين = تقال عندما يشعر المتكلم انه تبهذل وانمسحت كرامته بالكاع
₪₪
والله مكانك خالي وتمنينا تكون ويانه = تقال لحرق أعصاب المستمع واذلال لشعوره
₪₪
بس انت بصراحة يعني لاتزعل مني = مصطلح يهيؤك نفسيا لسماع مسبة و لكن بطريقة
مؤدبة
₪₪
أني والله ميهمني = تدل على اهتمام المتكلم حتى الموت بالموضوع
₪₪
هسه شعلينه احنه = نهاية الحديث البايخ الذي كان يحجي بيه على غيره بما لا يخصه
₪₪
الله كريم و ان شاء الله ما اقصروياك = بعبارة أخرى.. انسى الموضوع
₪₪
بس لا يروح فكرك بعيد = يعني سوي نفسك مسمعت كل البلاوي الحجيتلكياها
₪₪
والله لو ادري.......ولا اعوفك= عبارة لتحميل مّنية ببلاش فوق الهم الماكله الشخص
₪₪
ترة كلها صحههههههههههههه
بلا زعل شباب هذا الصدك وابن عمه
موضوع: عبااااارات كذب وهمبله الشباب 
26/9/2011, 20:07
