روايــة بقـآيـا يتيم

موضوع: روايــة بقـآيـا يتيم 1/10/2011, 17:50

بارت 1

في احدى مدن قطر الكبرى وبالاخص الدوحه وفي منطقه من مناطقها وفي احدى الفرجان .. كان في بيت يعم فييه الفووضى بعد زياره مجموعه من النساء امس يخطبون احد فتيات هالمنزل الي كله مشكال في مشاكل بسسب مرت الابو ( اكيد تعرفون مصايب مرت الابو )

..: من صجج انتي بتوافقين عليه

..: اي بوافق شفيه مملوح وعنده خير

..: ياغبيه لا له ام ولا ابوو ولا حد يسال عنه تعرفين من الحريم الي جو خطبووج له .. خوات وام رفيجه

..بانزعاج : اوووف سارووه ترا يننتيني فيكني خلاص

سارا : لا وازيدج من الشعر بييت بدووي حتى تلفوون ماعنده بالله يتزوج ليه مدري

..: عاادي كل انسان يتغير

سارا : نوفووه تدرين انج قمة قمة البلاده فكري فكري دام احنى على البرر للحين امس بس خطبووج

وطلعت سارا من غرفة اختها نووف وطبعا على الطريج غرفتها تلاقت مع مرت ابوها وتهاوشت وياها شوي

نوف بعد ماصارت لحالها تفكر : والله تعبت من العيشه هني مع مرت ابوي ,, من صغري وانا اتعذب واتنظر اي حد يخطبني عشان اطلع من هالبيت واخذ اختي سارا معاي .. صحيح سارا جريئه شوي وتقدر تدافع عن نفسسها بس انا لا ضعييفه .. ياما ذلني ابوي وظلمني بسبتها .. عانييت وانا صغير وجا الوقت الي اطلع من البيت واتحرر من هالعيشه النكدييه .. خربت مستقبلي طلعتني من الجامعه شغلتني خدامه .. زين منها خلتني اخلص الثنويه .. ولاني رغم انه شغل البيت كله علي جبت 3 على قطر هذا الي قهرها لان عيالها فاشلين وخلت ابوي يكنسل سالفه الجامعه .. بعدين اكمل قصة حياتها

نوف بالامس جاها رجال وخطبها من ابوها .. لا ام له ولا ابو توفو لما كان عمره 14 سنه طبعا لاعم يسال عنه ولا خال ولا يعرف حد بدنياه غير رفيجه ياسر .. كانو جيرانهم وعاش معاهم وللعلم هم بدو .. بعد ماصار عمره 17 سنه استحى هو لان صار كبير وفي بنات في البيت .. قرر يعيش مزرعه في البر حق اهل ياسر .. والحين عمرره 28 وهو ماينزل الدوحه الا في العيد يعيد على اهل ياسر ويرجع العزبه يعني كل حياته مع النوق .. الخرفان الغنم .. هذول كل حياته ووناسسته .. ورفيجه واخوه ياسر كان يحاول كل يومين يمر علييه .. ياسر مسكين ولا 13 جوال ماخذ لمتعب وهو مدري وين يوديهم .. ودوم يقوول انه يصرخ فانا ما اعرف كيف اسكته ارضخه في الطوفه او انه يضيع او ماندري وين . ( يقصد انه لما ياسر يتصل له التلفون يرن بس مايدري كيف يرد عليه او انه مايدري انه ياسر يتصل فجزاته في الطوفه .. بالاول ياسر كان ياخذ له تلفونات غاليه بعدين عوره قلبه وقام يشتري بوليت ههههه ) تعب ياسر وهو يعلمه كيف يستخدم التلفون بس جملة متعب دوم ( ماله داعي لانه يجيب الصداع ) يتحر هني ياسر لا قال جي لانه يجيب جوال له عشان يكلمه اذا ماقدر يمر عليه وهو ولا مهتم

هذا شوي من حياة ابطالنا الجداد .. اتمنى تحبون اول بارت عشان اكمل :$

___________________

بارت 2

قبل لا يخطبون .. كان في حوار بين ياسر ومتعب

يسار لمتعب : ماتمللت وانت بروح مع هالخرفان والنوق

متعب بحزن : هم وناستي اصلا

ياسر : ماتبي تتزوج

متعب بحزن اكبر : من بتقبل فيني يتيم ولااهل لي لا بيت ملك لا شغل ولا هم يحزنون من وين بصرف

ياسر : فلوس ابوك موجوده

متعب : ما ابيها

ياسر : ليه طيب

متعب : ...

ياسر : اممم طيب انا بتكفل بكل شي عيل

متعب لف عليه ونظره منكسره : تصرفون علي من وانا صغير بعد الحين زواجي تبي تتكفل فيه على العموم ارتاح مافي بنت بتقبل فيني

ياسر : لييه .. شناقصك .. هذا العزبه مرتبه وحلوه واذا تبي تعديلات نعدلها

متعب : ههههه تستعبط من بيقبل يعش هنا

ياسر بحزن : ياخي مامليت وحدك ماتبي حد يشاركك حياتك ماتبي عيال يشيلونك لاكبرت

متعب : .....

ياسر : لا تفكر بشي انا بتكفل بكل شي وبدبر لك وظيفه

متعب ببتسامه : والله انك اخو دنيا نادر وجودك بهازمن

ياسر : افهم انك موافق

متعب : بشرط

ياسر : امرني انت بسس

متعب وهو يناظر لبعيد : خواتك خواتي

ياسر انصدم بس ابتسم: ابشر

متعب يبي يغير الجو المتوتر : وهي مره وحده واذا ماقبلوني خلاص بتم عزوبي

ياسر : هههه انت ماعليك

متعب : ياويلكم يغصبونها علي

يااسر : يوووه اسكت بسس خل علي الموضوع

بعدها راح ياسر وكلم امه الي افرحت من كل قلبها لمتعب وكانت تتمنى ياخذ وحده من بناتها بس جملته خواتك خواتي .. حطمت الكل واولهم ياسر كان يتمنى ياخذ وحده من خواته لانه اصيل ونادر بهزمن وثاني اكبر المحطمين اخته ملاك .. الي تعتبر متعب حب الطفووله كانت دوم تلعب معاه وعبط ومصخره وسوت عزا لما طلع من البيت الكل تقريبا يعرف مدى حبها لمتعب لما كانو صغار وعليه ومتعب يعتبرها مثل اخته لما درت انه بيخطبون له حسبت انه هي الي يبيها بسس للاسف خواتك خواتي الكلمه الي سمعتها هزتها هز واحبست نفسسها في غرفتها ( ياويلج يالي بتاخذين متعب مني الي رفضت كل الخطاب عشانه ) هاي تفكيرها مع الدموع الي كانت تملي وجهها

جا القرار انه يخطبون له نوف بنت ابو علي وهو رفيج ابو ياسسر

ابو علي .. تزوج بعد وفات مرته بسنتين .. وله منها سارا ونوف .. وعقبها اخذ ام علي الشريره وجابت له علي .. سعود .. محمد .. نوره

علي عمره 20 سنه .. سعود و محمد توم 17 سنه .. نوره 7 سنوات << يصيرون اخون نوف وساره من ابو وعلاقتهم مع خواتهم ممتازه .. =)

ندخل في حياة ياسر شوي .. ياسر انسان قمة في الحنيه ( يشابه عبدالله في قصتي الاولى هههه ) اكيد حبيتوه من اول نظره صح .. ياسر انسان مزيون قمه في اللباقه يمووت في شي اسسمه متعب بما انه ماله اخوان بس اختين الي هم ملاك وانجود .. يعتبر متعب كل شي بحياته .. ساعات يقول لمتعب ماضن زوجتي بعامملها مثلك .. كانت همومه كلها عند متعب فرحه كله مع متعب كل شي لازم يشرك متعب وياه اخووااان دينا ..

تهقون الدنيا ممكن تفرق ناس مثل هذول ؟

<<<<<<<<<<<<

بارت 3

يووم جديد لابطالنا الحلوين

في بيت ابو علي ..

تحديدا غرفة نوف الي كانت منسدحه على السرير ..

طق الباب

نوف : من

... : انا علي

نوف عدلت جلستها : حياااك

علي : بااال خستي من النوم كل ذا نووم

نوف : حرام عليك مانمت

علي بخبث : ليييه

نوف : مدري

علي حس انها طول الليل تفكر : نووفي

نوف رفعت عينها عليه : ...

علي : ترا متعب خوش رجاال .. صحيح هو من 10 مدري 9 سنين عايش في عزبه لوحده مع هالخرفان بس احسن لج من واحد ماتعرفين عنه الا انه يدور من مجمع لين مجمع وصايع وحالته حاله .. وللعلم تقدرين انتي تغيرينه .. انا اذكره لما كنا بوخضير ( مراهقين ) كان جدا خلووق تعرفين لما نجي نلعب كوره ولا شي وانا الي ظربته .. هو الي يتاسف .. استغرب انا رغم انه امه وابوه ماتوا المفروض يطلع صايع لادين ولا علم له .. بس شوفيه الحين خوش رجال .. على العموم لا تضيعينه ولا تخربج ساروه ..

اثناء كلامهم مرت من جنب الغرفه ام علي وسمعتهم يتكلمون .. ام علي ابدا ماتحب عيالها يتحوكون بعيال عوش على قولتها بس عيالها ماعطينها سيين وهاي الي قاهرها

ام علي بطلت الباب بقو وقطعت كلامهم : عليوووي

علي من داخله ( يالليل ) : هلا يمه

ام علي وهي تطالع نوف بقرف : تعال ابيك

علي : يمه تشوفيني اسولف مع نووف

ام علي عصبت : اقولك تعال ابييك

علي : انزيين انزيييين

وقام وطلع وعند الباب : لي حديث اخر معاج .. بس انتي فكري

وقعدت نووف تصارع افكارها اخوها يقول خوش ريال .. واختها تقول لها مايعرف شي بالحياه

.....

في المزرعه عند متعب

الي كان يتجول في بين الزررع يخف التوتر الي فييه .. خايف يرفضونه ويرد يعيش وحيد ويموت الالم.. صحيح ياسر مو مقصر معاه .. بس لين متى ياسر يصرف ويهتم فيني لين متى بتم حابس نفسي في هالمزرعه موقادر اواجه الناس .. والله اني احتاج وحده بحياتي .. ليتهم يوافقوون .. حتى لو جيكره راضي .. وحده تحس فيني وبس اقدر اقول لها عن الي خاشه من 14 سنه .. تعبت منعزل عم الناس خوفي يقرون كل شي بعيوني .. آآآآآآآآه يااارب .. والله اانه ودي ادورواتجول بدون خوف فالدوحه كلها بس خاايف خايف خااايف

....

بيت ابو ياسر

ياسر يطق باب غرفة ملاك ..

ياسر : ملووك افتحي الباب

ملاك : ...

ياسر عصب : بتفتحيين ولا اكسر الباب على راسج

ملاك : اووووف خلني بروحي

ياسر : صار لك يومين منخشه في غرفتج

ملاك خلاص تنرفزت منه حنان وقامت وبطلت الباب : ها ها ها كا بطلت الباب ارتحت كاني عايشه للحين

ياسر : تراني اخوج الكبير احترميني

ملاك خلته واقف ودخلت غرفتها و انسدحت على سريرها وغطت نفسها

ياسر ماحب يزعجها ونزل تحت .. عند امه

ياسر : يمه شصار على موضوع متعب

ام ياسر : والله لحين ماردو علي

ياسر : ....

ام ياسر : بكلمهم اليوم وبجووف

ياسر : الله يستر

ام ياسر : كل خير ان شاء الله

.....................

7 فليل بتوقيت الدوحه ..

تلفون بيت ام علي يتصل ..

..: الو

..: مرحبا

.. : مرحبتين

..: ام علي موجوده

..: من اقول لها

..: ام ياسر

.. : لحظه شوي

الي رد على التلفون كان سعود .. وراح لامه وقال لها انه ام ياسر تبين على الفون

هي قبل لا ترد على التلفون .. راحت لغرفة نوف وبدون استاذان بطلت الباب

ام علي : هيي انتي

نوف قامت متصرقعه: هلا

ام علي : ام ياسر على التلفون اكيد بتسالني عن موافقتي

نوف :....

ام علي : اخلصي شرد عليها

نوف في قلبها ( في حد يسال وحده موافقه على زواج ولالا بهالطريقه اعوذ بالله ) : ابوي شرايه

ام علي : يقول انه رجال زين

نوف : الي يشوفه ابوي

ام علي : يعني موافقه

نوف استحت : ..

ام علي : ويي طاع هاذي اونه تستحي بعد حمدالله والشكر

نوف : .. !!

ام علي : واخيرا بفتك من وحده من بنات عوش

وطلعت وخلت نووف برووحها .. وام علي قالت لـ ام ياسر موافقة نوف

عند نوف كانت خايفه من قرارها هي حتى شكله ماتعرفه للحين .. بس انه ابوها واخوها يمدحونه .. يعني كنها قاعده تلعب لعبت الحظ وتشوف حظها وشيطلع .. المهم احسسن من حياتها الي الحين في البيت اووف ..

بارت 4

ام ياسر بعد ما اتفقت مع ام علي على يوم عشان النظره الشرعيه وباقي الاشياء المهر وعرس وسكن وغيره قالت لياسر موافقة البنت .. يااسر طاار من الفررحه دق سلف وطار للمزرعه يبلغ متعب الخبر .. لما وصل عند باب المزرعه كانه تو حد يصحيه من النوم

( ياغبي متعب بيتزوج يعني مافي متعب وحده بتاخذه منك .. يعني لازهقت مافي متعب ولا نويت افضفض وين اروح .. الساعه 3 الفير لا شبعت نوم اروح لمن اخرب عليه نومه عشان يقعد معاي .. في الشتاء ما نجي المزرعه هني ؟؟ ابات عنده طول الاجازه .. اقوم مع من صبح اطلع الخرفان واتمشى مع الخيل .. بوووه ماجا على بالي كل ذا ..؟؟ مدري اهون واقوله ما وافقت واحتفظ برفيجي ..واخوي )

وكنه احد يكلمه ( شهل الانانيه يا ياسر .. انت امك وابوك موجودين .. هو لام لا ابو له .. اكيد محتاج حد اقرب له مني .. هو اخوي ورفيجي وكل شي واكيد الي بيفرحه بيفرحني .. ودامني اجوفه سعيد بس خلاص يكفي .. اذا تزوج وقال انه الزواج حلوو هههه بعرس وراه .. << غيره )

نزل من السياره وكانت الساعه 11 ونص فليل .. المفروض متعب يكون نايم .. راح له الغرفه كلعاده بيقومه من نومه .. فتح عليه الليت

ياسر صرخ : متعبووووه

بس متعب ماكان في الغرفه !!

ياسر : غريبه وين راح هاذي حزت نومه ..خل اسال كومار

ياسر طلع من غرفته .. وراح رغرفة كوماار وطق عليه الباب << لاحظو فرق المعامله

كومار وهو يحك كرشته : يس بابا متعب

ياسر : انا ياسر

كومار تو انتبه : او بابا ياسر .. شنو في !!

ياسر : وين متعب

كومار يحسس ياسر انه غبي : بعد وين داخل غرفه مال هو سليب

ياسر : محد بالغرفه

كومار : يمكن في الاستبل ( الاسطبل ) هاذي بابا متعب 2 يوم مافي سليب سرعه يروح مناك لين 3 صبوح بعدين سليب

اترجم للي مافهمو ( انه متعب يمكن يكون في الاسطبل صار له يومين ماينام من وهل ويتم هناك لين 3 الفير عقب ينام )

ياسر استغرب : اممم اوكي خلاص مشكور

ياسر في فكره ( امم ليه ماينام وشفيه .. ليكون حد مزعله .. بس هو ماعنده الا انا وكومار .. يمكن انا زعلته بشي دون ما ادري .. ( وكنه تذكر شي ) اهااااا اكيد زعلان عشاني ماجيته امس والله انشغلة ..)

وطار على الاسطبل وهو يضحك على سوالف متعب .. ماينام لاني ماجيته << بلاك ماتدري ياياسر .. وصل وبالفعل حصل متعب .. على الخيل يتمشى في الساحه المخصصه له ..

ياسر يصرخ عليه : متعب .. متعب .. متعب

لين انتبه له متعب وجا صوبه بالخيل .. الي لما وصل عنده نزل منه

متعب سلم علييه وجي

ياسر : غريبه انك قاعد لحد الحين

متعب : ماجاني نوم

ياسر بنظرات تفحصيه : عليينا

متعب مستغرب : شفيك ياسر .. شعندك جاي هالحزه

ياسر : بااال شدعوه عااد خلاص خلاص الحين بحرك

متعب : تعال زين

ياسر : هذا وانا جايب لك خير

متعب : شنو !!

ياسر : بوس ايدي اول

متعب ظربه على كتقه : رووح زين

ياسر : هههه طيب طيب بقول

متعب وهو خايف : اسمعك

ياسر : اممممممم

متعب يحس انه ياسر يبيه يتوتر : اخلص علي لا ادفن وجهك هنا

ياسر : ههههههه اوكي اوكي .. ترا العرب الي خطبناهم .. وسكت

متعب خاف وسرح بعيد عنهم شوي : ....

ياسر : الو وين رحت

متعب بحزن : رفضوني صح ؟

ياسر : بالعكس وافقت البنت .. انت ليه ما تتفاءل بالخير

متعب وكنه حد صب عليه ماي بارد .. وفي باله يقول .. يووه في حد قبل فيني يعني محد عايفني

متعب صرخ باعلى صوته : احلللللللللللف

ياسر مات من الضحك على شكل متعب :والله .. الا اشوفك مستانس وانت الي كنت ماتبي تتزوج

متعب ضم ياسر : والله والله انه مافي منك 2 ياياسر صدقني واحمد ربي انك رفيجي انا موغيري

ياسر تاثر وقال بيغير جو : ههه ترا اشوف نفسي عليك

متعب وخر عنه : جرب وانا اكسر لك خشمك

ياسر : طيب انا الحين بروح الدوحه

متعب : وين نام معاي بعزمك على فنجان قهووه من الي يحبه قلبك

ياسر -_- : احلف انت بس .. خبر مثل هذا وفنجان قهووه صج ولد فقر

متعب : هههههههه هذا الي موجود

ياسر : اسمعني بكرا بجي وبمر عليك وننزل الدوحه

متعب ماحب هالسالفه : ليه ؟؟

ياسر : يمكن بعد بكرا نروح لهم وتشوف العروس وتشوفك

متعب ظرب راسه : امااااااا

ياسر ضحك على الحركه : ههههه اي عشان كذا بكرا نروح واسوي لك صنفرره وحمام مغربي خل لونك الاصلي يرجع هههه

متعب : ههههه يعني شنو هاي

ياسر : بكرا تشوووف يلا سلااام عليكم

>>>>>>>>

بارت 5

يوم جديد ..

في بيت ام علي ..

سارا ونوف .. يتهاوشون على نفس السالفه

سارا : يعني سويتيها ووافقتي عليه

نوف مو ماعطتها ويه : ...

سارا : بالله حد يبلش نفسسه في واحد لا بيت ولا شغل ولا علم ولا شي عنده

نوف :. ...

سارا : انتي هييييه انا اكلم من ..

نوف : خلصتي كلامج ولا بقى شي

سارا : لا بقى

نوف وهي تتصفح المجله : طيب

سارا خلاص تنرفزت وراحت لين عندها واسحبت المجله من عندها ورمتها وقعدت عند رجلها

ساارا واخيرا بان على وجهها الحزن : وشفيج نوف تغيرتي من انخطبتي وهذا بس خطبه .. اجل لا عرستي بتنسيني هنا مع مرت ابووج .. انا ما ابيج تخليني وتروحين .. مالي غيرج يا نوف .. امي راحت واخلتني وانا توني ياهل محتاجه حنان وماحصلته الا عندج .. وانتي الحين بتروحين من يبقالي لا ام ولا اخت ولا ابو مثل الناس ومرت ابو عله عله عله .. تكفين نوف لا توافقين .. ( وقعدت تصيح )

نوف عورها قلبها على اختها الحين فهمت سبب رفضها لمتعب وليه طلعت فيه عيوب الدنيا ..

نوف مسحت دموع اختها : سارا حبيبتي صدقيني باخذج معاي مستحيل اخليج هني بروحج انتي اختي وكل شي بدنتي .. امانه ساروه لا تصيحين .. ما راح اروح عنج الحين بروح اقول لابوي اني باخذج وصدقيني ماراح يرفض لان شحروره ( ام علي ) تبي الفكه منا وبس

هدت سارا شوي بس من داخل هي خايفه : احلفي

نوف : والله ما اتخلى عنج .. بس انا ابي اطلع من هالبيت خلاص زهققققققت تعرفين شنو زهقت

عاد اخر جمله سمعوها اثنين الي هم سعود ومحمد ..

محمد وسعود بصوت واحد : افاااااا

نوف انصدمت بعدها ابتسمت : تعالو ادخلو

محمد دخل وجلس وياهم : لالالالا انا زعلان منج مالي قعده بغرفتج

سعود راح وقعد جمبه : انا مع اخوي ما اقعد معاكم زعلان زعلان

نوف اطالعهم بستغراب : ....

بس سارا فهمتها نوف وتكلمت : يوم انكم زعلانين وماتبون تدخلون .. ليه جالسين عيل .. براا براا يلا بسسرعه

سعود : نوف شوفيها ترضين تطرد اخوك المزيون

نوف : ههه والله انتوا قلتوا زعلانين مب داخلين وهذا انتوا معنا بالغرفه عبط ؟

محمد : سعود جنه اهانونا .. قوم قوم نطلع

سعود : اي والله يلا يلا بنطلع

بس طبعا محمد وسعود ما تحركوا من مكانهم !!!

هم يبون بس نوف وسارا يعتذرون ويقولون لهم لا تزعلون وقعدوا بس نوف وسارا فاهمينهم .. وماعطينهم سييين بس يناظرونهم انه يلا اطلعوا

مره وحده سعود مات من الضحك ... وراه اخووه ..

سعود : هههههه مالت اقوول مافي اي احساس

محمد : اقولك شوف شلون يطالعونا يعني يلا اطلعو بس حريمتكم

سعود : اي قاعدين على جبودكم

نوف : حمدالله والشكر ..

سارا : المجانين في نعيم الله يسلمج

محمد سعود يطالعون بعض

سعود : حمود .. جمهم اهانونا للمره الثاانيـــ ... وقطع عليهم قعدهم كلعاده ام علي كالعاده

كان الباب مردود فهي سمعتهم

ام علي دخلت وصرخت : سعود محمد

محمد وسعود قاموا يتلفتون .. اونه من تنادي هاذي

سارا بصوت خفيف : طبت علينا شحروه

اخونها اسمعوا واضحكوا

ام علي هني عصبت : شقلتي

سارا بعبط : اقوول نورتي غرفت نوف يا بعد طوايفي

ام علي : مالت عليك وعلى طوايفك .. سعود ومحمد تعالو ابيكم

محمد التفت على سعود : تعرف هالاسامي الي تقول عنهم امي

سعود : لا والله ما عرفتهم

محمد : تهقى عيال من ذول

نوف وسارا : ههههههههههههههههههههههههههههههههه

ام علي جات لين عندهم فرصت اذانيهم وسحبتهم برع

محمد : آآي آآي يمه عورتيني

سعود : عيب عليك يماا كربنا على هالسوالف آآي

محمد : هزلت عمرنا 17 سنه .. وامي لحين تسحبنا من اذانينا

نوف وسارا لا زالو يضحكوون على اخوانهم ...

..............

في العزبه .. ياسر كان ينطر متعب في السياره .. وصل متعب .. ونزلو الدوحه .. طبعا الحين من متى متعب مانزل وشاف الدوحه غير الطريج الي يودي لين بيت ياسر ويرده .. وفي الرده دوم نايم في السياره ..هههه .. تخدره السياره .. المهم راحوا اول شي يتغدوون في ابل بيز .. لاول مره متعب يرضى ياكل بمطعم .. مايحب الا من يد كومار عيووش .. بس هالمره عشان رفيجه وعشان يتعلم شوي وراه زواج هو هههه .. المهم جابو المنيو .. وبدى ياسر يتصفح

ياسر لمتب : شوف وشتبي تاكل من المنيو

متعب : شنو يعني منيو

ياسر : هاي الي قدامك

متعب : اهاا الكتاب هاي

ياسر : اي اختار لك اكله

متعب قلب في المنيو : انا ابي مجبوس ياخي

ياسر : الله يفشلك .. اي مجبوس هنا .. هنا ستيكات .. بستات . وشنو مجبوس

متعب : اخيييه الله يعز النعمه شنو يعني باستات

ياسر : معكرونه

متعب : نفس الي يسويها كومار بالمزرعه

ياسر بملل : ايي

متعب : ابيها عيل

ياسر : وشتشرب

متعب : برتقال

ياسر : اوكي

وطلب لهم ياسر .. وقعدوا يسولفون شوي لين جا الطلب اول ما حط الويتر طلب متعب قدامه

متعب : يووه شفيها بيضه المعكرونه كذا ولا طويله بعد . شجايب لي انت

ياسر : ياليييل .. انت وجه مطاعم كشخه .. اكل وانت ساكت

متعب تافف .. وشمر يده وتوه بيكال اول ما حط يده على المعكرونه جان يحترق ويصرخ

متعب بالم : آآآآآآآآه

ياسر : اووووش فضحتنا

متعب : يوووه حارره .. حرقتني

ياسر -_- : في شي اسمه شوكه

متعب : ماعرف لها

ياسر مسك الشوكه ولف له فيها المعكرونه .. وعطاه

ياسر : فهمت

متعب : اي

وقضى متعب ساعات عصبيه وهو ياكل الباستا ويتهاوش مع الشوكه .. عفس الطاوله

ياسر تحسف انه جابه هنا هذا حده معصره ههه ,, ولا مطابخ الشعبيه ,, يظرب بالخمس
وبعدها طلعوا من المطعم .. رايحين على الصالون حق الرجال .. يفكرونه شوي

موضوع: رد: روايــة بقـآيـا يتيم 1/10/2011, 17:51

بارت 6
بيت ام علي ..
تحديدا غرفة علي .. الي كان راقد على سكت التلفون ( يكلم من في التلفون بعمق )
علي : يلا عااد لا تصيرين دلوعه
..: لا ما ابي
علي : فطوومتي يلا عاد
فاطمة : اوكي خلاص رضيت
علي : حبيبتي انتي
فاطمه : طيب وحشتني من زمان ماشفتك
علي : حددي يوم وانا حاظر اي وقت حياتي
فاطمه بتفكير : امممم خلها يوم الاحد داومات احسسن
علي : اوي صاار
خل اسولف لكم شوي عن علي وفاطمه وواوصفهم شوي
علي .. مزيوون على امه الشحروره .. طويل .. وابيض ملامحه واضحه وحلوه .. فاطمة شوي سمره برونزيه يعني ..عاديه .. يعني علي احلى منها بوايد .. يحبون بعض من سنتين .. وعلي واعدها انه بيجي وبيخطبها .. بس يضبط اموره مع الشحروره ..
عند متعب وياسر ..
اول ما وصلو الصالون الي كان اصلا ياسر حاجز فيه من قبل .. امدحوه له الشباب ..
جاو حق متعب 2 من الجنسيه الفلبينه .. وراح معاهم ولا يدري شطبخه بيسون له حمام مغربي
خله يبدل وعطوه شورت .. (( هو فكر انه في مسبح وبيتسح وجي )) < مسكين مادرا ..بدل وكذا وطلع من غرفة التبدل الا هم ينطرونه
متعب : يارجال شسالفه
فلبينو : تأل وذ مي
متعب : لوين
فلبيونو : بانيو
متعب مافهم مشى وياه
لين وصلو للحمام المغربي .. وقال له الفلبيني يلا تعال هنا وكان مجهزين له اياه وماسكين الليفه عشان يفركونه .. استوعب اخ متعب انهم بيسبحونه جاان يعصب وقعد يصرخ عليهم .. الفلبينو موفاهمين شيقول غير انه معصب
لين نادو له ياسر ..
ياسر : متعب وشبلاك
متعب : تستعبط انت ووجهك .. عمري 28 سنه وجايب لي ذول يسبحوني .. احلف انت بس .. شام ريحتي وانا مدري .. اخر عمري انا يسبحوني .. اقولك ردني مكان ماجيت بلا زواج بلا زفت
ياسر -_- : الحين انا جايبك من هناك ودافع ومتعب عمري عشانك .. عشان تطلع حلو جدام المره والحين ماتبي جزاي يعني يا متعب تصارخ علي .. هم بيفركونك بقوه عشان لونك لعل وعسى يرجع لون واحد مب جي جنك محترق
متعب جملة ( تطلع حلو جدام المره ) خلته يصير هادي شوي >_< : طيب
ياسر استغرب انه بسرعه وافق : ...!!
متعب : يلا اطلع برا خل يفركوني
ياسر وهو يحك راسه وفباله شفيه هاي توه شايل المكان على راسي : طيب طيب
وطلع ياسر .. والفلبينو كملو شغلهم وفركوه تفرررك .. بعدها حلقووه ضبطوله السكسوكه .. حلقو شعره الي كان طويل لين كتفه خلو طول 6 انج .ههههههههه .. يعني مب طويل ولا قصير ..
بالاصل متعب حلو مملوح .. بس الشمس شوي لاعبه في بشرته خشمه ( شلة سيف ) .. على العموم تقاسيم وجهه دقيقه .. .. وبعد ماضبطوله السكسوكه طللع وااو .. والنتيجة النهائيه عجبت ياسر الي احتر وراح حلق هو بعد
وعلى كذا انتهى اليوم بنتظار بكرا على احر من الجمر الي هو يوم النظره الشرعيه ..
يوم جديد اخر لابطالنا مشوق للكل
وطبعا اليوم يوم النظره الشرعيه ..
بيت ام علي .. الشباب شايلينه وحاطينه كنه اليوم عرس مو نظره شرعيه واتفاقات وخلاص.. وام علي نفسيتها واصله صفر من عيالها ( لييه يعاملون بنات عوش كذا وانا الي مربيتهم انهم يكرهنهم ) << سبحان الله يا ام علي
طبعا سعود ومحمد مستلميين نوف .. ومستلمين متعب
سعود : حمود انت الحين نوف وانا متعب ها
محمد قعد على الكرسي يابلفيت مستحي : اي اي انا نوف
سعود : السلام عليكم
محمد مثل الخجل : .... اوني استحي
سعود : هههههههههههههه عدل شغلك
نوف كانت تتابعهم بس -_- .. ملاغه
محمد : قلت لج السلام عليكم
سعود : ... هم اونه استحي
محمد بط جبده سعود : اقوول قم اطلع برا انت مب وجه تمثيل
سعود : هههههههههه الحين انت الي تمثل يعني
نوف بهدوء : حمود وسعودوه ممكن برااا
محمد : يووه شوفهاا استحت
سعود : اي اي شوف اخدودها وردت
نوف حست خلاص ملاغتهم زاادت .. خلت لهم الغرفه وراحت عند سارا .. بروحها متوتره
...
عند متعب كان يحس انه اليوم يوم عادي يعني او تقدرون تقولون مايقدر يحدد شعوره الملخبط مايدري يستانس يحزن يخاف من ردت فعلها لا شافته.. صحيح انه راضي بجيكره بس بعد الواحد يتمنى لنفسه الاحسن وحده يقدر يطل بويهها .. من يوم ما نظفه ياسر وهو كل شوي يشوف نفسه بالمنظره ومخلي ياسر يشتري له ليفة نفس ليفة الصالون عشان يتنظف .. ههههه استانس مسكين .. كل شوي يروح لكومار يقوله انا حلو ؟ انا كاشخه صح ؟ زقرت ها ؟ وهاي اسئلته حق كومار .. وكومار ماعنده الا اي بابا اي بابا .. ويشوف نفسه بالمنظره مستانس على شكله الجديد هههههه
وووو كذا جا موعد النظره .. بعد وصول ياسر وابو ياسر ومتعب .. لمجلس ابو علي .. الي كان ممتواجد فيه علي ومحمد وسعود .. العم ابو جاسم .. الي هو اخو ابو علي ..
اتفقوا على المهر .. وعلى السكن .. وعلى كل شي .. بس كان في سوال في خاطر بو علي صج انه مو وايد مع بناته .. بس بعد بيضلون بناته
ابو علي لمتعب : ياولدي انت وين بتشتغل
متعب توهق : ... !!
ياسر تداراك الموضوع : ياعمي متعب من بكرا بشتغل معاي في الوزاره
ابو علي ارتاح نوعا ما : .. حلو حلو ياولدي الله يتمم على خير
متعب والكل : امييين
ابو علي : متعب تعال معاي تشوف البنت تعجبك وانت تعجبها وترتاحون لبعض ولا لا
هنااا متعب صار جووه متوتره استحىىى ماقدر لف على ياسر يعني شسوي
ياسر عطاه نظره انه قوم روح معاه
متعب يطالعه بنظرات ويهز راسه قوم تعالو معاي
<< يتكلمون بالنظرات ههههه .. كل هذا وو ابو علي كان رايح يسوي درب
ياسر لما فهم منه انه يقصد انه يدخل معاه داخل قام وضحك
وسعود ومحمد يتلفتوون
سعود : حمود اقولك شفيه هاي يضحك
محمد : مادري هاي زوج الغفله لاختك يسوي له حركات ونظرات مافهممتها
سعود : اهاااا .. حمدالله والشكر
جا ابو علي وقال لمتعب تعال .. متعب قام وياه وكنه يشيل ريله شيل ..
في نفس وقت وقوع هالاحداث الي فووق نبي نشوف عند نوف شلون كان الوضع لما قال لها ابوها يلا متعب بيشوفج
هي كانت بغرفه سارا .. اول ما قال لها ابوها .. ركضت غرفتها .. شافت نفسها بالمنظره
رجعت غرفة سارا ..
نوف : سارووه لحقي علي شسوي
سارا كسرت خاطرها اختها : حطي شوي بودرا .. وكحل ومسكره وخلاص
وراحت ركض غرفتها مره ثانيه وسوت الي قالت عنه سارا وكان شكلها اوكي .. ولبست عبايتها الي جابتها لها سارا ونزلو تحت .. طبعا ام علي شاله يدها من كل شي .. نزلت وقعدت .. ولقت علي تحت الي قعد معاها .. يخفف من توترها
شويات ودخل ابو علي ومتعب الي من جاف طرف العبايه نزل عينه .. مب عينه الا راسه كله نزله بالارض
جلس بالكرسي الي مواجه نوف . كلن منزل راسه ومستحي .. ومتعب بيموت من الحيى .. الي مريح نوف وجود علي جمبها .. بس هو لا ام ولا ابو يكون جنبه بهاليوم << مسكين عور قلبي . وعم الهدووء
علي قال بيلطف الجو : امم نوف ارفعي راسك شوفيه
متعب توتر ونوف استحت
علي : طيب انتي خلج كذا ومتعب ارفع راسك شوفها
متعب ما قادر يبي ياسر يمه يشجعه يستحي هذاي او مره يكون بروحه بموقف قوي ولا مع بنت واخوها بووه فشللله
بس تشجع ورفع راسه شوي وشافها لمدة 5 ثواني ونزل راسه منصدم
متعب في داخله يارب ليه ليه ..
نووف .. بيضه بياض الثلج وكل شي فيها صغير الا عيونها كبار .. شفاتها صغار خشمها صغير كانت جمييله واحلى من سارا .. شعرها الي كان تحت الشيله . اسسسود حرير .. على امها الله يرحمها
اما نوف كان ودها تشوفه اووف بس مستحيه منه ومن اخووها
علي : يلا نوف انتي ارفعي راسك شوفيه
نوف بجهاد وارفعت راسها والمحت سكسوكته ونزلت راسها تاخذ نفس
علي : الحين شفتي شي اقول .. ومسكها من فكها ورفع راسها وناظرته
( بالله الوصف الي قلت لكم عنه مسساع ..وكيد كل حد تخيل متتعب بباله .. ما يحق لها تنصدم )
نوف شافته وابتسسسمت ونزلت راسها
على فكره ابو علي يوم شاف علي موجود رجع للرجال في المجلس
علي : يلا ماعندكم شروط لبعض
نوف اظربته على ريله انها تبي شي
علي : قولي وشعندك
متعب رفع راسه يبي يسمع وشبتقول .. ماتوقع من نفسه هالحركه اصلا
نوف وهي تكلمه شوي شوي .. ابي اعيد الثنوي وادخل جامعه
علي : من صجج
نوف هزت راسها
طبعا متعب ولا فهم شي اصلا ما سمع
علي قال له الي بغته نووف ومتعب ماكان عنده شي .. على كذا طلعو وخلص اليوم .. بعد ما وصفت نوف لسسسارا متعب .. وبعد ما قال متعب كل شي لياسر..
خلص هاليوم على خير >_< لحد الان ايامنا تنتهي على خير الله يستر من القادم
................................
بارت 7
بيت بو ياسر
غرفة ملاك .. الي كانت تتكلم في التلفون
ملاك : اسمه متعب
..: عطيني اوصافه
ملاك تفكر : اممم هو سمير شوي .. طويل .. ياخي مدري من زمان ماشفته
..: هم 2 بالمزرعه بس
ملاك : اي . واحد هندي كومار والثاني هو
...: طيب .. وكيف استلم المبلغ
ملاك : اول ماتخلص شغلك كلمني
.. : طيب يا ريم
ملاك : اليوم موعدنا في ليل صح
.. : اي انشالله
ملاك : لا تقصر فيه ..
..: ابشري طال عمرج
انطق الباب على ملاك وخااافت
ملاك : يلا انا اكلمك عقب ماتخلص شغلك
..: طيب سلام
وسكررررت بسسرعه وراحت بطلت الباب .. وكانت انجود براا
انجود : شعندج مندعسه في الغرفه
ملاك : ملل يعني اطلع برا شسوي
انجود : قعدي معانا
ملاك : من زين قعدتكم عااد
انجود : وشفيك تغيرتي .. علينا ما اخبرك كذا ولسانك طويل
ملاك : والله دنيا
انجود : الله يهداك
ملاك : اخلصي تبين شي
انجود : يعني مب نازله
ملاك : لا
انجود : براحتج
ونزلت نجوود .. وملاك ظلت في غرفتها متوتره
ملاك تفكر ( الله يستر ان شاء الله محد يدري انه انا السبب وان شاء الله تنجح السالفه .. هين يامتعب .. انا الي انطرك تروح تخطبك غيري .. واشكره تقول انه احنى خواتك يعني ماتبينا .. ليه وشقاصرنا )
بالله ملاك وشتفكر تسوي ؟؟؟
.....
عند نووف .. الي نقدر يمكن نسميها من الحين العاشقه من اول نظره .. كلا سرحاانه وتفكر .. رغم انها مره وحده شافته .. بس حبته ما توقعت انه بيكون بهالشكل .. ويستحي بعد حياااتي ..
قطع عليها السرحااان
..: بووووه
نوف : ووووووووووويعه
... : تويع العدو يا حيوانه
نوف : ساروووه حرام عليج خربتي جووي
سارا -_- : ترا سندرتينا .. مع متعب هاي .. هذا وانتي بس نظره .. لو عشتي معاه باتلفين قصه عيل
نوف: سارووه انتي ماشفتيه جميل جميل .. ياربي متى اعرررس
سارا : شوفو قووية العين ..
نوف استحت : ...
سارا اجووفج ( وتناظر في وجهها) : ياويلي نوفوه تستحي ههههههههههه
نوف غطت وييها بيدها : ليييه شقالو لج
سارا شالت يد نوف من ويهها : انا بروح انام لا يغمى علي بس
نوف : متحره انتي اصلا
سارا: مسسسسسكينه احتر على شنو .. اني بعيش مع الخرفان في المزررعه ..
نوف بطلت عينها .. قامت دور شي حذاها ماحصلت غير غرشة الماي واحذفتها بالقو على سارا
بس للاسف ماصادتها لان سارا شلت عليه
.... بعد منتصف الليل .. الساعه 2 ليلا
في المزرعه .. 3 اشخاص .. ملثميين .. ضخاام .. يتسحبون شوي شوي .. بيد كل واحد عصاه !!!
( عرفتوا نيتهم ؟ ) ياويلي ويالاه .. لين وصلو البيت داخل المزرعه .. وادخلوه .. احتارو اي غرفه يختارون .. اظطرو ينقسمون .. لين واحد منهم وصل للغرفه المطلوبه .. فتح الباب بشوييش .. وتوجه للسرير ووقف جدامه وجا بيظرب بكل قووته بسسس ؟؟
سمع صوت الماي في الحمام .. عرف انه هو في الحمام .. عطا ربعه رنه .. الي كانت عندهم على الهزاز .. عشان يجونه الغرفه المطلوبه ينتظرون متعب يطلع !!
..................
بيت ابو علي ..
غرفة علي .. يحكي بالفون اكيد
علي : فتومتي
فاطمة بدلع : عيوني
علي : احبج
فاطمه : مي 2
علي: فديتج والله
فاطمه : اقوول علوي
علي : امريني انتي
فاطمة : شصار علي سالفة زواجنا .. ترا مليت
علي : امممم .. بحاول باذن الله بكرا اكلم امي
فاطمه بسعاده : وااااللللللله
علي : ان شاء الله
فاطمه : ياااي وناااسه واخيرا
علي : ههههه
انطق الباب على غرفة فاطمه فظطرت انها تنهي المحادثه وتسسسكر
..............
نرجع للمزرعه ..
متعب الي كان مستمتع وهو يفرك نفسه باليفه ولا مليون مره .. ومنقع الي ينطرونه بررا .. بعد ماخلص وهو وعليه مايدري شسالفه .. لبس ملابسه وهو يدندن جدام المرايه .. ويمشط شعره .. مستمتع
ويفكر في نوف الي صورة وجهها ما راحت من باله .. فتح الباب وطلع وسكر باب الحمام ( الله يعزكم )
متعب : يووه صار ظلام ماشوف
لف متعب بيفح بابا الحمام عشان يستعين بالاضاءه اللي فيه .. بس للاسف ماقدر يوصل له .. لان في انسان اسسسحبه من ثيابه ورمااه على الارض .. وطاحو فييه ثلاثتهم ظررب فيه .. وهو مسسكين يصرخ
(( آآآآي .. من انتوا .. شسويت لكم .. ليييه كذا .. يمممه لحقيني .. يبببه الحقني .. ياسرررر .. كومااار ..
كل الي يعرفهم صوت عليهم لكن لا مجيب ))
ملاك قالت للشخص هذا بس اظربوه ابيه عايش .. تكفون بس يتادب .. بعد ماخلصوا الاشرار خلوه مرمي وطلعوا .. مرمي على الارض يبكي من الام .. من الوحده من كل شي .. ليه يظربونه هو ماله اعداء ما قد يوم اذى حد .. مايشوف حد اصلا .. ظل مكانه يصارع الام لحد الصبااح .. وشريط حياته ينعرض قدام عينه
جا الصببح .. كومار بعد ما اكتشف انه باب البيت مفتوح ركض بسرعه حق متعب يقوله .. بس حصل متعب مرمي على الارض وكلمه بس متعب مايرد .. قرر انه يتصل في ياسر .. الي خاف على اخووه ..وصديقه .. اتصل بالاسعااف .. ودق سلف ومايرده الا المزرعه .. تدرون انه ياسر بعد ماجاف متعب .. وهو مرمي على الارض الدم حولينه .. بكى وبكى .. خوف يفقده خوف يروح عنه خوف انه قصر معاه .. لان متعب اغمى عليه ومايرد ودقات قلبه خفيفه ..
شلوه و للمستشششفى طيرااان

موضوع: رد: روايــة بقـآيـا يتيم 1/10/2011, 17:51

بارت 8
وصل خبر دخول متعب المستشفى لام ياسر وابو ياسر والبيت كله .. الى ان وصل الى نووف !!!
الي انصدمت على الاخر
نوف ( يعني يوم لقيت الي بيضفني وبيطلعني من هالبيت .. يروحون يظربونه .. الي اعرفه انه ماله حد مايعرف حد يعني ماله اعداء .. ليه يظربونه .. ولا هذا حظي الردي .. يااارب انك تقوم متعب بالسلامه يارب انك تقومه بسلامه .. يارب .. الله يسامح من كان السبب )
طبعا نوف في حالة صدمه ومسكره على نفسها الباب .. كانت سعيده انها واخيرا بتعرس وبتطلع بس شكله مالها في الطيب نصيب .. هذا وهي للحين ما املجت باقي على ملجتها اسبوع .. وظربوه الجلاب وكسروه
في المستشفى عند ياسر الي كاان متوتر وخايف وحزين .. انا مب عارفه اعبر لكم عن شعوره
متعب على طول دخلوه عملياات وصار لهم 5 ساعات دااخل .. ولا خبر ولا شي ..
وياسر الا واقف الا قاعد ولا يمشي رايح جاي .. متووتر .. يبي يعرف اي خبر يطمننه
ابو ياسر : هدي يا ولدي .. ان شاء الله ماعليه شر
ياسر بغصه : شلون ماعليه شر يبه انت ماشفته ماشفته ماشفته
ابو ياسر عووره قلبه على ولده يدري شكثر هو متعلق في متعب : ادعلي له
ياسر : يااااارب انك تشافيه ياااارب انك تقومه بالسلامه
على هذا الدعاء طلع الدكتور من العمليات
طار له ياسر مثل المجنون ..
ياسر : دكتوور بششر .. امانه قوول انه حي .. قول انه باقي يتنفسس .. تكفى طلبتك .. ابوس ايدك عايش هو صح ..
الدكتوور : والله مش عارف احكي لك اييه يا ياسر
ياسر : قوول تكفى خلااص انهد حيلي قووول
الدكتور : هوو عايش والحمدالله بس ..
ياسر ارتاح نوعا ما بس كان خايف من كلمة بس : بسس شنو يادكتور
الدكتور : مش حيأدر يمشي مره تنيه (ثانيه )
انصصصدم ياسر وابوياسر : ...
الدكتور : حنى عملنا الي علينا .. وقفنا النزيف .. جبرنا يده الي انكسرت .. بسس ماقدرنا نتحكم في العمود الفقري .. وصاده شلل نصفي .. يعني .. مراح يقدر يمشي .. الله يكون بالعون ..واحنى بلغنا الشرطه
ياسر قعد على اقرب كرسي ويده بين راسه .. ( ليه متعب يعني بالذات .. ما قد اذى حد في يوم .. ماعنده الا انا وكوومار .. ومستحيل كومار ياذيه بشي .. لان متعب ما ياذي حد .. ياذي نفسه ولا ياذي غيره .. الحين بيعيش على كرسي ؟؟ مابيقدر يقوم الصبح يلف مره على الخيل ومره على الناقه ..يسقي زرع المزرعه .. يتسبح في البرجه .. اتسابق انا وياه ؟؟ كل ذا انتهى من حياته .. ماراح يتزوج خلاص من بيقبل فيه وهو مايمشي .. هو شلون بيتقبل حياته اليديده على كرسي ) !!!!
انتششر خبر نجاة متعب وانه على قيد الحياه ووصل الى ملاك ؟؟
ملاك الي كانت خايفه انه يموت وتصير جريمه قتل .. ارتاحت يوم انه طلع حي .. حمدالله حي بس بيعيش طوول عمره على كرسي .. يستاهل هذا الي يرفضني .. ولا يبي يتزوجني وانا اللي انطره ..
<< بالله من قالج انطرريه هو قالج يوم انه يبيج مثلا .. ولا يدري عنج يا بليده
اما عن الي اجرتهم ملاك عشان يضربونه .. يتصلون فيها بس جوالها مسكر .. كانت شاريه رقم عشان تكلمهم منه .. وبس الحين ما تحتاجهم .. يعني ما دفعت لهم حتى !!!!
......
عند نوف ماتتصورون كبر فرحتها انه قام بالسلامه قامت على طول دخلت المطبخ وقامت تتطبخ تبي ترسله له المستشفى .. اكيد لاعت جبده من اكل المستشفى ... اكل البيت احلى
وهي بالمطبخ دخل عليها علي ..
على : نوفوه شتسوين
نوف : اكل وبرسله لمتعب المستشفى
علي : ليه ترسلين له اكل .. من يكون
نوف : شنو من يكون .. يبصير رجلي بالمستقبل القريب
علي بعصبيه : انتي صاحيه .. الرجال صار معاق مايقدر يمشي .. المفروض تحمدين ربج انج للحين ماملجتي عليه .. كان توهقتي فييه .. وشتبين فيه الحين .. ان شاء الله يجيج الي احسن منه ومتعب انسيه
نوف الي كانت ماسكه صحن .. بعد ماسمعت الي قاله اخوها .. طاح من يدها .. وطلعت من عنده على غرفتها تبكي .. متعب واملها انها تتزوجه .. علي كان يمدحه فجاه يوم طاح الولد !!!
.......
بعد مرور شهرين من هالاحداث كلها الي طافت
بالبدايه لما عرف متعب بحالته انه مراح يمشي .. كانت نفسيته تعبانه مو مصدق .. ياسر ماقصر معاه خذ اجازه .. باليالله .. طلع متعب من جو الكابه .. وحاول قد مايقدر يرجع متعب مثل ماكان .. بس يبقى شي منكسر في داخله ..
متعب وياسر الي قاعدي على البردنه وكان الجو بارد وحلو ..
ياسر : متعب
متعب : هلا
ياسر : شرايك نسافر
متعب : وين !!
ياسر : نروح المانيا .. منها نجوف لك علاج ومنها نغير جو
متعب : انا مالي امل امشي ماسمعت الدكتور وشقال
ياسر : حنى نبسال ونفحص ونجوف .. ماورانا شي
متعب : ما ابي احط لي امل وعقب انصدم .. ويقولون لي انسى تمشي مره ثانيه
ياسر : تفاؤلو بالخير يامتعب تجدوه
متعب تنهد :......
ياسر : تصدق الشرطه مو قادره تعرف منهو سبب كل هذا
متعب : آآه يا ياسر لين يومك هذا وانا احاول اتذكر اني ضايقت احد او اذيته .. ماني بمذكر
ياسر : مرده بيطلع وبنرد له الحركه
متعب : الله يسامحه .. كانه حرمني المشي والزواج وكل شي .. خرب علي فرحتي
ياسر : هونها وتهون يا متعب
متعب حتى لو انه يبي ياخذ نوف .. بس مستحيل يوهقك البنت فييه .. بس جا الرفض منهم ومن علي كان قاسي على متعب ..
علي : انسى اختي .. مستحيل نعطيها واحد مايمشي وله اعداء خوفي يجون يظربونها بكرا .. ولا نبيي نوهقها فيك .. ان شاء الله قريب يجيها ولد الحلال الي يعيشها مثل الملكه
هذا كلام علي حق متعب بعد اول اسبوع من طلعته من المستشفى وكان مؤلم بالنسبه له ..
قلب علي على متعب مره وحده .. ولا راعى ضروف انه توه طالع من مستشفى واكيد نفسيته تعبانه
وبعد شهر من الحادثه بالضبط .. انخطبت نوف .. ووافقت .. وراحت في سبيلها .. كان حال متعب من هالخبر متضايق انه راحت عليه .. بس دعى لها انه يوفقها .. هو ماملج عليها ولا كانت حبيبته ولا شي
يعني الامر كان اهو وان شاء الله الله بيرزقه بخوش بنت ..
..................
ساالفه السفره صارت صج .. انحجزت التذاكر وتحدد يوم السفر الي كان هو اليوم
ياسر : يلا بنمر على امي وابوي وحنى رايحين المطار
متعب وهو يدز نفسسه ف الجاري : اوكي
وصلوو البيت ابو ياسر .. ونزلو وسلمو على الاهل .. على المطاار
( النداء اللاخير لطيران القطريه المتوجه الى برلين التوجه الى البوابه )
وسااافرو حبايبنا متعب وياسر الى المانيا .. وبسافرون شوي من قصتي .. بتفرغ للبقيه =)
الله يشفييه ويرجعه لنا سالم معافى يركض .. قولو امين

بارت 9

في احد مدارس الدوحه الثانويه ..احد صفوف الثالث ثنوي .. واكثر الصفوف مشاغبه
ازعااااج على الاخررر .. الي تطلع مواهبها على السبوره والي على الطاوله واللي على الطوفه .. والي ترقص والي يصفقون لها .. صف مزززعج
انطق الباب عليهم .. ودخلت مدرسه جديده .. طبعا والاكيد فكروها احتياط وعطووها سييين
.. : السلام عليكم والرحمه
الطالباات : .....
..: بنـــات !!!
الطالبات : .....
درت انه مافي فايده لفت على السبوره لقت مغناطيس معلق عليها خذته .. وباقوى ماعندها ضربت على الطاوله بشكل مستمر .. ازعج البنات
ريم : بس بس بس .. ازعجتينا
جود : اخلصي قولي وشعندك
ندى : شت ملاغه جديده ولا شنو
.. : لما المدرسه تدخل وتسلم وتطق الباب الكل يرد السلام وينتبه لها ويحترمها
العنود وهي تبرد اظافرها : ياربي يعني احتياط نعطيج ويه ليه
..: من قالج انه احتياط ونزلي ريلج لو سمحتي وكلميني عدل
ندى : كااااك فشلوهاا
العنود عطتها نظره ونزلت ريلها : اووف
.. : اسمعووني عااد .. انا هنا مدرستكم الجديده .. بدل ابله ابتسام .. يعني بدرسكم عربي .. لاتحسبون اني بعطيكم وجه مثلها .. هالمصخره الي من شوي ابداا ما اعجبتني
ريم : لالالالا نبي ابله ابتسسام اسمحي لنا
جود : ايي نبي ابله ابتسسام حد امها مفهيه .. ناكل نشرب نسولف وهي ولا تدري عنا
ريم الي حذفت جود بالقلم : ياغبيه فضحتينا الحين مايردونها لنا
جود : ايييي صح .. اقصد كانت وايد قاسيه معانا
ندى : يعني عدلتيها ..يمه لا فات الفوت
.. ما اهتمت للي قالوه : انا اسمي ابله انجوود .. بدرسكم من بكرا .. عربي .. مصخره مثل الي كانت تصير عند ابله ابتسام ما ابييها .. وتراني قاسيه على قولتج وش اسمج
جود : انا !!
ابله انجود : ايه انتي
جود : اسمي جود ويدلعوني جوجو
ندى : هههههه حلوه جوجو اعجبتني .. بس من متى احنى ندلج !!!
جود : هههههه كلبه
ريم عطت ندى نظره : ...
ندى : اوكي اوكي بسسكت
ابله انجود عصبت : بسسسس يابناات . وكملت . عاشت الاسامي يا جوجو .. يلا الحين كعاده اول ابله تدخل عليكم .. عطوني اسماكم كلكم
وعرفت اسماء الصف كلله وخدت انطباع عن البعض . بس اهم بنات في الصف الي كان معاهم الحواار
اول شي : ريم .. من عايله متوسطه الدخل .. عمرها 17 سنه .. ضعيفه بس قصيره .. شعرها طويله لحد اخر ضهرها .. عيوننها كبار بحلووق.. ملسووونه .. البجر هي بين اخوانها .. وعندها اخوان صغار
ثاني شي : جود .. سبورت شوي .. دفشه .. شعرها قصير مدرج لحد رقبتها . مملوحه .. اطول من ريم بشوي .. جمييله جداا جداا .. ملسونه على رفيجتها .. 17 سنه .. اخر العنقود .. عندها 3 اخوان اكبر منها واحد منهم معرس
ثالث شي : ندى .. حد ام الملاغه ..18 سنه .. اكبر منهم بكم شهر بس .. احلاهم .. كلهم نفس الطول تقريبا ماعدا جود اطول منهم شوي .. شعرها غليض وعسلي لحد نص الظهر .. مايستغنون عنها في الصف ... لو غابت .. بال ام الملل .. مب ملسونه وايد بس ملغه .. وشاطره بعد .. عندها اخت متزوجه .. واخو اصغر منها بسنه..
رابعا شي : العنود .. من عايله غنييه معرفه بالدوحه .. دلووعه امها وابوها .. ماعندها الا اخو واحد ويدرس بالندن .. لسانها طوويل .. 17 سنه .. عاديه جدا .. بس وايد مغروره .. وايد تتلزق في جود عشان اخو جود الي بالوسط .. تقريبا نص بنات الصف ما يدانونها واولهم جود
.................
حنى قلنا سارا الوحيده الي لسانها طويل وتقدر تدافع عن نفسها عكس نوف . نوف الي عرسها قريب وبتاخذ واحد عمره 25 وهي عمرها 23 .. مناسبين الله يوفقهم ..
سارا .. عمرها 19 .. بالقوه دخلت الجامعه مع ان ام علي الملقوفه ماكانت تبيها تدخل .. بس سارا هددتها انها بتفضحها بين نسوان الفريج اذا ما اقنعت ابوها تدخل الجامعه .. لو تسالون سارا شعندج على ام علي بتقول ولا شي .. يعني ام علي خايفه وساكته على ولا شي .. يعني الحين سارا .. بالجامعه بسنه اولى تخصص .. ضاعت عليها سنه تاسيسي ..

الحين نحن في جامعه قطر
... : ساروه .. شوفي هذيك البيت
سارا : دلول ماشوف شي وينها
دلال : هذا هي الي هناك الي متمكيجه حدها
سارا : تقصدين ملاك
دلال : اييي .. تعرفينها
سارا : اي ابوي يعرف ابوها ايام كانو بالمدرسه
دلال : اماا .. ترا الجامعه كلها تتكلم عنها
سارا ببعدم اهتمام : شيقولون مثلا
دلال : راعية شباب وحاله وجي يعني
سارا : الله يستر عليها وعلينا
..................
العصر
بيت ابو علي
علي يبي يفاتح امه بسالفه .. بس مب عارف شلون
ام علي وهي تقشر حب وتشرب عصير : قوول يمه شكله عندك شي
علي : ياربي امي فاهمتني
ام علي : اخلص
علي : يما شوفي لي بنت ابي اعرس
ام علي كح كح كح شرقت بالعصير : هاذي الساعه المباركه .. كلوولولولوووليييييش
قامت امي علي تلوولش وتصقف وحد ام الوناسه
نوف وسارا طلعو ويناظرون انه شسالفه
علي : تعالو تعالو . انا بعرس
سارا فتحت عينها ع الاخر : امااااااااااااااااااااا
نوف : احلف .. شنو غرت مني
علي : هههههه طيري مناك
سارا تساسر علي : منهي بنت الحسن والدلال الي بتاخذك .. اكيد الي 24 ساعه تكلمها بالفون
علي عدل غترته : تخسسسي
سارا : افااا ليه
علي : ابي وحده عمرها ماكلمت واحد قبلي وجميله وبيضه .. جي تشابه نوفوه
نوف ما انتبهت شقالو : شفيني
سارا : بالله من وين بتجيبها هاذي وشلون بتعرف ماكلمت غيرك
علي : لا اقول انه ابي مرتي تشابهج .. اكيد في ياسارا
نوف : احم احم
علي : توكلي توكلي .. ههههه
...................
بيت ابو ياسر
ترن ترن ترن ترن
.. الوو
..: من ملاك
ملاك بميوعه : ايي انا ملاك من انت !!
..: انا ياسر اخوج يالدعله
ملاك : وييي ياسسسر وحشتننننني يادببب
ياسر : وانتي اكثثثثثر ..
ملاك : يسوور في شنطه شانيل جديده امانه جيب لي
ياسر : ياربي متفرغه هالبنت .
ملاك : صارلك شهر هناك .. ان شاء الله ناوي ترد من غير صوغه
ياسر : لالا افا عليج .. بس عطيني امي
ملاك : امي محد
ياسر : طيب اذا جات .. قولي لها هي وابوي .. انه عملية متعب بكرا .. خليهم يدعون له الله يقومه بالسلامه ويرجع يمشي .. 60 % العمليه ناجحه والله يستر
ملاك في قلبها .. عساه مايقوم بعد العمليه : .....
ياسر : ملاك وينج
ملاك : هنا هنا .. وياك .. طيب بقول لهم
ياسر : يلا استاذن وسلمي على انجود
ملاك : يوصل
ياسر : يالله في حفظ الله
وسسسسسسسسسسسسسسسكر الخط
.....................
بيت بو علي .. غرفة علي
علي يكلم نفسه : يلا باخذ شفيق وزفير .. مسكينه خل اصدمها .. الصوت الصوت ياعلي لازم حززين اونه .. بسم الله
واتصل
بعد الرنه 3 ردت فاطمه
فاطمه : الووو
علي : فاطمه
فاطمه بدلع : افااا مافي لا الوات .. ولا بعد فاطمه .. شصاير
علي : مو وقته فاطمه
فاطمه حست نبرة انه جاد في كلامه : شفيك علاوي
علي : كلمت امي
فاطمه استحت : اوووبيه صج استحي .. وشقالت
علي ( حمدالله والشكر تستحين من شنو ) في قلبه هالكلام : مدري شلون اقولج
فاطمه لحين مو مستوعبه : امم تبي رقم اخووي افا عليك ولا ابوي او امي عشان امك تكلمها !!
علي خلاص مابقى له اعصاب : فاااااطمممه
فاطمه : هلا
علي وصف الكلام بسرعه : الي بينا انتهى يا فاطمه .. امي اخطبت لي وحده من قارايبنا وانا ماقدرت الا اوافق و بعرس ان شاء الله قريب .. انا اسف بس غصبن عني انتي الله يوفقج مع غيري وغير كل هذا اسف ما اتخيل اخذ وحده كنت اكلمها قبل ...
فاطمه : شنو !!!!
علي: الي سمعتيه صدقيني والله اني حبيتج بشكل كبير
فاطمه لحين منصدمه : انزين !!!
علي : بس ما اقدر اتزوجج ماققدر
فاطمه : من صجك علي .. ولا وحده من غشمرتك
علي : اي من صجي يافاطمه .. هالموضوع مايبيله غشمره
فاطمه : تامر على شي
علي : سلامتج سااامحني امااانه .. تكفييين فطووم
فاطمه : باي ..
ومانطرت منه رد وسكرت بوجهه .. وقعدت تبكي وتبكي وتصيح .. ليه يا علي ليه !! ..
وتسالين نفسج يا فاطمه لييه !! ضيعتي سنتين من عمرج ونص وانتي على امل انكم تتوجون حبكم بالزواج بس جوفي رده .. ما كنت متصوره انه كل هذا يطلع كذب بكذب ابدا ماكنت حااسه انه ممكن يكون يوم من الايام يكون هالحب خدعه ابدا .. بس الله كريم
.....................
المانيييا بعد مرور خمس ساعات على دخول متعب غرفة العمليات ياسر كان على اعصابه وهو يتذكر كلام متعب قبل لا يدخل .. متعب كان خايف يموت اثناء العمليه وكلامه كان :
( ياسر .. مدري شوصيك عليه .. لا لي ام ولا لي ابو ولا لي حد بالدنيا غير الله ثم انت .. دير بالك على نفسك .. ولا تزوجت وجبت عيال اول ولد تسميه متعب ذي وصيه .. المزرعه لا تهملها .. امك وابوك برهم ترى انت في نعمه انه امك وابوك عايشين .. تشكر لي منهم وايد وايد ماعرف كيف اوافيهم حقهم .. صلاتك يا ياسر لا تهملها .. امممم بس ماعندي شي .. اذكرني بالطيب يا ياسر بالطيب وادعي لي بكل صلاتك اماانه بكون محتاج لدعائك .. والله اني احبك يا اخوي والله )
هذا اخر كلام متعب قبل لا يدخل غرفة العمليات .. خلا ياسر على خوووف .. طوول هالخمس ساعات الي جنهم خمس سنين بالنسسبه لياسسر ..
كان ياسر موجه كل النظر على الباب .. لين انفتح وطلع الدكتور
ياسر بالانقلش كان يكلم الدكتور طبعا : طمني دكتور كيف حاله عايش !!
الدكتور مبتسم ابتسامه وسيعه : اي وانجحت العمليييه ..مبرووك
ياسر صرخ صرخه هز المكااان وقام يرقص ويرزف ومادري شيسوي والممرضات والدكتور ميتين عليه من الضحك : متعب بيمشي متعب بيرد يمشي .. انجحت العمليه ياناس انجحت متعب يبرد يمشي بنرجع نتسابق
الدكتور : بس يحاتج علاج طبيعي اكييد
ياسر : اي اي معليه .. اكيييد اصلا
الدكتور : يلا لما يحصى من البنج نخليك تشوفه
ياسر : طيب طيب .. مشكور مشكور
الدكتور : يو ولكم
.............................................

بارت 10

يوم جديد ...
الضحى العود .. في المدرسه
في الصف
جود : يعلن ابو الملل
ندى : اي والله
ريم : قومو نرد البيت
ندى : هالظابطه النحسيه ماتخلينا نتصل البيت
جود : عادي خل نشرد ندوي بيتكم قريب .. عقب دريولكم يودينا البيت
ريم : والله فكره
ندى : هي من صجكم .. !! شلون بتشردون
جود : عاد انا من متى خاطري اشرد .. بنقلد الصبيان بنشقح الطوفه
ندى : شنو شنو شنووو اخر عمري اشقح طووف
ريم : ماتبيين خيسي في المدرسه .. جود يلا قومي
جود : خل تبدى الحصه ونشل عليه
ندى : اوووف بروح وامري لله .. ناكشن حياتنا شوي
جود : طيب يلااا لمي كتبج
ندى : واااو وتصيدنا المديره وفصل اسبووع حلااااااااااااااااته
ريم ضربتها على راسه : فال الله ولا فالج تبين امي تقتلني
جود : ههههه ماتعرف شتقول هالبنت خل تولي
ندى : جب جب .. يلا خل نروح طق الجرس
وبالفعل .. هالثلاث راحو لورا المدرسه .. عند الباب الخلفي كان في مثل كبينه .. اركبوها بطريقتهم مدري شلون .. اول وحده جود اكيد لما وصلت لطوفه توهقت .. تمت معلقه فوق
جود : بنااااات
ندى وريم : شنوو
جود : مافي مكان ننزل منه شلون جي شنسوي
ندى : تونا مرينا على دري خشب ليه ماقلتي نجيبه
ريم : احلفي . روحي بسسرعه جيبييه
ندى .: امممم اوكي
وطارت ندى تجيب الدري ومن حسن حظهم انه كان قريب مو بعيد .. طبعا جود لا زالت فوق الطوفه بعد ما نزلت شناطهم اقصد حذفتهم قبلهم .. وقاعده ولا همها احد .( مب خايفه سياره تشوفهم وتبلغ عليهم )
كان في دكان ومعصره قريبه من المدرسه .. يعني الي يفتح الباب ويطلع يشوف جود معلقه فوق
في المعصره كان في 3 شباب .. نفس حالتهم ... شاردين ورايحين المعصره .. الي هم ( سعود ومحمد التوم و عبدالله رفيجهم ) طلع عبدالله من المعصره .. وانصدم .. رجع داخل المعصره
عبدالله : ياااربع الحقوو
سعود وهو ياكل : شنو
عبدالله : دري يطير في الهوا
محمد : سخافات مانبي
عبدالله : والله العظيم اني ما اكذب تعالو شوفوا
قامو هالتوأم .. وشافوا البنات قاعدين ينزلون من الدري
محمد : اووف اووف ذول بنات اشكررره شاردين
سعود : يبوووي .. الله يخسهم في بنات يشردون جي .. اللي يملغ عليهم
محمد : يلا رحنا لهم .. دعس بالموتر .. يمكن محتاجين توصيله
عبدالله : هي هي .. يبا خلو البنات في حالهم .. الله يستر عليهم
سعود : والله ماخلييهم .. اجل شاردين هااا
................
عند البنات
اول مانزلت ريم وكانت اخر وحده
ريم : يسسسسسسسس وشردنا
ندى : اتفو عليج من مدرسه
ريم : اخ اقوى شررده في التاريخ وناااااااسه ياخي احس اني بطله
جود : حمدالله والشكر
ندى : اي والله زين اني جيت معاكم ولا حد صادنا حبتيين
جود : يلا يلا خل نحرك .. حرررر
ندى : يلا من هذاك الدعوس .. الا احنى عند باب البيت
وصارو يمشون مو بعيد وايد البيت
...........
في السياره
سعود : حمود شوي شوي .. ابي اكلمهم
عبدالله : من صجك انت .. خل يولون ياخي
محمد : لالا بنوصلهم
عبدالله : احساس يعني بيركبون معانا
سعود : عبود اسكت شوي .. وونزل الدريشه
سعود : احمم احمم
ندى الي خافت وبشوويش : يممممممممه
جود : لا تلفون عليهم
سعود : عاد عطونا وييه مايصير يعني جي
محمد : بسس نظره والي يسلمكم ..
ريم عصبت وافترت عليهم : حرك احسسن لك
محمد : يالبىىى هالصووت .. تعالو بنوصلكم
سعود : اي تعالو كفايه حنى ساترين عليكم وماعلمنا المديره حقتكم
محمد : هههههههه ببلاش ترى
سعود : حمود شوفهم 3 وحنا 3 .. كل واحد فينا ينقي وحده منكم
محمد : والله فكرره سعود انت تقط درر في الكلام
جود تساسر البنات : لا قلت لكم اركضو اركضو
ندى وريم : طيب
جود وقفت وراحت لسياره وبطلت باب الي فيه سعود : تفوووو عليك وعلى اخلاقك يا حيوان
جود ركض وقاالت للبنات : يلا اركضو
واركضو البنات ودشو في الداعوس ودخلو االبيت
...........
في السياره
عبدالله ميييت من الضحك : ههههههه قلت لكم ماتسمعون الكلام وكاااك تفلو في ويهه قمت المصخره لو انا منك انتحر كاااااااااك
سعود : هيين ان مابلغت عليهم
عبدالله : شبتقول .. انت اساميهم ماتعرف
سعود : هييين اصبر علي بسس
محمد : كفوو اخووي
....
اماا البنات عجبتهم السالفه كلها حسوو انه اكشن وناسه وشي مايتنسي .. لما صارت الساعه 12 ونص كل وحده ردت بيتها والي ردهم دريول ندى .. وقبلها اكيد تكلموا عن الشباب .. وانهم مزايين بس يستاهلون وعلقو على عبدالله الي كان ورا يعني استلمهم صحح .. طبعا محد شاف عبد الله الا جود
وعدى هاليوم على خير
...
في المانيا ..
اليوم بيخلون متعب يحاول يوقف
في غرفة العلاج الطبيعي
ياسر : متعب تكفى فاجاني
متعب : صبر علي .. توني بحاول اول خطوه
ياسر : صدقني ان مشيت خطوتين بس .. اردك الدوحه باجر
متعب : احلف .. وحشتني الدوحه والله والمزرعه
ياسر : اصلا انت ماعندك الا المزرعه شنو يوحشك غيرها
متعب : انطم شوي
وحاول متعب انه يمشي ولو خطوه وحده والدكتور متابعه .. بس ياسر هذار .. ماسكت الا لما متعب سكته .. والحمدالله قدر يخطي 3 خطوات اليوم ,, ومع الايام ان شاء الله .. بيصير يمشي عادي .. طبعا ياسر . وزع كافي على المستشفى كلها .. شبع المستشفى اكل .. مره كيك لما نجحت العمليه .. عصير لما بدى يستجيب للعلاج الطبيعي .. والكافي عشان مشى .. حبوب هالانسسسان الدكتور يحبه والنرسسات مستانسسين عليه ..
...........
مكاان مجهوول من الدوله !!
ناس مجهولين !!
الاول ..: اممم جرب تدق على تلفونها
الثاني ..: طيب
وشوي
الثاني سكر التلفون بسرعه : يرن يرن
الاول : احلف
الثاني : والله
الاول : اجل عط الرقم بو فلان خل يعرف لنا منو صاحبة الرقم
الثاني : طيب
الاول : واذا يقدر يحدد موقعها يسوي خير
الثاني : اوكي الحين اكمله
الاول : ياووويلج منا ياااويلج واخيرااا بنلقااج .. هين هيين الوعد قدام
الثاني : اذا طلعت مغيره تلفونها ولاشي
الاول : بنرجع للمزرعه مره ثانيه وبنعرف بطريقتنا الخاصه سكت عنها 3 شهور ومب ساكت زياده
...................................
في غرفة ملاك
ملاك : اي حبيبي بجي اليوم
..: عاد لا تتاخرين مثل امسس
ملاك : شسوي لازم اطلع لي خطه عشان ازرق مب كل يوم عرس عرس
..: خلاض خلاض اوكي عاذرج
ملاك : يلا حبيبي انا بسكر وموعدنا فليل
..: اوكيك
..........................
بسولف شوي !!
ملاك اختربت على الاخر .. لا تقولون من خربها .. هي من نفسها حبت هالطريج .. واخذت راحتها اكثر لما ياسر سافر .. 3 شهور برا الدوحه .. وابوها ريال كبير .. بس ينام البيت تطلع !! .. سهر مع الشباب وحاله .. وطلعاات وخراب .. محد لاحظ هالشي الى الان .. حتى انجود اختها مالاحظت .. بعد ما انتقلت الى المدرسه الثانويه
صار همها المدرسه والبنات وشلون تتعامل معاهم .. من مدرسه اطفال الى ثنويه نقله يعني .. وصف الي تدرسسه ملاسسين ..
يمكن الي ملاحظ على ملاك .. بنات الجامعه ..الكل يتكلم عنها . وهي ولا هامها .. وتسحب معاها من البنات الي تقدر عليهم .. سارا كان مب عاجبها الوضع وخصوصا .. انه على الاقل ابوها يعرف ابوهم بس مب قادره تسوي اي شي والبنت تندمر قدام عينها .. سارا تقدم لها واحد بس رفضته توها متخصصه وتبي تكمل درستها .. ماتبي شي يشغلها عن الدراسه ..
نوف وملجتها وعرسها كل شي صار بسسرعه .. الريل كان مستعيل حده .. ماينلام .. وعايشين خوش عيشه .. صج فرحت حق متعب يوم درت انه نجحت عمليته وبيمشي وتمنت له الخير .. وحمدت ربها الي رزقها برجال زين مثل رجلها الحين ..
علي اخطبوا له بنت الجيران .. وتحدد عرسهم .. فاطمه طلعت من باله كلش ولا مهتم لها ولا شي ..
طلع قلبه بدون احساس لا يحس ولا هم يحزنون .. قلبه اسود .. مايفكر الا بنفسسه !!
سعود ومحمد .. حوبيني هالتوام .. صارو كل يوم يروحون المعصره وعليه يمكن لا قدر الله يشردون البنات مره ثانيه .. وياهم عبدالله رفيجهم اكيد .. شباب صغار عايشين حياتهم .. بالطول بالعرض مزح ضحك وعبط .. لين متى !!!

موضوع: رد: روايــة بقـآيـا يتيم 1/10/2011, 17:52

بارت 11
..........
يوم جديد
مكان مجهول بدوحه
.. : عرفت لها اي اثر ؟؟
..: افا عليك طال عمرك .. واسمها مب ريم .. اسمها ملاك ال ... .. وتسكن في فريج الفلاني
..: حلو حلو شغل عدل
..: وشلمطلوب الحين
..: انتظر وانا ابلغك
..: صار
................
المانيا
عند متعب الي بدا يتجاوب للعلاج وييتطور .. من كرسي الا عكازين الا عكاز واحد .. اليوم اخر يوم له بالمستشفى .. بس اكيد يبيله مراجعات كل كم شهر
ياسر وهو يساعد متعب يلم اغراضه ..
ياسر : واخيرا بنرد الدوحه
متعب : اي يوم بنرد ؟
ياسر : عقب بكرا
متعب : اممم يعني يمديني اتشرى
ياسر باستغراب : حق من
متعب : حق كومار وعليه . 3 شهور بعيد عنه وما اجيب له شي
ياسر : ههههههههههه لا وصلنا الدوحه خذ لك وزارين وعطه
متعب : لا حراام بجيب له شي عدل
ياسر :ههههه براحتك
وهم طالعين وحمالي خذ الاغراض ووداهم للتاكسي .. صوت وحده تنادي
البنت وهي تبكي : لو سمحتوا
ياسر لف عليها : امري اختي
البنت : انا خليجيه
متعب : طيب .. واحنى بعد < اول مره يسويها ويرد ع بنت
البنت : انا وامي هنا بروحنا .. خذوها ومادري وين ودوها من 10 الصبح .. ولاني عارفه اتصرف او اسال احد او شي تكفون ساعدوني
متعب كان بس يناظر في عيونها مب عارف يقول شي : ...
ياسر : طيب طيب .. ليه خذوها شسالفه
البنت : اليوم عندها عمليه وقمت من النوم اجيب اكل لي رجعت ما حصلتها
ياسر : امممم طيب عطني اسم امج وانا بروح اسال .. وخلكم هنا انت
متعب : لا بروح وياك
ياسر : وين تقدر تتحرك
متعب مصر كان : اقولك بروح وياك
ياسر مستغرب : طيب طيب
وراحوا مع البنت وبما انه ياسر بروفشنل انقلش هو الي سال وجاف .. وانصدم !! توهق .. كل شي صار على راسه
اما عند متعب
متعب كان جالس مع البنت وياسر راح يسال .. البنت كانت تصيح الا مميته صياح خايفه ومب عارفه شتسوي .. حالتها حاله .. ومتعب متوهق كاسره خاطره ومب عارف شلون يسكتها مشكله مايعرف يتعامل مع الجنس الناعم بس قال هو بيجرب و بيبدا كلام
متعب : انتي شسمج
البنت في خاطرها فاضي هاي انا اصيح وهو شسمج : ...
متعب حس سواله غبي : سووري ,, اممم انتي بروحج جايه اهني
البنت هزت راسها بمعني اي : ..
متعب ( يفكر شقول شقول شقول .. لحوول رجعت تصييح .. ) : امج شفيها
البنت زادت صياح : ..
متعب توهق زياده طلعت منه : تكفييين بلا دمووع طلبتج ( وكانت عيونه على يده الي كانت في حظنه )
رفعت عينها البنت .. وكسر خاطرها .. وكانها عرفت انه متوهق وتوها تدقق في ملامحه حسته يبيها تسكت ومب عارف شلون : اسسفه .. بسس ماني قادره .. انا اسمي غلا .. ومن الدوحه .. جيت مع امي هنا علاج على احساب الدوله .. فيها الخبيث بعيد عنك .. وعلى مافهمته من الدكتور انه انتشر خلاص .. خذها وانا مدري الصبح وللحين مدري عنها .. مو عارفه اسال من ومو محصله احد يساعدني ..بس شفتكم استانست انكم خليجين .. قلت اكيد فيكم الخير تساعدوني مالي الا امي اهني .. ابوي توفى .. وانا كنت وحيدتهم .. والحين انا خايفه خايفه امي تروح مني من يبقالي ؟؟؟..
متعب !! توهق هاذي قالت قصه حياتها بس وايد تاثر معاها وتوهق بعد شيقول : امممم لا انشالله مافيها الا الخير رفيجي ياسر يعرف انقليزي الحين يسال عنها ويجيب خوش اخبار
غلا ابتسمت بدون كلا : ..
ياسر كان يآشر على متعب من بعيد : ياربي هذا الدعله مايشوف
وتم ياشر لين متعب انتبه له .. وكان قصده ياسر انه يبي متعب يجيه .. ومتعب فهم له وقام
غلا بخوف : وييين
متعب كسرت خاطره : لا ماعليج بروح ادور رفيجي تاخر
غلا : بروح وياك
متعب توهق يالليل : لالا انتي خلج هنا مرتاحه دقايق بس
غلا : طيب
.... وراح متعب لياسر
ياسر: متعبب الحق
متعب : شنوو
ياسر : ام البنت متوفييه من ساعتين وترا صار لهم ساعه يدورون البنت بس مب عارفين وين راحت لانها كانت في قسسم العضام وامها في قسم ثاني شكلها ضيعت عشان جي
متعب : احلف
ياسر : والله تو الحين سالت ما استحملت في العمليه وتوفت
متعب ظرب راسه : يالله الله يرحمها .. وهذيج المسكينه .. ترا محد وياها الا امها والحين امها توفت ..
ياسر : ياذا الوهقه
متعب : روح قول لها
ياسر : نعععععععععم انا اقول لها انت روح قول لها
متعب : شقول للبنت امج ماتت .. لالالالا .. اسمح لي
ياسر توه بيعلق : ..
غلا وهي ترتجف : ماله داعي انا دريت وخلاص
متعب حتى قبل لا يلتفت عليها بطل عيونها على الاخررر : اوووله
ياسر : اختيي اسمحيلي والله
قاطعته غلا : خلاص خلاص مشكورين
غلا كانت تبكي .. بس لازالت تحت تاثير الصدمه هي توقعت بس مافكرت انه امها خلاص راحت عنها للابد . مافكرت بالحياه بدون امها ..
غلا : ماقصرتوا انا بهتم بباقي الاشياء
متعب : بس انتي بروحج ماتقدرين !!
غلا : بروح لسفاره وهم يساعدوني
ياسر : حلفنا مانخلييج
متعب : انتي بنت بلادنا
غلا بستغراب : انتوا قطريين
ياسر ومتعب : اي نعم
غلا قعدت على اقررب كرسي وصارت تبكي وتبكي وتبكي وتبكي ..يمكن حسست شوي بالراحه انهم من بلادها .. اكيد بيحطونها في عينهم .. الحمدالله ياربي .. مدري شكنت بسوي لو تخلو عني .. انا بدون امي ولا شي ..
..................................
الدوحه .. بالتحديد في المدرسه .. وفي غرفه المديره
المديره : يوم الخميس داومتوا
ندى وريم وجود يتلفتون .. بعدين قالوا اي
المديره : من الحصه الرابعه عيل وين كنتوا
جود : في الصف بعد وين
المديره : بس المدرسه تقول ماشافتكم
ريم : كذابه لانها تتبلى علينا
المديره : تتبلى عليكم ليييه جاني اتصال من ولي امر وحده فيكم وقال انكم كنتوا شاردين وشاقحين الطوفه
جود وندى وريم .. توهقوو .. من الي قايل .. اصلا امهاتهم وابهاتهم محد درى او لاحظ من الي اشتكى عليهم
المديره فسرت سكوتهم انه الكلام صحيح .. : انا بعطيكم فصل 3 ايام وماداومون الا ومعاكم ولي الامر
طلعوا من غرفة المديره محتررين
ندى : بمووت واعرف من الي قال واي ولي امر
ريم : ياخي امي ماتدري .. ولو صار ودرت بتزفني
جود : اووووف ولا انا محد كان في البيت يوم وصلت بالله شلون ومن
ندى : وبنات الصف مسستحيل يتكلموون
ريم : تهقوون
ندى وجود : شنو !!
ريم : يعني هي فكره بعيده بس
جود : في بالج حد يعني ممكن يفتن
ندى : صدقيني ادفنه وهو حي
ريم : يمكن الشباب الس امس
جود : تهقييييييين
ندى : والله يسونها
جود : والله والله والله لو ادري انه هم الي معلمين علينا .. لا ارويهم الويل
ريم : شلون ..
جود : اليوم بنتجمع بيتكم ونتفاهم
ندى : امي اكيد ماراح ترضى اروح بسبب الفصل
جود : اووف نسيت هالسالفه
ريم : عادي مب قايلين لهم .. بنالف اي شي عقب 3 ايام بينسون
ندى : فككككره .. غياب 3 ايام حبتييييين
ريم : يلا نرد الصف ونلتقي اليوم في بيتنا
جود وندى : صاار
..........................
في المعصره
الي صار تواجد سعود ومحمد وعبدالله فيها بشكل يومي
محمد : سعودووه تهققى عطوهم فصل
سعود : والله مدري
عبدالله : يعني الحين المديره بتصدقكم
محمد : اكيييد لان قلت لها جوفي من كان مختفي من الصف من الحصه الرابعه
سعود : ااخ لو تصيدهم .. وتفصلهم ياافرحتي .. خاطري اشوفهم يبكوون
محمد : ابيهم يعرفون انه احنى الي بلغنا عنهم عشان يموتون قهر بس شلون
عبدالله : اووف منكم خلو البنات في حالهم
محمد : انت الله يخليك اسكت
سعود : لازم ندل بيتهم ونعرفهم وبنقول لهم احنى الي علمنى عليكم موتوو حرره هههههه
عبدالله : اووف ربعي نذاله دررجه اولى
سعود : هههههههههه تعلم يا ردي
عبدالله : ارتااح بسس
.................................................. .......
بارت 12

بعد مرور 3 سنين من كل الاحداث الي طاافت
في احد البيووت !!
..: اسمعيني يابنت
..: هلا
..: اخطبوك ناس من عوايل الكبيره .. وانا وابوج وافقنا .. واليوم بنحدد وياهم موعد ملجتج .. وبتكون قريبه .. جهزي نفسج واشتري لج شي تلبسينه لهم اليوم
.. فتحت عينها على الاخر : ششششششششنوووو من متى وكيف ومن عاطكم الحق
... بعصبيه : رييم ولا كلمة زياده
ريم : ايش الي ولا كلمه زياده .. على كيفكم انتي وابوي تخططون حتى ما سالتوني اذا موافقه ولا لا
ام ريم : مايحتاج الولد ما ينعاف ومشالله عندهم فلووس وخير
ريم : طيب انا ما ابيه ولا ابي اتزوج .. وراحت لغرفتها تبكي
ام ريم : بتاخذينه غصبن عنج
.........................................
ريم وهي تبكي .. لا مستحيل ما ابي اتزوج .. منو هذا وكيف شكله .. ليه امي وابوي صارو ماديين .. وحياة بنتهم !! .. طيب وو فهوود .. اووه شلون نسيت فهد .. ياربي شسوي .. خلني اقول لربعي هالمصيبه
واتصلت ريم بربعها وخلتها محادثه جماعيه
جود : ارررحب
ندى : اشعندها جامعتنا اكيد وحشناج
جود : شدعوه امس معاها
ريم اشهقت : بنااات
جود : ريمووه تصيحين
ندى : اووه شفيج ريووم
ريم : بيزوجووني
ندى : اخيييراا عرس
جود : ما بغى فهوود حصل بيت اخيرا
ندى : اي والله بس ليه تبكين
جود : ياهبله من الفرحه
ريم زادت صياح : ..
ندى : ريووم شفيج
ريم : مو فهد موفهد
جود: عيييل
ريم وهي : مدري والله مدري امي قالت لي اليوم بيحددون كل شي تخيلو . وانا اخر من يعلم حتى ما خذو رايي مو عارفه شسوي .. قلت لامي ما ابي قالت بتاخذينه بالغصب تخيلي بالغصب يبون يزوجوني
ندى : مستحيييييييييل
ريم : هذا الي صار واتمنى يكون مغلب .. ولا تقولي روحي اشتري لج شي حق اليوم
جود : وفهد !!
ريم : هذا الي مجنني . هو الحين يدور من مكان لين مكان يدور بيت لنا وشغل احسن من شغله . يبي يكون قدام ابوي خوش رجال .. يقدر ابوي يعطيه بنته .. بس لاااا ما تخيل انا لغير فهد .. رسمنا احلامنا ويا بعض
ندى : اكيد في حل .. ارفضي جدامهم
جود: ندووي شفيج خبله
ندى : هاذي احسن طريقه
ريم تعب نفسيتها اكثر : بنات انا بسكر .. وبطفي تلفوني بعد وبنام هذا اذا قدرت يمكن اقوم ويطلع كل شي حلم !! اذا تبوني اتصلو على البيت ماقدر اشوف رقم فهود وما ارد
جود عورها قلبها : معليه ريومتي اكيد في حل انتي ريحي بالج وبنشوف لج حل
ندى : فديتج ريووم هوونيها .. لازم في حل .. مافي زواج اسمه بالغصب
ريم : تسلموون لي .. يلا باي
وسكرووو
...................
بعيد عن هالاجوء .. في المزرعه في اسطبل الخيول .. هذاك المزيون الي يستعد انه يركب على ظهر خيله الاسود .. يدور فيه حوول المزرعه .. اكيد عرفتوه !!
عمري 31 سنه .. لا زواج وا عيال ولا شي .. شغل الحمدالله ياسر ما قصر وشغلني وصار لي سنتين اشتغل ورصيدي في البنك واايد .. فلوسي مثل ماهي المعاش ما اسحب منه الا لاشياء بسيطه حتى ماجلة المزرعه ياسر مايقصر .. ودي يكون لي مره وعيال . بس انا كبرت من يبي واحد عمره 31
هذا ياسر خطب وبيعرس .. ببقى انا .. لازم اشوف لي حد انا اختار بنفسي . بخليه يقطني في مجمع وبختار لي بنت الحلال << فكره غبيه .. بقول لياسر .. الحين موعد وصوله
رجع الفله .. وبالفعل حصل سياره ياسر .. واول مادخل سمع صوته يصارخ
متعب : انااا هنااا تحت تعال
ياسر : اكييد كنت في الاسطبل
متعب وهو يقعد : وين اروح عيل
ياسر : مدري شالوناسه الي هناك
متعب: المهم ماعلينا شجايبك !!
ياسر : شنو اروح بيتنا يعني ؟؟
متعب : هههه دوم فاهمني غلط .. اسالك .. يييه
ياسر : باخذك وياي اليوم بنروح نحدد المهر وهالسوالف
متعب : وليه انا اروح
ياسر : هذا الي بذبحه لانك اخوي
متعب : ههه سكتني الصراحه خلاص بروح
ياسر : يلا مشينا
متعب : يلا بس اجيب محفظتي واغير ثيابي
.............................
المغررب !!
الباب ينطق بالقوو
..: بسسسك نووم الناس جايين بالطريج
ريم وهي تحط المخده على راسها ماتبي تسمع : لالالا مو صج هذا حلم حلم لااا
.. : ريمووه ويعه بطلي الباب
ريم قامت وافتحت الباب مو مصدقه لسى وهي تبكي : يمه تكفيين ما ابي
ام ريم : مو على كيفج حنى نعرف مصلحتج وين
ريم : بس انا ما ابي ما ابي
صوت رجولي : تببين وغصبن عنج بعد
ريم خافت لانه صوت ابوها : حرام عليكم
ابو ريم : اخلصي واجهزي العرب على الدرب
ريم ماقدرت تقول شي : ... دخلت غرفتها وسكرت على نفسها الباب
.....................
قعدت تبكي اكثر لما فتحت جوالها وشافت كم مره فهد متصل وشكثر مسجات .. وواحد من المسجات انه حصل بيت ؟ وانه شغله رقوه مرتبتين .. واخيرا بيكلم امه اليوم عشان يخطبونها
ماااااااااااااات ريم تقرى هالاشياء شتسوي شالحال هي تبي فهد فهد يحبها يموت فيها .. وهي بعد تروح تاخذ غيره شلون .. طيب و الحب الي بينهم !!!
...................
في احدى مجمعات قطر ..
احدى الكوفيهات
محمد : اووف زهق
عبدالله : احسن انتو ماتبون ندخل سينما .. تبون تشوفون الي رايحه وجايه
سعود : من قال ملل انا مستمتع وانا اشهاد الشباب ريحين جاين
عبدالله : الشباب .؟؟ اشك الصراحه
فجاء سعود ومحمد ضحكوو .. : كااااااااااااااااك
عبدالله : شفيكم !!
سعود بصوت عالي من الضحك : شوف البنت طاحت على ويهها
عبدالله التفت شاف البنت تقوم بمساعدة وحده وكانت منحرجه حس فيها : حرام عليكم انحرجت
محمد : هههههههههه سوري بس شكلها تحففه
سعود يصرخ على البنت : سلااامااات الله يهداج سببتي كدمه حق ارضيه المجمع
محمد : كاااااااااااااااااااك حلووه اخوي
عبدالله حط يده على راسه انه شيقول هذا : ايييييي انت
سعود : خلك في حالك عبود
....
.. : اوف احرراج جوفي شيقول
..: حسبالج بسكت له .. نطريني هني شوي
.. : جوود اعقلي .. حركات اليهال خليها عنج
جود : انتي انطريني شوي
وراحت جوود لهم
سعود عدل غتره وقعدته : جاتنا طيحناها
اول ما وصلت جوود كان في عصير ليمون على الطاوله خذته وكبته في وجهه سعود وراحت بدون كلام
وسعود مصدوم ومتفشل من الناس الي قاعدين يطالعون .. ومحمد فيه ضحكه بس ساكت
هنا الي ضحك عبدالله : كااااااااااااااااااك سبحووه بالعصير .. صج انه عصيري بس يفداك
عاد محمد ما استحمل وانفجر ضحك : هههههههههههههههههههههه
سعود : هيين يا حمير تضحكوون وانا حالي جي
عبدالله : امانه انت من ايام المدرسه ممصخرينك .. تذكر الي تفلت عليك
محمد : كاااااااااااك لالا شت اخوي طلع مصخره
سعود صفق محمد على راسه .. : ادفعوا الحساب
عبدالله : هههههههههه وين تو الناس حلو القعده هنا
سعود : انجلع زين
وطلع من اقرب باب .. وعلى البيت رايح
طبعا سارا اخته شافته .. وقال لها السالفه ماتت ضحك عليه احتر هو ومشى وخلاها .. وراح غرفته يبدل
.......................
المغرب في بيت .. ريم
الي لبست اي شي قدامها ولا حطت شي في ويهها .. اعتقادها يهونون عنها جي
كان ودها تكلم ربعها تقول لهم عن فهد .. وده تسمع صوت فهد اليوم ما سمعته ابدا وشكلها ماراح تسمعه
انطق الباب
ريم : منوو
وكان اخو ريم الصغير : امي تقول لج تعالي الحريم جو
ريم : اووووف اوكي

موضوع: رد: روايــة بقـآيـا يتيم 1/10/2011, 17:53

بارت 13

في بيت ابوو ريم ..
بعد ما ريم لبست .. ابسط شي ولا حطت في ويهها ولا شي .. وتدعي من كل قلبها انها ماتعجبهم ويهونون .. او اي شي يصير .. ويطلع كل ذا حلم .. او يكون فهد مسوي لها مفاجاه وهو الي جاي يخطبها .. اي صح اكييد فهود .. جايب هله .. دخلت مبسوطه من هالفكره .. اول مافتحت الباب ودخلت .. شافت حريم من بعيد بالصاله استحت نزلت راسها وقربت منهم تسلم .. وهي على امل انه الفكره الي جات في باله تكون صج !!!
المهم دخلت ريم الصاله عند الحريم .. بخجل ..وبدت تسلم على الحريم .. ام المعرس ثم اخته الصغيره الي شبهة عليها .. ثم اخته العوده الي انصدمت يوم شافتها .. هاذي !!!!!!!!!!!!!
منووو !!!!!!!!
...: ماشاء الله يا ريم كبرتي .. وصرتي عروس
ريم في داخلها تصرخ ( لااااااااااا ) : !!!!!!!!!!!
..: كنت ادرسج والحين اخطبج لاخووي .
ريم في داخلها لا ياريم مو قدام الناس تبكين : .............
...: عاد للحين شيطونه ولا عقلتي
ريم ابتسمت بالغصب وراحت لاقرب كرسي واقعت : ....
طبعاا ام المعرس ماشالت عينها عن ريم .. تحس ريم بتكون احسن وحده حق ولدها .. تنظرها ببتسامه .. اخيرا بتزوج ولدها !! رغم انه ريم وايد صغيره على ولدها .. لكن شعور داخلها انها البنت المناسبه
ملاحظه : ترا ياسر عمره 30 .. اصغر من متعب بسنه !! .. وريم عمرها 20 .. يعني هو اكبر منها بعشر سنين
المهم .. خذت الحريم السوالف وبدو يتفقوون وكذا .. وريم في عالم اخررر
ريم ( مو اهل فهد هذول .. !! منو هذول منو ولدهم .. اكيد اني ماعجبتهم !! .. بس يبين امهم من نظراتها حبتني !! ياربي .. مستحيل كله هذا حلم حلم صدقوني حلم .. غمظت عينها بقوووه اختفى صوت الحريم .. ابتسمت وبطلت عينها شوي شوي على امل انهم يختفون !! .. لكن !!
الحريم ما اختفوا !! وهذا هم يناظروني .. حسبالهم انا تعبانه .!
ام ريم : ماما ريم تعبانه !!
ام المعرس : روحي ارتاحي حبيبتي ماعليج منا ..
ريم صادها احباط : عن اذنكم
ام المعرس : اذنج معاج حبيبتي
...............
راحت لغرفتها جري .. ورمت نفسها على السرير .. وظلت تبكي وتبكي .. بعدها بفتره سمعت نغمت مسج من جوالها .. راحت له وفتحت المسج
( ريوومتي حبيبي .. وينج اليوم ماسمعت لج صوت ولا مسج ولا شي !! وحشتيني ترا .. ودي اقولج شصار اليوم .. طمنيني عنج ياروحي )
مااااااتت يوم شافت هالمسج .. ياربي لييييه يصير فيني كذا لييييييه .. استغفرالله استغفر الله
انطق الباب عليها وكان صوت امها .. مسحت دموعها بسرعه .. وفتحت الباب
ام ريم : يلا تعدلي .. ولبسي عباتج الريال يبي يشوفج
ريم : ننننننننننننننننننننعععععععععععععم
ام ريم : الي سمعتيه
ريم : اسفه .. يبون صورتي اهلا وسهلا .
. ( وراحت فتحت الدرج وطلعت من الالبوم صوره وكان الصوره في عرس بنت خالتها .. وكااااانت ريييم فيها ااايه من الجماااال .) ابتسم لشي ذكرها بالصوره .. وهم خافت انه تعجبهم .. هي تروح هي احسن من صورتها هاي .. ابتسمت بخبث
ريم : خلاص بلبس عباتي وبجي
ام ريم استغربت : حلو الكلام
.................................
لبست عبايتها .. وطلعت طبعا بدون ماتضيف اي شي في ويهها .. وقررت انها تكون بنت شايفه نفسها .. في اعتقادها انه الشباب مايحبون هالنوع من البنات فيهوون عن السالفه .. عجبتها الفكره !!
طلعت .. وراحت لصالة الحريم .. وجلست .. وكان المعرس هو الي بيدخل عليها !! اكيد عرفتوه !!
جلست رافعه حاجبها شايفه نفسها .. ماكنه احد في الصاله غيرها
دخل ( ياسر ) مع امه .. وجلس مقابل البنت . طبعا هي عشان تظبط حركتها .. كانت رافعه عينها تشوفه وهو مستحي منزل عينه صج تحس انها حيوانه ... ونظرات ملاك لها انه هاذي شتسوي تقتلها .. بس عشان فهد في داخلها تقول كل شي يهون .
جلس ياسر .. مستحي .. بس وده يشوف هو منو راح ياخذ منو راح يتزوج شلون شكلها .. فرفع راسه ناظرها انها تناظره !! استغرب . بس ريم انخجلت ماقدرت ونزلت راسها ..
وبسسسس انتها ء اليوم بهالشكل .. طبعا مع وجود رسميات وهيك شي
.................................................. ........
يوم جديد .. !!
سعود : قوم نروح الستي
محمد : اووف كل يوم عاد !!
سعود : يمكن اشوفها صدفه .. وارد لها حركتها بحركه اخس !
محمد : من صجك انت بتحط دوبك دوب بنت
سعود : يعني حركتها حلوه !!
محمد : لا كلامك الي يكون الحين حلو
سعود : محد قال لها .. تسبحني بعصير
محمد : الله يهديك
سعود : بتجي ولا لا
محمد : بجي بس بكلم عبود يجي
سعود : لااااااااا عبود لااااا
محمد : ليييه
سعود : بس كذا
محمد في ضحكه فهم اخوه ليه مايبي عبدالله : انا ماروح بدون عبدالله
سعود : اجل انثبر في البيت
محمد : اوكي .. بطلع مع عبود عادي ترا
سعود طلع من الغرفه : ويعني !! منو عبود اصلا
محمد : ههههههههههههه روح اقعد في ستار بوكس ساعات على هالكرسي الخشب لين شسمونها تتكسر هههه
سعود : عطاه نظره وطلع ..
.............................................
متعب .. كاشخ حده .. اليوم ياسر عازمه على السينما وعشاء .. مستانس من زمان ماطلع .. وماشاف ياسر من يومين يوم راحوا يخطبون ...
رن تلفون متعب الي كان اي فون هع .. وكان المتصل ياسر
متعب : اررحب
ياسر : انا تحت
متعب : اووف منك
ياسر : يلا بسرعه وسكر
حتى مانطر انه متعب يقول باي .. سكر التلفون وقعد متعب يناظر الشاشه
متعب : شفيه هذا .. قسم انه ماني بفاضي مزاجه اذا معكر
وتعطر .. ونزل تحت .. ركب السياره بدوون صوت وسكر الباب !!!
ياسر : راكب مع يهودي
متعب : اي
ياسر : ويعيه
متعب : ماني بفاضي لك حررك
ياسر حرك : يارووحي تعوبي زعلااان
متعب لف عليه بنظره : ...!!
ياسر : متعووب
متعب عصب : متعووب في عينك .. اسمي متعب
ياسر : ههههههه طيب طيب
متعب : ....
ياسر : وين حاب نتعشى
متعب : اي مكان عادي
ياسر : الحين انت زعلان عشاني يوم اكلمك بالفون .. ياخي الكلام وجه لوجه كذا احلى
متعب : يعني رقعت الحين
ياسر : يلا عااد فلها .. اليوم الخميس
متعب : طيب طيب .. ب وين نروح ...
ياسر : امر انت بس اشر وانا تحت امرك
متعب : لا كذا مارضى اليوم كل شي علي .. بما انه انت المعرس
ياسر بالفيت استحى : اوكي اوكي
متعب : يلا روح اللاند
ياسر : طرررنا
متعب : لا مانبي نطير نبي نوصل بسلام
ياسر : ارتااااااااااح زين
ويشششششخطه .. الى الدوحه !!
.................................................. ............
ريم جمعت ربعها في محادثه وحده تقول لهم سالفتها واالنظره وكل شي .. وانها اربع ايام ماكلمت فهد مو عارفع شتقول له !!
ندى : والله مدري شقول لج ريموم
جود : تبين اكلم لج .. عريس الغفله هذا
ريم : تكلمينه شتقولين ليه .. مهما كان عيب ياخي
ندى : نقوله البنت ماتبييك
ريم : لااا فشله اانا ما اعرفه جان يجي ويقول لامي ولا لابوي .. وااا بيذبحوني
جوود : والحل !!
ريم : مدري والله .. والمشكله مدري ليه امي وابوي مصرين اني اخذه !!
ندى : عسى ان تكرهو شيئا وهو خير لكم
ريم : اوووف
جود : قومو نروح سينما نغير جو
ندى : اي من زمان ماطلعنا ويا بعض
ريم : اسمحولي انا .. ماقدر
ندى : عن السخافه ريوم قومي ويانا
جود : يلاا عاد يمكن يصير اكشن مثل هذيك المره
ندى فطست : هههههههههههههههههههههه الله يخسج يا جوودوه
ريم : شصار
ندى : فاتج .. انا طحت بالستي .. عاد وين قدام ستار باكس .. وااحد لعيين قعد يطنز علي وانا كنت ابكي اكيد .. وعصبت جوود .. وراحت له وكبت العصير على وجهه
ريم ضحكت لاول مره من عقب السالفه : ههههههههههه احللللللللللللللللللللفي
جود بنبرة انتصار : اي والله قصوره بعد نسكت عنه الحيوان
ندى : هههههههه الله يرجك يا جوود
ريم : يلا ما طول عليكم بنات ,, فديتكم ماتقصرون هالربع ولا بلاشش
جود : ولوو .. انتي لو ترضين وتجين معنا .. بتهاوش مع اي حد عشان اشوف اسنانج
ندى : ياربي هالبنت راعية مشاكل
ريم : هههههههههه حبيبتي انتي .. معليه مره ثانيه لين نحصل حل لسالفه
جود : خلاص اوكي ننطر هذاك اليوم
ريم : ان شاء الله .. يلا سلام
.................................................. .......
في احد كافيهات اللاند .. متعب وياسر يحكوون
وكان ياسر يقول حق متعب سالفة الخطبه والنظره وجي
متعب : يعني ما عجبتك !!
ياسر سرح : ......!!
متعب : هيي انت نحن هنااا
ياسر : جراءتها نظرتها ثم خجلها .. حبيته
متعب : اوولها متى شفت كل هاي
ياسر: تصدق انه هذا صار بدقيقه
متعب : كيف !!
ياسر : .. يعني لما رفعت عيني اشوفها لقيتها تناظرني !! بجراءه .. كانت نظراتها مدري كيف تتحداني او شي كذا .. بعدها استحت ونزلت راسها
متعب : هاذي ماتستحي
ياسر خبط متعب على راسه .: استح ترا مرتي ان شاء الله
متعب : اققققععععد مايرضى عليها بعد
ياسر عدل كشخته : شرايك يعني .. حرم السيد ياسر هاذي
متعب : هههههههههه روح زين
بعدها وصل الاكل وصارو ياكلوون .. وخلصوا دفع متعب .. وكانوا رايحين السينما يكملون باقي الطلعه
بس قبل لا يوصلون عند السينما .. لمح متعب وحده !!
متعب .. هاذي هي .. لا ماضن .. امم نفس العيون الوقفه .. لفة الشيله .. !!
وقف متعب بس يناظرها .. مايدري ليه وده تكون هي !! ..
استغرب ياسر منه لانه ياسر كمل الطريق وماحس انه متعب وقف الا يوم جا بيكمله
ياسر صرخ : متعععععععععب الفللللم
متعب انتبه : اوكي اوكي
ولحق ياسر .. دخل قلب متعب شعاع من الامل انه ممكن يوم من الايام يحصلها !!
مايدري ليه .. لما شاف هذاي البنت اليوم بالمحل .. حس انه كل المجمع يسمعوون قلبه !!
...............

بارت 14

يوم جديد .. في احد البيوت !!
طالع من الحمام متسبح ومتنظف ومحلق .. وقاعد ينشف شعره .. فباله انه امه كلمتهم الحين ووحددت موعد ويااهم
بس هوو قبل لا يطلع من الحمام .. امه صج اتصلت وكلمتهم ..
المحادثه الي صارت !! وهو بالحمام !! ( الله يعزكم )
ترن ترن ترن
رد على التلفون صوت طفولي
الطفل : الوو منوو
المره : حبيبي ممكن تنادي لي امك
الطفل : منو اقول لها
المره : قول لها ام فهد
الطفل : اوكي
... راح الطفل وصوت على اموه ..
الطفل : يماااااااه
الام : ويعااااااه .. وشتبي
الطفل : في مره تبيك عالتلفون
الام : روح اسالها من انتي
الطفل : تقول انها ام فهد
الام : اوكي
راحت الام للصاله وارفعت السماعه
الام : الوو
ام فهد : السلام عليكم
الام : وعليكم السلام
ام فهد : معي ام ريم .,؟
ام ريم : ايواا .. ماعرفتك اسمحيلي
ام فهد : اممم انا ام فهد ... والله متصلت لك ابي احدد معاك يوم .. عشان نجي ونخطب بنتك لولدي
ام ريم : اي بنت !!
ام فهد : ريم اسم الله عليها
ام ريم : ههه والله ماعرف شقولج يا ام فهد بس البنت الاحد الجاي ملجتها .. الله يعوضكم ببنت احسن
ام فهد انصدمت : هلاا !! اشقلتي
ام ريم استغربت شفيها ذي : اسمحيلي البنت بتملج الاحد خلاص !!
ام فهد : انا اقصد ريم فديتج
ام ريم : ماعندي غيرها وهي الي بتملج الاحد
ام فهد بحزن : الله يهنيها
ام ريم : تسلمين
ام فهد : اجل مالنا نصيب .. يلا تامرين على شي
ام ريم : سلامتج ..والله لو عندي بنت غيرها زوجتها ولدج بس هي اكبر بناتي وراحت
ام فهد : معليه ..يلا مع السلامه
...............................
10 دقايق بعد المكالمه ام فهد كانت منصدمه
بعدها صارت تجيك على الرقم اكثر من مره يمكن متصله غلط ,, بس الرقم صح والمره قالت انا ام ريم !! بس كيف وفهد قايل .. غير هالكلام . انهم يحبون بعض من زمان .. وهي ناطرته .. وهو حصل بيت ,, ووظيفته الحمدالله رقوه ومعاشه صار حلو .. !! مو هني المشكله . المشكله كيف اقول لولدي انه البنت الي حبيتها وتبي تخطبها ملكتها الاحد .. ومخها مشتت من الافكااار .. شي يوديها يمن انه ريم انسانه حقيره بحركتها لولدها .. وشي يوديها انه ريم يمكن مغصوبه او ولد عمها الي خاطبها ..
نرد لفهد الي كان يتسبح اثناء ما امه كلمت ام ريم .. طلع لها .. يدندن يامعيرس
وشاف امه جالسه بالصاله ومتعمقه بالتفكير
فهد : يمااااااااه
ام فهد تخرعت : بسم الله خرعتني .. وشفيك
فهد ابتسم : شرايج في ولدج مزيون صح احم احم
ام فهد ابتسم له بحنان : تجنن .. كل البنات يتمنونك
فهد : لالالا انا ما ابي كل البنات ابي بس ريم . وااااا فديت ريووم صار لي كم يوم ماسمعت صوتها تخيلي يمه .. تتغلي علي اونه حركات البنات اخطبني اول
ام فهد كانت لا تعليق كيف تقوله !! شهالمصيبه الولد بيموت فيها .. لو درى !! انا اعرف ولدي مجنون
فهد : يمه اتصلتي لهم
ام فهد لازم يدري لايعلق امال اكثر من كذا بنبره خاف منها فهد : فهد يمه
فهد قرب منها : شفيج يمه
ام فهد : امممم شوف انا كلمت ام ريم من شوي
فهد بفرحه : يييييييييييييس .. متى متى نروح
ام فهد بنبره صارمه : فهد
فهد خاف : هلا يمه
ام فهد : ليتك تشوف لك غير ريم .. البنت راحت في نصيبها وملكتها الاحد
فهد ضحك : هههههههههه يمه مزحك ماتخلينه ههههه تدرين اني ما ابي الا ريم وريم لي وهي تنطرني اخطبها
ام فهد صرخت : قلت لك شوف لك غير ريم .. امسحها من بالك .. البنت خلتك وخذت واحد غيرك وملكتها الاحد وامها توها قالة لي .. افهم يا اخي باعتك وراحت لغيرك !!!
وراحت عنه .. ماقدرت تشوف نظرات ولدها لها انه امي شتقوول !! ماقدر تشوف نظرات التعجب فراحت غرفتها .. وخلته بروحه يصارع افكاره
................................................
بيت ريم ..
كلهم يتغدون على سفره وحده
ام ريم : بو ناصر .. ماقلت لك
( بو ناصر الي هو بوريم )
بو ريم : اممم اسمعك قولي لي عندك
ام ريم : اليوم دقت لي وحده ينقال لها ام فهد اخطبت ريم
هنا ريم انصدمت .. وشرقت بالعصير : كح كح كحححح .. لمن صار لونها بنفسجي
ام ريم : صحححه صحححه .. وشبلاج
ريم : ولا شي وقامت من على السفر
بو ريم : وين ما كملتي اكلج
ريم : شبعت .. وراحت . بس وقفت ورا الباب تبي تسمع
ام ريم : المهم هاذي المره كانت تبي تخطب ولدها حق ريم عاد انا قلت لها خلاص البنت ملكتها الاحد
بو ريم: عين العقل
ريم من ورا الباب فتحت عينها على الاخرررر .. الاحد !!!!!!!!!!!!! يعني بعد 5 ايام مستحيييييييييييييل
رااحت لغرفتها .. وبدت ادور في الغرفه مثل المجنونه لالالا مستحيل .. ليكون فهد درى . بيسوي بنفسه شي اكيد
اتصل له !! ايه لازم اتصل له !!!
.................................................. ........
في المزرعه .. كان ياسر نايم عند متعب هناك .. وكانو يشوفون فلم رعب وياهم كومار
ياسر ومتعب ماكان الفلم رعب بالنسبه لهم الا كوميدي لانهم ميتين ضحك على كومار الي ميت خووف
ياسر لمتعب بشويش : امااانه شوف وش بسويه فيه
متعب ضحك : اووك
ياسر كان قاعد على يسار كومار على الكرسي مقابل التلفاز بشويش تحرك وراح من ورا الكراسي وقعد على يمين وتكلم عند اذنه جان يصرخ كوماااار .. ويظرب ياسر بالمخده ويشل عليه
هنااا متعب قعد يبكي من الضحك فااااااااااطس : الحق عليه طلع
ياسر هم ميت ضحك : ماااقدر اتحرك .. مسكين شلون شل كرشته وطلع مدري
متعب : الله يخسك .. بدل لا نشوف فلم الي جايبه صرنا نشوف فلم كومار الله يرجه
ياسر : خلااااص بموووت .. قم نروح نشوف وينه فييه
متعب : هههه طيب طيب
وراحوا ياسر وومتعب ورا كومار
الي كان في غرفته ومتلحف
دخلو الغرفه .. ياسر يتكلم بجد اونه : كومااار افااا بس خفت من الفلم
متعب : شدعوه كومار انت بزر يعني
كومار تحت الفراش خااايف : لا بابا .. بس انا يبي نووم
ياسر : ههههههههه يبي نوووم عيل
متعب : طيب طيب نام
وطلعووا سكرانين من عنده
متعب يضحك : حرام ظلمته .. كان يبي ينام بس مو خايف
ياسر : ههههه وااااضح جدااا
هالوقت رن تلفوون متعب .. استغرب رفع تلفوونه وكان الرقم غريب
ياسر : من يتصل لك هالحزه
متعب : والله الرقم غريب
ياسر : طيب رد
متعب : اوك .. ورد برجووله تطلع من صوته : الووو
الطرف الثاني : .... !!
متعب : احمم حد على الخط .. الووو
الطرف الثاني : ... !!
متعب : الوووووو ياهوو
ياسر : من
متعب : محد
ياسر : طيب سكر
متعب جا بيسكر .. بس وصل له صوت انثوي :: .... !!!
.................................................. ..................................
بيت ام علي !! تذكرونه .. الي افراده ( علي .. ونوف . .وسارا .. والتوم محمد وسعود )
في غرفة سعود .. الي كان يتكلم في التلفون .. !!
( اوكي حبيتي .. معليه حاس بظروفج .. بس ها توعديني لازم اشوفج .. خلاص اانا اخليج .. لا مازعلت وانا اقدر .. مشغول ششوي .. اوكي حبيبتي .. يلا مع السلامه )
سكر .. وعلى طول رن تلفونه ..!!
سعود : اوهوو مالي خلق ارد عليج انتي الثانيه
وحط جواله سايلنت .. وغرق في التفكير (( ولا مرت علي بنت وحده تتعامل معاي بهالطريقه .. غير ثنتين وحده ايام المدرسه تفلت في ويهي ورديتها لها وكلمت مديره المدرسه .. والحين وحده سبحتني بالعصير !!.. مين يتجرأ .. يرفع نظره بس علي من البنات .. اش هاذي الملسونه .. شمعنى هالثنتيين بهدلوني !! .. وكل البنات بيموتوون لو اطالعهم بس .. جمال وكشخه وسياره .. الخ .. في نوع مجهول من البنات ماعرفه !! ))
وطلع من غرفة وراح حق سارا .. واحلى معزوفه طق على باب غرفة اخته
الي افتحت الباب : ووووووووووويييييعه انششاء الله
سعود : اكيد فالعدو .. لان انا اخوج ماترضين لي
سارا : الا توجعك انت وانت وانت
سعود : دخل الغرفه وقعد
سارا اطالعه انه نعم : انت هيه من سمح لك تدخل
سعود : بيت ابوي وغرفة اختي
سارا : قوم اطلع برا .. ماني بفاضيت لك
سعود : يحصل لك سعوود بكبره .. جاي ومتنزل من برجه العالي .. وجايج
سارا : طاااع هذا .. على ششنو مغرور
سعود وقف جدام المنظره : احلفي اني مو حلو .. وانك ماتفتخرين قدام ربعك انه عدك اخو مثلي
سارا تمثل الحزن : كسرت خاطري يا خوي .. بس بقول لك شي بس لا تزعل . ترا علوي احلى منك وبعدها حموود حبيبي .. وانت تجي المرتبه الاخير .. هااااا هذا مو كلامي كلام البنات
سعود عصب : تخسسسسسسسسسسين
سارا ماتت ضحك : هههههههههه
سعود : بعدين شنو حمود حبيبي
سارا : خير نعم اخوي كيفي
سعود قلب جد : سارا بسالك سوال صريح جدا
سارا استغربت : تفضل
سعود : جد جد شرايج فيني
سارا بعبط : مغرور وشايف نفسك مدري على شنو .. وبليد .. وتحر وكل شي
سعود بحزن : امااا !! هذا ررايك فيني
سارا : لالا اتغشمر.. انت تمام بس لو تخلي سوالف البنات و غرورك الزايد شوي
سعود : طيب مو هاي الي جايبيني !!
سارا : عيل . ؟
.................................................. ................
نعوود لريم !!
كانت ماسكه التلفوون .. ومتوتره .. تتصل ولا لا !! بس هو لازم يفهم انه مالها دخل هي .. اي صح وقامت واتصلت
بعد الرنه ثانيه على طوول رد
فهد بصوت مليان حزن : مزح السالفه صح
ريم قلبها والدموع صارت تنزل بدون اذن : ....
فهد : ريم تكفين ترا مافيني حيل .. مززح صح .. والله اسامحج لو مزح ماني بمعصب نفس كل مره
ريم : فهد
فهد : حيااااااه فهد
ريم : غصبن عني فهد ..
فهد : يعني صج !!
ريم : .....
فهد : ريم اكلمج يعني صج !!
ريم تشجعت وقالت بترص الكلام مره وحده : والله يافهد انا مثلك جات امي وقالت لي انه اليوم بنحدد كل شي .. من غير ما اعرف منو هذا وبدون لا يسالوني وبدون اي شي .. رفضت بس هم اصرو .. حاولت اضهر جدامه بصوره حقيره عشان يغير رايه .. بس اليوم والله اليوم انصدمت لمن امي قالت ملكتك الاحد
والله كل شي يصير بدون علمي وبدون رضاي .. فهد والله انه انا ابيك وما اتخيل اعيش مع انسان غيرك انا بنيت مستقبلي وياااك حتى اسامي العيال اخترناها بس مو بيدي والله مو بيدي !!
فهد غمض عيونه بالقوه وضربته غيره : شافج !!
ريم : !!!
فهد بحزن : مالي فيج نصيب ؟؟
ريم : والله مدري شنو خاش لنا القدر
فهد ماقدر على اكثر من كذا : الله يوفقج مع السلامه
ريم : ففففههههههد
بس فهد سكر الخط .. وطلع من البيت حززززززززين .. بس لقاء باب الصاله مسكر راح لباب الميلس مسكره
فهد بدون نفس : اوووه من مسكر الباب ووين المفاتيح
مابقى الا المطبخ .. هم الباب مكسر .. ومافيها مفاتيح .. جان يطب من دريشه المطبخ لان هي الوحيده الي مافيها حدايد
( امه مسكره كل البيبان عنه .. تدري بولدها متهور .. وماعندها غيره وماتبي تخسره .. بس يوم سمعت صوت السياره كشرت في ويهه )
ام فهد : يااارب تحفظه يارب تحفظ لي ولدي ..
بس فهد ماتهور .. شوية سرعه بس لمن وصل البحر .. وضل قاعد هناااك ..
وريم بعد المكالمه .. صممت تعيش ياسر في جحيم لو خذته ,. ليه ياخذها من حبيبها ..!!
...............................
نروح لمتعب .. مع الاتصال ال جاه
متعب : الو !!
البنت : سوري اتصلت وقت متاخر بس
متعب ماعرف يتصرف : لا عادي
ياسر سندره : منو منو منو
متعب للبنت : لحظه
متعب لياسر بعد ما سد التلفون : شبلااااااك انت .. شعليك منو
ياسر اونه حزن : تخش على اخوك
متعب : اووف مدري هاذي وحده بنت .. صبر خل نشوف شسالفتها
ياسر : اوكي .. ولزق في متعب عشان يسمع
متعب : الو
البنت : هلا
متعب : سوري اختي
البنت : لا عادي انا الي سوري
متعب : بس ماعرفتك
البنت : امممم انت متعب صح
متعب استغرب : اي !! بس من انتي
البنت : ااااا انا
متعب : ايي !!
البنت : خلاص خلاص يمكن نسيت منو انا .. واتحطم .. يلا انا اخليك
متعب : غلا !!!
البنت فتحت عينها على الاخر : كيف عرفتني
متعب : انتي غلا !! والله !!
غلا : ايه انا غلا
متعب : ووويييينج انتي .. من عودنا الدوحه 3 شهور واختفيتي
غلا : والله سالفه طويييله .. بس امانه كيف عرفتني
متعب : ههههه بخصوص انتي البنت الوحيده الي عرفتها غير خواتي الي ماجابتهم امي وو
غلا : ههه طيب طيب
متعب : هذا ياسر يسلم عليج
غلا : اووه اخباره الدب
متعب : احسن مني ومنج .. اقولج الاحد ملجته
غلا : والللللللللللللللله مبروووووووك بارك له بارك له
جان يسحب ياسر التلفون
ياسر: استغفر الله يعني انا المفروض ما اكلم بنات بس .. لحين ماملجت فا اوكي
غلا : عشششتووو
ياسر : ماودج تسمعيني مبرووك
غلا : مبرووووك انشالله منك المال ومنها العيال
ياسر : الله يبارك فيج .. عقبالج
غلا : يسمع منك
ياسر : ههههههه اقعد تبي تعرس البنت .. متعووب حرام تزوجها
متعب ظرب ياسر : متعووب في عينك وهات التلفون
اما غلا مااااتت ضحك وانحرجت شوي : ههههههه
متعب خذ التلفون : انزين يالطيبه
غلا : ياحلوين انا اخليكم الحين وهذا رقمي عندكم ..
متعب بدون شعور : وووووووين
غلا بخجل : بكلمكم يوم ثاني ان شاء الله
متعب حزن : اوكي براحتج
غلا : يلا مع السلامه
متعب : سلام
.................................................. ..............
اما عند سعوود وسارا
سعود : طيب مو هاي الي جايبني
سارا : عيل .. شعندك
سعود : اممم بقولج شي
سارا : شنووو
سعود : بيني وبينج وو لاتضحكين
سارا من قبل لا يقول ضحكت : هههههههههه
سعود : لحوول هاذي اولها ينعاف تاليها
سارا : خلاص خلاص قوول
سعود : شوفي انا كلللمت بنات واجد وانوااع واجد .. بس مثل هاذيك ماشفت
سارا : مافهمت
سعود : انا اقولج .. البنات وراا اخووج زحف لين يوصلون لي .. والله اني ما قص عليج هم يعطوني ارقامهم وهم يقولون لي خل نطلع ويا بعض .. عمري مارقمت بنت وما اتصلت لي .. وعمره ما بنت فكرة انه ترفع صوتها ولا تسوي اي شي
سارا باندماج : انززززيييين
سعود : الا وحده
ساارا : منوو
سعود : ماعرفها .. بس مره عشاني تطنزت على رفيجتها جاتني وسبحتني بالعصير تذكرين قلت لج السالفه
سارا هنااا فطست ضحك : ههههههههههههههههه اااااااااااييي
سعود خبطها بالمخده : قلنا بدون ضحك
سارا : ههههه انزين وبعدين
سعود : وبس ابيها البنت
سارا : من وين اجيبها !!
سعود : مدري بس انا كل يوم اروح اقعد نفس المكان احتريها تمر
سارا : بووه شسوت فيك
سعود : لانها غير عن البنات
سارا : لانها ماطاحت في فخ جمالك
سعود : هههه مدري
سارا : واذا حصلتها !!
سعود : بتعرف عليهها .. ولو رضت بعدها بتزوجها
سارا : اماااااا من صجك ولا ناوي ترد لها الحركه وو تحطم قلبها تحمل سعود
سعود : لاااا والله لو تعطيني ويه ماراح ااذيها وترك سوالف البنات ككل
سارا : جد !!
سعود : والله العظيم
سارا : عيل ان شاء الله تلقاها
سعود : يسمع منج يا احلى اخت
سارا : ولوو .. حياك اي وقت
بوووووووووووووووووووووووه انفتح الباب
سارا : وووووووويعه خرعتني
سعود : انت هيييييييه
محمد ميت ضحك : كاااااان شكلكم تححححفه
سارا : سخيييييييييف
محمد : شهل الاجتماعات . وتسكر البيبان
سعود : مايخصك
محمد : بتقولون ولا شلون
سارا : ولا شلون
محمد : سوير انا حمود قولي لي
سارا : ماافيه اسرار بين الا خوان انت شكو
محمد : ليه انا مو اخوكم !.؟
سعود : اكيد لا .. انت لقاينك عن المسيد ماتدري ؟؟
سارا : ههههههههههههه
محمد : اوكي اوكي .. الوعد قدام يالخوونه
سعود : اعلى ما في خيلك اركبه
سارا : ههههههههههههههههه
.................................................. ...............

موضوع: رد: روايــة بقـآيـا يتيم 1/10/2011, 17:53

بارت 15

يووم جديد على حياااه الكل ..
الي قااام من النووم سعيييد ..
والي قااام من النووم متضايق ..
والي قام من النووم عنده امل يتحققق الي في باله ..
والي ما نام ابدااا ..
...............
بيت ام علي .. تحديدا غرفة سارا ..
الي كانت تجهز حق الجامعه .. هاذي اخر سنه لها
خلصت .. وانزلت تتريق تحت .. جاهم سعود ياكل بسرعه بسرعه متاخر
سارا : شفيك شوي شوي
سعود والاكل في حلجه : متاخر متاخر
سارا تشيل شنطتها : زين يلا
سعود طلعت عينه : لالالالا
سارا : شنو لالا
سعود يبلع الي حلجه : متاخر خل حد يوصلج .. وطلع من البيت مستن
سارا : اووف من يوديني
محمد : انا انا بوديج
سارا : دوامك بتتاخر
محمد : لعيوون اختي سارا اسحب على الدوام
سارا : يييه يييه شعنده اخووي يحبني اليوم
محمد بحزن : افااا بس اليوم ؟
سارا : هههه فديتك ..يلا طيب لا نتاخر
محمد : طيب روحي انتي وانا بسلم على امي وبجيج
سارا : تسلم على امي ليه
محمد : امي وكيفي !!
سارا : ههه طيب طيب يلا انتظرك في السياره
...........
راح محمد لامه .. الي كانت في الصاله فوق وكانت سرحانه
محمد : ام علي
ام علي : هلا ابووي
محمد : وين وصلتي
ام علي تنهدت : والله اخوك علي من تزوج صار سكانه مرته ما يجي الا بشورها .. ونوف وهي مو بنتي تجي كل خميس هي و بنتها
محمد ضحك : هههه شنو سكانه مرته بعد
ام علي : خلها على الله .. الا شفيك ما رحت الدوام ؟
محمد : هذا انا رايح بس قلت اجي اسلم عليج واطمن واخذ شوي حنان
ام علي ببتسامه لولدها : الله يخليكم لي ولا يغير عليكم
محمد باس راسها : يلا يما انا بروح تاخرت على سوير
ام علي : ليه شدخل سوير ما راحت مع سعود
محمد : لا سعود كان مستعيل .. هههه ووهقها .. ف قلت بوصل لها
ام علي : زين روح عيل يمه
محمد : يالله في امان الله سلمي لي علي ابووي لا جااه
ام علي بستغراب : يوصل !!
في فكرها ( شفيه يسلم علي ويوصل سلام لابوه وو !! غريب هالولد )
.................................................. ..........................
عند متعب .. الي كان يتمشى في البر مع .. البعارين
وفكره توديييه وفكره تجيبه .. مو عارف شيسوي .. ياخف يكلم ياسر .. وياسر يستلمه .. قام يكلم الناقه
متعب : مابقى الا انتي .. ادق لها !! ولا لا .. طيب اذا دقيت لها شقول !! ماعرف هههه ولا اطرش خوش مسج .. بس انا ماعندي مسجات !! ياربي انتي تسمعيني ولا تتصيمخين !! لا طبعا ماتسمعيني قاعده تبلعين لانج ..اوووف ..
طبعا الاخت الناقه .. تاكل ولا معطته اي اهتمام .. تحسون تقول وش يقول هذا ههههه
متعب : مافي الا ياسر ما منج فاايده انتي
وجان يتصل متعب لياسر .. الي كان في دوامه متملل .. يناظر الساعه متى يخلص ويروح البيت وكان اتصال متعب في وقته ..
(( وعلى فكره غدا يصادف ملجته ))
ياسر : حييي ذا الصووت
متعب : الله يحيك ويبقيك
ياسر : ياخي ليه احنى مو توم من ام وابو .. ياخي تحس فيني اني متملل
متعب : ههههههه المهم ياخ ياسر
ياسر : امررني توامي العزيز
متعب : امممممممم
ياسر : اييييي
متعب : ااااا
ياسر : يلا اخلص علي امي
متعب : طيب طييب ..
ياسر : اسمعك .. شكله عندك موضوع خطير يضر الامه
متعب بط جبده : يااااسر
ياسر : هههه اوكي اوكي يلا سمعني
متعب : غلا
ياسر : شفيها .. !! ماتت !!
متعب عصب : فااال الله ولا فاالك .. يا ياقزم
ياسر : خليك يا ناطحت السحاب
متعب : اووف هونت خلاص
ياسر : هههههه خلاص خلاص .. بسكت
متعب : اكيد
ياسر : و ثنتين منهم << يقصد اكيدين
متعب : اسمعني يا اخي انا ..
ياسر كمل عنه : معجب في غلا .. ومو عارف شلون توصل لها
متعب ضحك : بالضبط
ياسر : اجل خليني اخلص دواام واجيك المزرعه
متعب : اوك في النتظارك
ياسر : طيب يلا سلام
سكر متعب والتفت على الناقه ويكلمها مره ثانيه
متعب : لا ابوا الحاجه الي جابتني صوبج واخوي موجود .. تفوو على ذا الوجهه
..............................................
في بيت ريم .. الي كانت عازله نفسها في غرفتها .. لا اكل لا تروح الجامعه .. ولا شي .. محد ماعطيها ويه في البيت ولا مهتم لها .. الا اخوانها الصغاريه
ينطق الباب ..
ريم من ورا الباب : تعالوا
دخلو اخوانها الصغاريه الثلاث في ايدهم صنيه اكل لاختهم
الاول : ريمي .. اكلي .. والله صتري عظم
الثاني : اذا تحبينا اكلي
الثالث اخذ القفشه وصار يحط الاكل بفم اخته : اماانه
كسروا خاطرها كم مره تردهم .. بس هالمره بتاكل عشانهم .. وصارت تاكل
استانسوو
الاول : ماما تقول بكرا انتي بتصيرين عروس
الثاني : ايي واحنى مستانسين
احزنت ريم على هالخبر : ..
الثالث : ليه تبكين . .انتي ماتبين
احزنت اكثر واكثر : حبايبي معليه تخلوني بروحي
الثاني: بس انتي ماكليتي كل شي
ريم : بكرا باكله
الاول : خلاص بنروح احنى ..
وطلعووا من غرفتها .. وسكرووا الباب وهي صارت تبكي وتبكي وتبكي
قامت فتحت الكبت شافت فستانها . طبعا هي ولا تحركت ولا سوت شي ياست امها منها وراحت خذت لها فستان .. وحجزت كل شي اما ريم ما سوت ولااا شي
طوول هالوقت كان تفكيرها في فهد !!!
.................................................. ..........................................
اما فهد !! الي صار له 3 ايام لا يروح دوام ولا بيت .. مجرد انه يتصل لامه عشان ماتخاف عليه ويقول لها انه بخير .. وهو طول الوقت يلف على الدوحه يرجع البحر . ينام هناك !! لا يرد على اتصالات ربعه ولاشي .. مو مستوعب انه عقب ما بنى كل شي ووصل للحلم .. لان ريم كانت بالنسبه له حلم لما عرف طبيعة ابوها انهدم كل شي.. بعد ما اخذ له بيت خيالي .. ورقوه في دوامه معاشه صار قوي .. بس كل هذا لمن !! لمن !! ريم راااحت راااحت .
فهد تنهد بقوووه :آآآآآآه ياريم ليه بس ليه
............................................
في سياره محمد . الي يتصل حق عبدالله
محمد : الوو
عبدالله وصوته كله نوم : هاااه
محمد : ويعاااه ... للحين نايم
عبدالله : شتبي ياخي
محمد : عشر دقايق وانا عندك .. خلك جاهز
عبدالله : اوووف الواحد مايقيل يعني
محمد : خسسست من الظهر ناايم
عبدالله : ليه الحين الساعه كم
محمد بكذب : 6 المغرب
عبدالله : اووله .. يلا قايم
محمد : اووك
قام عبدالله .. اسرع دش في تاريخ البشريه .. وبدى يجهز .. ويوم جاا يشوف الساعه الا كانت 3 ونص
عصب يعني نام ساعتين بس تقريبا .. هين يا حموود ..
وصل محمد ودق هررن .. طبعا عبدالله بلفيت يرد له الحركه نقع محمد ربع ساعه براا وهو داخل يتقهوى ويسولف لامه .. وهي تقوله من الي يطق هرن .. يقول لها رفيجي . طيب روح له !! .. قال لها سالفة المغرب .. وعشان امه قام طلع له ولا ناوي ينقعه اكثر ..
محمد اول ماركب عبدالله : جد انت انسان سخيف
عبدالله : وانت اسخف
محمد حرك : شكرا
عبدالله : العفو كل يوم تعال
محمد عطاه نظره بس : ..
عبدالله : قووم زين .. وين موديني هالحزه !!
محمد : سلين
عبدالله : نننععععم
محمد : اي الشباب هناك متجمعين .. وقالو شالو .. قلت شالو
عبدالله : يالللله انت من شنو مخلووق .. جان قلت لي زين يمكن مابي
محمد : من طين .. وبالغصب مافي شي مابي
عبدالله : جب جب
.................................
عند سعود .. الي ويتر ستار باكس حفظ ويهه وطلبه وطاولته
وهو يدخن ويفكر : ( اووف تكفيين مري تكفييين ) اليوم كان عنده اكل كبير يشوفها
وفجأه .. مرت وحده تمشي بروحه .. وينط من مكانه .
سعود : لو سمحتي .. لما لفت عليه
بصوت عالي : نعم
سعود شاف وجهها كشر : لا سوري حسبتج اختي
البنت : حمدالله والشكر
سعود رجع مكانه وهو يقول : .. شفيها ذي !!
تحطم قام دفع .. وشل تلفوناته بيروح البيت خلاص زهق .. وهو رايح بتجاه الباب ويدعم في هذيك البنت الي صار له فتررره يجي هنا ويقعد بالساعات عشانها .. طيح فونها وشنطتها .. شلت شنطتها
استحت هي بس وما عرفته : ما تشوف عمي ؟؟؟
سعود وهومبتسم : اي
هو شال تلفونه .. واتصل منه على نفسه دون ماتدري
جود : فوني
سعود : هلا !!
جود : فوووني !!
سعود : اييه تفضلي
وراحت عنه وهي تقول حمدالله والشكر
بس هو طلع من المجمع فرحااان ,, كان يبي يلحقها بس .. !! يبي في نفس الوقت يعبر عن سعادته
ماقدر خذ مووتره .. اهي سرعه !! اهي استعراض !! ولما درى انه محمد وعبدالله في سلين .. احلى واحلى دااس على الريس ( سلين درب السلامه ) ..

موضوع: رد: روايــة بقـآيـا يتيم 1/10/2011, 17:54

بارت 16
اليوم يوم ملجة ريم وو ياسر وخطوبه بنفس الوقت

الساعه 10 صباح .. في بيت ريم

ريم الي كااانت ناايمه وماكان ودها تقووم ماتبي بس ؟؟؟

دخلت امها عليها .. سكرت المكيف وشغلت الليتات وفتحت الستاره

ام ريم : يلاااا يا بنت قومي اسبحي .. وشوفي الي لج والي عليج .. اليوم ملجتج وانتي نايمه

ريم تتقلب على السرير بضيق : اووف زين زين

( جا في بالها فهد لو ان اليوم ملجتها عليه !! اكييد من الفرح مراح تنام وهو بعد .. بنقعد نحسب الدقيقه والثانيه .. اما هالسخيف اتمناااه يمووت اليوم قبل بكرا قالو شنو ياسر قالو )

قامت دخلت الحمام وخذت ساعه فيه

الماي يصب على راسها .. وفكره تجيبها وفكره توديها .. في حياتها الجديده في فهد في ياسر الي ماتعرف عنه شي .. غير انها !!! اي اي صح لازم ازهقه حياته عشان يطلقني واخذ فهد صح عجبتها الفكره واستانست وطلعت ..

عند فهد اليوم رجع البيت بعد غياب اسبوع تقريبا عن البيت اوول ما شافته امه تبوس فيه وتضمه

فهد : يما انا بخير شفيج

ام فهد : بخير هااه صبر شوي

وفصخت نعالتها ؛( الله يعزكم ) وصارت تظرب فيه من حرتها على ولدها

فهد من سمع الخبر تووه تبين ضروسه : ياااروح فهد انتي .. وقام ولمهاا باقوى ماعنده

شلون قدر يخليها بروحها في البيت وهي تعتمد عليه وهو ولدها الوحيد

فهد بصوت حزين مكسور : اسمحيلي يمه بس انتي عارفه

ام فهد : عاذرتك انا .. بس انا ابي رضوه

فهد : اطلبي عزج وانا حاظر

ام فهد : ودي اروح الرياض عند الاهل

فهد حصلها فرصه يسافر ويروح لعيال خواله هناك يتونس وينسى .. وعشان امه : ابشري عطيني يومين بس اظبط مع الدوام .. ونروح

ام فهد : يا عساني ما انحرم منك

فهد : ممكن تأذنين لي اروح اسبح .. معفن حديي

ام فهد : هههه اششم ريحتك يالوصخ يلا رح وانا الحقك بالفوطه

فهد يبوس راس امه : ههه تسلمين لي

وراااح ياخذ له دش حااااار يمكن يذوب شي من ذكريات ريم وياه .. بس هيهات

.................................................. ...........

ربعنا الي كانوا في سلييين نااامو هناك .. وعبدالله ما كان وده بس غصبوه التوم ومايقدر يقول لا لان ماعنده سياره كان جاي مع محمد

كانوا مع ربعهم يمكن 7 عددهم .. قام سعود ولقى عبدالله في المطبخ

سعود : بووووه

عبدالله نقز : وجع انشالله يشل اضروسك واحد ورا الثاني

سعود يضحك : وااههههه خاف .. بعدين عادي بركب طقم ماسمعت عنه !!

عبدالله : قوم زين

سعود : شتسوي

عبدالله : كررك

سعود : يسلاااااااام من زمان عن كرك من يدك

عبدالله يغمزله : ترتيب هالمره

سعود وكنه وده يقول شي : عبوود

عبدالله : لبيييه

سعود : لبيت بنمى ودي اقولك انت وحمود شي بس مالقيت وقت امي

عبدالله : وشو

سعود : انا من امس بطيررر من الوناااااسه ولين اليوم وبكرا

عبدالله : اييي تصدق لاحظت عليك امس كنت خبل . مرتين بغيت تنقلب اثرى وراها سالفه

سعود اونه استحي : اي اي في سالفه

عبدالله : كلي اذان صاغيه

سعود طلع جواله وروه رقم

عبدالله بستغراب : حلمي !! من هاي !!

سعود تنهد ببتسامه : امس كنت كالعاده بستار باكس

وعبدالله على طول فهم : امااااااااا

سعود اونه استحي : اي اي

عبدالله : وشلوووووون ؟؟ هي نفسها ؟؟

سعود : اسمع زهقت هذا اليوم وانا انطر وجان اجوف وحده واروح لها ركض واخر شي مو اهي !!

عبدالله ضحك : اووف .. طيب !!

سعود : عصبت ياخي وتفشلت .. جان ادفع واطلع من الستي معصب ياخي مادري شكان المود ذيك الحزه حتى اني دعمت البنت نثرت لها اغراضها

عبدالله وهو مندمج : طيب

سعود : وعاد بلفيت منحرج سوري سوري وشليت جوالها ويوم شفتها

عبدالله : اهي !!!

سعود : الا اهي اقولك مادري شلون من غير شعور صرت اتصل على جوالي من جوالها وانا اناظرها وجنها عرفتني لانها اول شي كانت مستحيه وعقب شافت ويهي عصبت وهاي الي محزني

عبدالله : شوفو الملعوون وين جاتك هالفكره في هاللحظات الصعبه

سعوود : مدري .. وجاان ادق سلف ووو

محمد وهو يتثاوب : الريووق يا صبي

سعود : نعم !!

محمد : يوعان يلا بسرعه جيبوه بحرك الدوحه ..

عبدالله يناظر سعود : قوم نذبحه صدقني ما مه فايده في الحياه

سعود : تصدق كلش مو محتاجينه مووت احسن.. ملللغ و سخيف شنبي فيك

محمد : شكلكم تبون اخصم لكم من معاشكم

سعود : قوم عليه

وصارو 2 يلحقوون محمد .. الي طلع من الشاليه وصار يرركض برااا

.................................................. ..............

عند ريم وكانت الساعه 4

وبدت الكوافيره والممكيجه .. تشتغل في امها .. ومن ثم ربعها ندى وجود .. الي قالت لهم من شافت في الستس وشصار وجي .. بس جود للحين ما لاحظت انه في رقم غريب طلع من جوالها !! ( اقصد حد اتصل من جوالها )

جات الساعه 6 .. وصلو اهل ياسر .. مع الملاج .. وبدت مراسيم الملجه لمن جاا وقت ريم توقع الي كانت فوق مع ربعها

كانو مسوين لها جو وهي كل شوي طرت لهم فهد فهد فهد ..

جود : تراج تبطين الجبد هاا .. اححنى وين وانتي وين

ندى : والله بليييد احنى نقول شي وهي تقول فهد

جود : ماتبين هالمزيون الي تحت انا باخذه

ريم : حلااااالج

ندى بجديه : ريم اعقلي عاد خلاص الي تحت هذا بيصير زوجج عودي نفسج

ريم : مستحييييييل

وينطق الباب قبل لا جود تتكلم

ام ريم : يلا ريم لبسي عباتج الشيخ يبي يسالج

ريم : اوك

ورااحت وكان ودها تقول لشيخ لا ما ابي بس للاسف جابوا لها بس الورقه الي توقع عليها مع ابوها بدون مايسالها الشيخ !!

صار وقت انها تطلع للحريم .. شغلو لها زفه بسيطه اختاروها لها ربعها مع المسجل الي شايل صالة بيتهم فوق راسهم .. دخلت وام ياسر وهي طوول الوقت تسمي عليها وتصلي على النبي

وجلست بالمكان المخصص لها

...........................

عند ياسر اول ما قال الملاج مبرووك .. راح لابوه وباسه على راسه وابو ريم .. وعقب متعب الي ظل حاظنه ربع ساعه يمكن

ياسر : متتتتعب

متعب : عيوون متعب

ياسر : انا رجل متزوج

متعب : امااا

ياسر : وقسم بالله

متعب : عقبالي

ياسر ويهمس له : يلا ونسوي العرس وشهر العسل مع بعض

متعب : استغفر الله حتى بشهر العسل بتنشب لي

ياسر : احمد ربك انا مو بروحنا ولا عرفت شلون ارد عليك

وتعدل ياسر بعد السلامات والتبريكات

وقد جا وقت انه يدخل للحريم ويلبس ريم شبكتها

دخل مع امه وخواته جنبه لحد ما وصل عند ريم وباسها على راسها بكل رقه خلها ترتجف

ولما بدى يلبسها كاان قرريب منها .. وهي شي وااايد كان مربكها

اما ياسر كاااان حده مستانس ..

بعد مالبسها الشبكه وجي جا وقت العصير والكيك .. هي ما كانت تبي .. بس استحت ترفض جدامهم

اول شي العصير وكانت تبي تنتقم منه وتكب عليه العصير بالعاني .. بس خجلها يمنعها

وياااسر بيمووت على الخجل بينه وبين نفسه يقول

( متعب الحقني قاعد اموت بيني وبين نفسي من هالبنت )

وهي من داخلها ساعه تتخيله فهد وتبتسم ساعه تكشر لما ترد لوعيها وتشوفه انسان ثاني

ياسر انسان جميل وحلو ويقط الطير من السما بس في حالتها هي تشوفه ابشع انسان في حياتها خذاها من فهد في الوقت بدل الضايع

المهم .. لما جا وقت ياكلون بعض الكيك قام هو قطع قطعه صغيره على كبر فمها الصغير

اما هي لعانه قطعت له قطعه كبيره

ياسر : ههه بوووه بووه هالكبر

بس هي ماعطته مجال ودخلت الشوكه بفمه .. وهو اضطر ياكل

وليييين صاروو لحالهم في غرفة مجهزينها لهم .. وللعلم اول مره يكونون بروحهم

.............................................

اما في سلين الشباب راجعين من الشاليهات .. على 4 دفعات سعود وعبداللله .. ومحمد ورفيجه

وباقي ربعهم على سيارتين .. عند عبدالله وسعود الي كانوا مستطربيين حدهم

والاغاني على اعلى شي وعبدالله يصفق ومحمد يطق على السكان

فجااه سيارة محمد تحركت كانت تبي تتجازو السياره الي قدامها لما تجاوزت بعد السياره الي كانت جدامها كانت تبي تتجازو فلفت على محمد !! ( يعني يوم محمد تجاوزها السياره الي احذاه لفت عليه ما انتبهت له )

وانقلبت السياره حوالي 3 قلبات .. كل هالمشهد كان قدام سعود وعبدالله وربعهم ..

سيارة سعود .. اول ماشاف السياره لفت على اخووه وقف عن الحركه ظرب بريك سعود .. وعبدالله قف عن التصفيق وظلو يناظرون السياره وهي تتقلب وهم في حالة صدمه والاغاني شغاله .. لحد ما وقف السياره عن الانقلاب

عبدالله : سعووووود روووح حررررررك روح لهم

سعود منصدم وظل في السياره :

اما عبدالله سكر المسجل بطل الباب ورااح ركض حق ربعه .. الي كان مع محمد طلع .. بس محمد محتشر في السياره طبعا عالم نزلوو اتصلو الاسعافات وكان ويبيلهم شي يكسرون باب محمد عشان يطلعونه يسمعونه يوون بس

وسعود بالسياره تتردد في باله جملته حق محمد اخوه من شوي (تصدق كلش مو محتاجينه مووت احسن.. ملللغ و سخيف شنبي فيك )

واخيرا نزل وراح ركض حق السياره وينادي

سعود وهو يرتجف وخايف على اخوه وتوأمه : محمد حموود .. تكفى رد علي اخووي .. صبر شوي ياخي الحين سياره الاسعاف بتجي سمعني حسك تكفى حموود امااانتك ترا سوالفك البايخه مو وقتها .. تكفى اصمد .. انت صااامل ولا نسيت امنتك حمود لا تتخليني امانه انت تسمعني امسك يدي طيب .. بصرخه حمووووود ..

سعود بالم : حمود

محمد بخوف : عيون محمد امرني !! اصمد تكفى

سعود ببتسامه وهو فهالحال : والله اني احبكم ..

محمد كان (وده يقول اكثر وده يقول سعود سلملي على الاهل كلهم سعوود لاتزعل امي سعوود وسعود وسعود بس مو قادر قاعد يشوف نهايته هني في السياره )

.. كانو يكلمونه من خارج السياره لين جاء الاسعاف والشرطه بس كانوا متاخرين وااااااااااااايد

وكسرو الباب وطلعووه .. وقاموالاجارات اللازمه بس قد تاخروا عليه مسكين

المسعف : للاسف النزيف اثر عليه وتوفى

سعود عطى المسعف بكس على خشمه ويصرخ قدام الناس الي تاثرو من كلامه : بكل سهوله تقول تووفى على كيفك منو انت عشان تذبح اخووي منو انت تعرف شنو يعني توفى يعني مافي محمد بعد اليوم ..انتو السبب انتو تاخرتوا عليه انتو الي موتوه .. وخارت قوااه في يد عبدالله ..: يعني مالي اخو توام بعد اليوم .. لاااااا والتفت على عبدالله : عبوود شقول لامي شقول لابوي !!

عبدالله وده يصرخ مثل سعود حتى البكى وده يبكي بس لازم هو يستحمل ويهدي رفيجه : ماينفع هالكلام قووم نروح

سعود يناظر بعيون عبدالله : اقولك محمد راااح تعرف شنو يعني راااح

عبدالله يضمه : ادعي له يا سعود ادعي له

حرك الاسعاف وعبدالله سحب سعود وياه ولحقوا الاسعاف في السياره كلن فكره في محمد الي بالاسعاف مييت قدامهم

عبدالله في باله : يالله جيت معاه سلين بالغصب .. شنو يعني يبني اشوفه وهو يموت قدامي .. جيت معااه وبرد بدونه .. ليت هالشي يطلع حلم .. ولا تمثيل اي اي يطلع حمود يمثل علينا مثل كل مره .. بس هالمره والله لو يقوم ويطلع مافيه شي مراح نظربه ولا بنسوي فيه شي بس خل يقوم . يمكن خاف نلعن شكله .. والله هالمره مو مسوين له شي بس يقووم .. تنزل دموعه بالغصب

اما سعود : متسند على الجامه .. وجهه وجه انسان منصدم .. مو متوقع او مو مستعد انه يفقد اخوه الحين هو كانوا مفكرين يشيبون مع بعض يعرسون مع بعض اول ولد له بيسميه محمد وهو بيسمي سعود .. كان تخطيطهم للمستقبل بهالطريقه !! بس الحين بيتم بروحه بينام بروحه يطلع بروحه يسهر كل شي بيصير بروحه !! من غير ازعاجات حمود لصلاة الفير !! من غير عبطه من غير ملاغته !! . مع من يطلع من ينصحه من يتفلسف علي ..

لالالا السالفه مو داخله مزاااجي .. طيب اذا سالوني الناس وين اخوك اذا سالني ابوي اذا سالتني امي !! شقول ياحمود شقول ..شقووول لهم ... قوم انت قول لهم !! يااااالله استغفر الله العظييم

.................................................. ............................

عند ريم الي كانت مع ياسر في غرفة لوحدهم

ضلو 5 دقايق ساكتين لين بدى ياسر بالكلام

ياسر بتوتر: الحين انا وانتي متزوجين على سنة الله ورسوله

ريم ناظرته بنظره : ..

حس ياسر انه غبي تدري انكم متزوجين : ااسف

ريم في داخلها شكو اسف شفيه هاي : ...

ياسر : اممم طيب متى تبين العرس

ريم : ....

ياسر : اممم انتي خجوله كذا على طول

ريم في داخلها ( خجوله !! بذبحه ) : ..

ياسر : طيب خذي راحتج في التفكير وحددي التاريخ واي قاعه تبين وانا تحت امرج

ريم : ... !!

ياسر : ممكن ابي رقمج

ريم تجرات وتكلمت : شوف ياسر انا مو مثل البنات بعد المجله والخطوبه تبي تقعد وتطلع معي وتكلمني لاا مره بالشهر .. ولين عقب العرس

ياسر انصدم : هااه !!

ريم : الي سمعته والحين انا تعبانه وابي اروح ارتاح من صبح قاعده ممكن !!

ياسر منصدم : اي اكيد !!

طلع فونه .. واتصل على نجود

انجود : هلا والله بالمعرس

ياسر ( معرس نحس ) : هلا فيج .. حبوبه سوي لي درب بطلع

انجود : افاا ما صار لكم ربع ساعه حتى

ياسر : معليه الايام جايه

انجود استغربت : اوكي يلا شوي بس

سوت له درب وطلع .. الكل استغرب واكثر شي ملااك اخته وامه !!
طبعااا هو تضايق اكيد .. ولحق متعب المزرعه يتشكى له الي صار ويشوف وجهة نظره !!

موضوع: رد: روايــة بقـآيـا يتيم 1/10/2011, 17:54

البارت 17
كان قاعد على الارض احذى كراسي المستشفى مقابل الباب الغرفه الي يتواجد فيها اخووه ( جسد بلا روح ) ضام ريله لصدره ومغطي راسه فيها .. مب عارف شيسوي ؟؟ حزييين على اخووه كلش ماكان جاهز لهاليوم !؟ صار يكلم نفسه !!
راااح منهو كنت اشكي له ! رااح منهو كان اسمه توامي ! راح وخلاني ! بيكمل 6 ساعات من فارقني .. وليته مفارقني كم يوم .. مفارقني للابد ع طول .. وامي وابوي خواتي ماني قادر اقول لحد .. صار يرتجف مب عارف ليه .. دخل يده بجيبه وطلع الجوال واتصل عليها
رررن وبعد الثالثه انرفع الفون
...: الله الله سعود داق لي من وين غارب الشمس
سعوود : ....
..: الووو سعود وينك ؟!
سعود صوت مكسور تعبان حزين : نوف
نوف خافت : سعوود شفيك .! شصاير ؟ ابوي فيه شي ؟ مرت ابوي فيها شي ؟ اخواني ؟ تكلللم
سعود : نووف مو عارف شسوي نووف لحقي علي
نوف صارت متوتره : سعوود شسالفه وترتني
سعود بهمس : محمد
نوف : ايي شفيه ؟؟
سعود : محمد ياا نوف
نوف صرخت : شفيييييييييه ؟؟؟
سعود : مااات يانوف ماات
نووف من الصدمه : ايييش ؟! شنو يعني مات ؟؟
سعود : ...
نوف : انت وييين
سعود : بالمستشفى !
نوف : جاايه
نوف لا زالت مو مصدقه تبي تروح تتاكد .. ادري انها لعبه منهم .. لكن هيين ياحمود وسعودوه ارويكم .. غشمرتكم زااايده .. قالت لريلها وراحوا المستشفى
وصلت وشافت حال سعود وهو جالس على الارض مع انه الكراسي جنبه ووضع ريله ويده .. خاافت هو للحين ماشافها .. صارت تمشي شوي شوي .. خطوه تسحب خطوه ..
لمن حس فيها سعود .. رفع راسه وعيونه كلها دمووع طالعها بنظر مكسوره
نوف ترجف وقعدت على اقرب كرسي : لا يااخي لاتقول لا تطالعني كذا هو للحين حي مامات لا تفاول علييه
سعود قام لاخته وضمها :نوووف انا ابيج عوون انا
نوف : وينه بجووفه
مسكينه نوف كانت مو مصدقه لين دخلت على اخوها محمد !! انهااارت حتى قبل لا تشوف وجهه ..
اما سعود .. قال وهذا وانا ابيج عون يا نوف .. بقول لعبدالله يكلم علي وعلي يكلم ابوي انا ماااقدر
ايييه علي ليه ما فكرت فيه .. طيب اتصل له اقوله اخوك مات. ؟ ولا تعال المستشفى ..
( يااااااااارب ساااعدني )
واتصل على علي الي بعد الرنه الرابعه رد وكان يضحك
علي : ههههه الو سعوود
سعود يبلع ريقه : علي !!
علي : يلا بسرعه مع الربع انا اخلص
سعود شهالاخو وتنهد وخذى نفس : علي اليوم محمد سوا حادث
علي : شتقول انت !!!
سعود خذ نفس : ايه .. قبل كم ساعه واحنى طالعين من سيلين
علي وقف على طوله : طيب هو بخير الحين !! وكيف كان الحادث
سعود بدت دموعه تنزل مره ثانيه وهو يرتجف : راااح ياعلي محمد رااح
علي عصب : شوف يا سعودوه سوالفكم العبيطه مو وقتها
سعود قام يصارخ ونوف انتبهت له : بالله هذا سالفه يبيلها غشمره .. اقولك محمد رااح .. مااات وخلاني .. تعرف شنو يعني مااات ؟؟ يعني ما عاد نشوفه مره ثانيه.. ماعاد نشوفه .. وصار يبككي
علي انصدم : اي مستشفى ؟
سعود قال لعلي اي مستشفى عشر دقايق الا هو واصل .. راح لسعود وشله من الارض وقام يهزه
علي : وييينه ويينه !!
سعود اشر على الغرفه وعلي راح وشاف اخووه وصار يبكي ويبكي
نوف راحت لعلي : علي لازم نبلغ مرت ابوي وابوي هذا ولدهم
علي : شقول لهم يانوف شقول !!
نوف : .... ماعلقت
وصل الخبر الى ام علي : الي صارت مثل مجنونه
وابو علي بس هو الي كان اقواهم
وسارا الي سكرت على نفسها الباب في غرفته (غرفة محمد ) كانت مو مصدقه فالبدايه لين شافت حال ام علي.. وصارت تصيح وتصيح .. وتتذكر كلمه الصبح قبل لا تنزل الجامعه ..
محمد ( اخ يا سوير خاطري تعرسين ودي اشوف عيالج شلون اشكالهم احسهم بيطلعون تحححفه وشيف عليج ههههه .. وهي عصبت عليه .. باس راسها وقال لها يا جعلني ازفج بيوم عرسج واشوف عيالج وانا اتزوج وازوج عيالي عيالج .. كيفي !! )
هي استغربت انه باس راسها .. اول مره يسويها بيوم عادي .. هو كان فـ العيد بس يبوس راسها هي ونوف مادرت انها اخر بووسه .. او بوسه الوداع .. راااح محمد .. راااح الغالي
مرت 3 ايام العزا على عائلة بو علي صعبه جدا على الكل .. محمد كان يشيل البيت فوق راسه بملاغته
على الاكل .. العصر .. فليل ..ووقت النوم .. كل حزه رايق هالولد .. بس الحين البيت بيصير هدوء .. سعود بدون محمد ولا شي .. كانوا اثنينهم يسون جو بعد .. بس سعود بروحه !! مايقدر
.....................................
عند ريم !! الي صار لها 4 ايام من املجت ولا تدري عن ريلها ولا شي !!
ياسر صدق سالفة عقب العرس وجي قال يمكن طبعهم جي نفس البدو .. ف بيروح لها ف الشهر مره على قولتها !!
حتى ماتبيه يكلمها بالفوون .. !!! مسكين ياسر على نياته
وهي كذا مره حاولت تتصل في فهد تقوله عن خطتها انه ياسر يطلقها وتتزوجه بس بالبدايه كان تلفونه يرن وعقب سكرره !!
وعلى كذا كرهها لياسر يزيد ويزيد !!
..........................................
فالدوام عند ياسر ..
كان يكلم متعب فالفون
ياسر : انزين وشلقت لها انت
متعب : ولا شي
ياسر صرخ : غبــــــــــــــــــــي
متعب يحك راسه : ماعرف شاقول
ياسر : جان قلت انك تبيها وبتتقدم لها
متعب : .....
ياسر : ترى البنت بطير من يدك يا متعب
متعب بسرعه : الله لا يقول
ياسر : عيل عجل
متعب : بقول لها بمسج
ياسر : اللهم طولج يا رووح
متعب ببراءه : شنو
ياسر بعصبيه : اتصل لها وقوول الي عندك . .اي والله مسج
متعب : امممممممممم طيب طيب
.................................
عند سعود الي كان قاعد بغرفته هو ومحمد وعلى سرير محمد .. وماسك الجوال .. ومتردد
سعود : اتصل ولا ما اتصل . طيب اتصل شقول !! خلاص مب متصل !! بس انا ابي اتكلم مع اي حد !! ابي اشكي .. ابي اسولف .. خخخاطري حد يسمعني بس .. اووه بتصل .. لو فشلتني !! عادي مو اول مرره يييه .. بتصل
وقام واتصل .. اول مره ماردت وثاني مره ماردت للمره الرابعه ردت
..: الووو
سعود غمض عينه وتنهد : ...
.. : الووو
سعود انتبه : الوو
.. البنت استغربت صوت رجال : من !!
سعود بسرعه : تكفين لا تسكرين . امــانه اسمعيني . انا محتاج حد يسمعني بس .. ابي اشكي حق اي حد .. سمعيني ترى انا اعرفج بس انت ماتعرفيني .. بس تكفين لا تسكرين واسمعيني شوي
جود مستغربه شسالفه :.............. !!
سعود تم ساكت شوي عقب بدى يتكلم بحزن : تدرين انا لي اخو توم .. بس الحين صرت وحيد .. تدرين ليه !!
جود ساكته : .....
سعود : انا اقولج ليه .. لانه هذا خامس يوم من توفى وخلاني .. تخيلي حااادث قدام عيني .. قدام عيني اخوي يموت .. قدام عيني يوون تحت السياره ولا اقدر اطلعه او اسويله شي .. تدرين شنو اخر كلمه قالها
قال سعود والله اني احبكم .. وبعدها ماسمعت له حس راااح الغالي راااح وخلاني يا مدري وش اسمج .. ماني قادر استوعب انه راح بدون رجعه .. كان ( وابتسم ) ملغ بس ملاغته حلوه . تضحكين غصبن عنج .. كان مسوي جو رهيب ف البيت وانا معاه بس انا بدونه ولا شي .. للحين ماطلعت من البيت .. ما ابي اشوف الناس ما ابي اطلع بالسياره وهو مو حذاي مااابي ( وصار يبكي ) ما ابي يسالوني وين اخوك !
جود توهقت ( منو هاي الي يتصل لها ويشكي لها ويبكي بعد !! ولا يقول يعرفها بس هي ماتعرفه !! طيب شلون يعرفني وماقال اسمي هو قال سعود .. من سعود !! ) : .........
سعود حس بسخافته مسح دموعه : انا اسف .. بس اعذريني .. يلا انا ما اطول عليج وازعجج اكثر .. مع السلامه
جود : ....
سعود وسكر التلفون قبل لا ترد
جود ( كسر خاطرها المتصل .. وبنفس الوقت شاكه انه حركه جديد من حركات الشباب .. بس لما صاح حست انه من صجه .. بس هي ما اعرفت شتقول ما عطاها فرصه تهاوشه او تكسر بويهه على طول صار يقول سالفته .. اول مره يسكر خاطرها شاب .. غير اخوانها .. قالت بطرش له مسج ... وبالفعل طرشت له)
المسج ( اممم ماعرف شقول لك اخوي بس .. الله يرحمه . والله يصبركم )
ابتسم سعود على المسج .. ونــام ع طول
....................................

موضوع: رد: روايــة بقـآيـا يتيم 1/10/2011, 17:55

بـارت 18

يوم جديد .. وتحديدا في بيت ريم .. غرفتهــا وهي قاعده ع النت تدردش ويا ربعها وتسمع اغاني
دخلت عليها امها
الام : ريييم ترى تحدد موعد العرس
ريم ماسمعت امها بالاصل ما انتبهت لها مندمجه مع الاغاني وسوالف
انتبه ام ريم انه ما سمعتها وراحت وسكرت الاب توب بقوه
ريم : هي هي هي بتكسرينه
( ريم بعد الي سووه فيها امها وابوها . صار لسانها طويل مع امها وايد )
ام ريم تنهدت لانها منتبه لاسلوب ريم وياها : عرسج يا بنت تحدد يالله يمدج تجهزين
ريم انصدمت : ..
ام ريم : تراني اكلمج !!!
ريم بهدوء : متى ؟
ام ريم : تقريبا بعد شهرين .. الرجال مستعجل
ريم فتحت عيونها ع الاخر : شهريييييييييييييييييين

ام ريم عشان ماتعطيها مجال تنقاش قالت لها اي وطلعت ع طول من الغرفه
حطت ريم راسها بين ريولها بعد ما بعدت عنها الاب توب

( افف افف من وين طلع لي هذا .. مستحيل ابقى على ذمته . انا لفهد لفهد وبس .. لكن فهد مايرد على اتصالاتي ..اااه يا فهد !! .. وينك !! .. قامت وخذت التلفون بتتصل على فهد لاخر مره .. لان قبلها مليون مره وكان الجهاز مغلق ) ضغطت على الارقام واتصلت

تفاجات ريم انه يرن : امبيييه يرن .. رد يافهد رد
وبعد الرنه الخامسه
..: الو
ريم استغربت الصوت : ..
..يكرر : الووو
ريم : فهد !!!
..: ...
ريم : الوو
ريم : الوو .. هذا تلفون فهد !!

..: اي يا ريم فهد فهد الي غدرتي فيه فهد الي تعب عشان يكون بنظر عين ابوج خوش رجال لما يتقدم لج اييه فهد الي حبج من سنين .. وفالاخير تخلينه وتتزوجين غيره .. (ويابلفيت انه القوي قال ) فهد الي لا ليله ليل ولا نهاره نهار بعد هالخبر بس تصدقين خلال اسبوعين صرتي مجرد ذكرى سوده بحياتي

ريم بدت تبكي : والله اني مغصوبه والله احلف لك

فهد : محد ينغصب على شي مايبيه .. خلاص ياريم انا قلت لامي تدور لي عروس

ريم صرخه : لاااا لااا فهد لااا انت لي .. انا بخليه باول يوم يطلقني وعقب نتزوج ونعيش الحياه الي خططنا لها امااانه فهد لا تخليني فهد انا احبك .. بعدك عني يا فهد صعب صعب

فهد عوره قلبه بس : اسف .. الله يهينج ان شاء الله .. وانا هذا الرقم ببيعه .. مع السلامه

وسكر الخط بدون ما يسمع لها اي رد

( فهد قبل لا تتصل كان مستعد لنوم .. بس بعد اتصالها طارت النوده .. كذب عليها قال انه بيتزوج .. وهو مستحيل ياخذ غيرها .. قعد يتذكر الايام وياها .. بدون شعور دموعه صارت تنزل بدون اذن )

انطق الباب .. وكانت امه
ام فهد : يمه فهد نمت

كان فهد ما عطي امه ظهره ويبكي مارد عليها
ام فهد قربت منه وانصدمت ولدها يبكي !!! هي فكرت انه تحسن وايد .. اثاري هو يضحك ويسولف قدامنا ولا جا ينام !!! .. ضمت ولدها الوحيد بدون ماتتكلم .. وصار فهد يبكي بصووت

فهد صار يتكلم : اااه يمه توها سكرت مني توها .. كذبت عليها قلت لها اني قلت لج بتزوج .. قلت لها انها ذكرى سوده تخيلي يمه .. يمممه ردي علي وش اسوي مقدر بدونها صدقيني مقدر .. شفتي هالي قدامك يضحك ويلعب ويسولف .. ترى من داخله مقهوور ع حبه الي بيروح من يده ..

قام من حضنها قال وابتسامته على ويهه : يمه قالت لي انه يوم وبتتطلق منه وانا اتزوجها عقب ونعيش الحياه الي خططنا لها .. (وتغيرت تعابير وجهه للحزن ) بس انا قلت لها اسف والله يهنيج وسكرت وقلت لها بغير رقمي .. مدري من وين طلع هالكلام يمه .. ( وكنه تذكر شي ) ايييه يمه قالت لي انها تحبني وانها مغصوبه .. يعني هي ماغدرت فيني صح !! ورجع لحضن امه يبكي .. يبكي كانه طفل فقد احب اللعابه

ام فهد بكت حال ولدها .. البنت جننت ولدها .. الولد ينجن قدام عينها .. وهي مب عارفه شتسوي .. جابته الرياض ينسى .. طلع يمثل النسيان .. ولاهي ماتروح عن باله .. ضمته باقوى ماعندها وفخاطرها نقول

( مستحيل اتخلى عنك انت الي بقيت لي يا فهد مالي غيرك )
...............................

عند متعب .. الي كان يقلب ف التلفون ..
يتصل ولا يطرش مسج .. بس ياسر قال اتصل .. طيب شقول .. امممم
قام وراح عند المنظره .. ومسك التلفون وصار يكلم نفسه

متعب : ( الو . مرحبا غلا .. لالالا مو كذا .. الو السلام عليكم ممكن اكلم غلا > وصار يكلم نفسه .. شكو ممكن غلا يا متعب تلفونها اكيد انها غلا .. وعاد مه ثانيه .. الو السلام عليكم .. شحالج غلا .. انشاء الله انج مرتاحه .. امممم اقول شحالج ولا شخبارج .. شلونج اشيك .. وعدل وقفته .. غلا انا ابي اكلمج في موضوع ممكن
لالا مايصير على طول ادخل ف الموضوع

<< كل هذا قدام المنظره .. ويكلم نفسه ويمثل كيف راح يكلم غلا .. ولسوء حظ متعب انه ياسر شاف نص المحادثه وكان ماسك الضحكه يبي يشوف لنهايه .. لكن متعب سوا حركه في ويهه خلت ياسر ينفجر من الضحك

متعب اخترررع وطاح التلفون من يده انصدم هذا متى وصل .. ومن ومتى ويل حالي .. اكيد سمعني حس انه وجهه صار صغير فشله .. قاعد يكلم المنظره .. تم واقف مكانه .
وياسر لازال يضحك ويضحك بعدها حس بنفسه وحس في متعب انه افتشل عدل قعدته
ياسر : وشكنت تسوي الله يهداك
متعب نزل ورفع جواله بدون مايرد : ....
حس ياسر انه متعب تحسس من ضحك ياسر المبالغ فيه : اسف
متعب قعد وهو يحوس فالجوال : لا عادي
ياسر راح وقعد جنبه : افاا تعوبي .. زعلت .. عادي حنى اخوان مليون موقف يجمعنا
متعب بضيق : مراح تفهمني .. انا لو عندي ام ولا اخت ولا حتى خاله ما كان حالي مثل ماشفتني .. غلا بعد خواتك وامك .. اول بنت اعرفها .. يمكن اول بنت احبها
ياسر ببتسامه ساحره : حبيتها متعب
متعب : اييه والله
ياسر : طيب من امس انا قايل لك اتصل .. ليه للحين ما اتصلت
متعب : ماعرف شقول من امس احاول ارتب كلام واليوم .. ولا ليش اعيد السالفه شفت كل شي
ياسر : ههههه يلا اتصل الحين وانا بساعدك
متعب التفت له : والله !!
ياسر كرر الابتسامه : اكيد
متعب اظربه على كتفه : درينا انه ابتسامتك حلوه
ياسر ضحك : ههههههه
واتصل متعب على غلا ..
.................................................. .........

بيت جود
كانت ف الصاله وتشوف فلم .. وحاطه فونها قدامها كانت نص بالها مع الفلم ونص بالها على الفون فبالها يمكن يتصل .. يطرش مسج اي شي .. بالنسبه لجود هالدفشه .. هالانسان الي اتصل لها بالفعل شدها رغم انه ماتعرفه .. مجرد شخص اتصل وصار يشكي .. واحتمال كبير .. انه اتصل للانسانه الغلط وايد اساله في بالها مب مفهومه .. وكانت تنطر منه اي شي .. وبالفعل رن تلفونها وبسرعه شالته
جود : امبيييه نفس الرقم .. بسم الله عمره طويل وطاارت غرفتها ..
وردت بتعب يبين انها راكضه : الو
سعود حس من صوتها : ليكون اتصلت وقت غلط !
جود بسرعه : لالالا
سعود : طيب شحالج
جود : زينه
سعود : ان شالله دوم
جود : امممم
سعود بدى يتكلم : من قبل كم اسبوع .. رحت للمجمع .. وانا طالع صدمت فبنت .. نثرت لها اغراضها .. ولحسن حظي كانت البنت نفسها هي الي خلتني كل يوم اروح استار باكس واقعد على نفس الطاوله انطرها بس تمر .. المهم .. لما دعمت فيها صرت الم اغراضها واساعدها لكن انا استغفلتها واتصلت على جوالي من جوالها وعطيتها اياه .. ومن فرحتي رحت لاخوي وربعي سلين .. كم يوم ولما ردينا بالطريق ( تغيرصوته ) صار الحادث ومات الغالي الله يرحمه .. اممم هالبنت صار لي وياها موقف .. بيوم ضحكت على رفيجتها لانها طاحت جدام عيني وانا قاعد في ستار بوكس وجات هالبنت وكبت العصير علي وراحت لاني ضحكت على رفيجتها بهالطريقه .. ومن ذاك اليوم وهي فبالي وبس

جود انصدمت ( اوبيه هذا نفسه الي كبيت عليه عصير .. صارت تسترجع هذا اليوم .. كانوا 3 .. اثنين شكلهم توم بس واحد احلى من الثاني ليكون هذا الي مااات .. بعدين هذا ليه يدورني .. ليكون بينتقم مني !! قطع عليها التفكير سعود )

سعود : انتي غير عن كل البنات .. بعترف لج انا عرفت وايد بنات بس انتي كنتي غير .. انشديت لج بشكل غريب .. والله انه يوميا اروح ستار بوكس واقعد على نفس الكرسي .. وعندج محمد ساليه .. ( وكانه انتبه وتغيرت نبرته )اووه لا تسالينه لاتع ما راح يرد عليج لانه راح .. ياني اشتقت لـــــــــه والله اني اشتقت له اسبوع ونص من توفى وانا ما اطلع من البيت .. مسجد ، دوام ، البيت وبس ... وسكت

جود صارت تقلب الموضوع في مخها ماتدري ليه تصدقه .. مصدقه انه منشد لها .. مصدقه انه يروح ستار باكس ينطرها .. مصدقه كل كلامه ماتدري ليه ..

سعود : ليه ساكته
جود : ماعرف شقول !!
سعود ببتسامه اختفت من حياته بالايام الاخيره : انا اسمي سعود .. عمري 22 .. اشتغل ف الداخليه
ومستعد اجاوب ع اي سوال تبينه
جود : عندك خوات .
سعود ابتسم لانه مشت وياه : ايه عندي 2 من ابوي .. وحده اختي من امي وابو .. وكان عندي اخوين .. صارو واحد
جود : الله يخليكم
سعود : ...
جود :..
اسكتوا اثنينهم كم دقيقه
بعدها سعود تكلم : تكفين يا بنت الناس تراني محتاجج فوق ماتتصورين
جود : شمعني انا
سعود : لا تساليني لان انا بعد مدري ليه !!
جود : طيب انا بسكر .. مع السلامه
سعود استغرب : سلام
.................................................. ................

موضوع: رد: روايــة بقـآيـا يتيم 1/10/2011, 17:55

بــأرت 19

بيت ابو يــاسر .. تحديدا غرفة ملاااك
الي بعد ما سكرت التلفون احذفته على الطوفه .. وصارت ترتجف بقوه

ملاك : امبييه .. عرف اسمي واسم ابوي ياويلي شسوي .. يهددني يبي 500 الف!!!!!!!!!!من وين اجيب له .. هذول ليه طلعوا الحين .. ويدل بيتنا بعد !!.. يااااااااااربي .. وش اسوي بحالي .. كله منه اي كله من متعب .. لازم السالفه تلبسه هو لازم .. لكن هو انظرب كيف !؟ .. وعلاقته مع اخوي ياسر كبيره .. كيف ابعدهم عني كيف . ؟ اقول لمن اقول لمن !!!
وصارت تمشي فالغرفه رايحه جايه متوهقه حدها ..

شالي صار !!

جاها اتصال من الي اتفقت معاهم .. يضربون متعب .. وطبعا فاكرين .. لمـأ انشل بسبتها .. وبالعلاج بالمانيا ردت له صحته .. صادوها والحين بيون فلوسهم .. وهددوها .. واثبتوا لها انه يعرفون عنها كل شي
..........................

نرد لمتعب الي كان مع يسـآر
متعب : الو .. السلام عليكم
غلا : وعليكم السلام .. هلا متعب
متعب : اهلـين شحــالج !
غلا استغربت هدوء متعب : طيبه !! وانت !!
متعب : انشـاء الله دوم .. انا بخير الله يسلمج

وصــار ياسر ينغز متعب انه تكلم يلا

غلا : ويــأك .. متعب شفيك !!
ياســر يساسر متعب : يلااا اعترف لها واطلب يدها
متعب خذ نفس : غلاا
غلا : لبيــه
متعب : لبيتي بمنى . اممممم
غلا : شفيك متعب !؟
متعب : بعطيج السالفه من الاخــر .. غلا والله اني حبيتج والله من قلبي .. انـا نـاوي اجي اتقدم لج .. بس ابي اسمع رايج اول .. بتقبلين فيني يــاغلا وانتي تعرفين من انا وكيف عايش !؟

غلا انصدمت وفنفس الوقت كانت سعيد : .....
ياسر عطا متعب كوع : يالغبي قول لها خذي وقتج بالتفكير
غلا سمعت يـاسر وضحكت : ...
متعب بسرعه : غلا
غلا : لبيه
متعب : خذي وقتج في التفكيـــر
غلا : طيب انا لازم اسكــر
متعب استغرب : اوكي .. الله يحفظج
وسكرت .. بدون ماترد

متعب على طول تحطم : تهقى !! مراح ترضى فيني !!
يـاسر: يحصل لها واحد مثلك .. مزيون ومعاشه مايمسكه اتوقع صك المليون كااااك .. وعايش بخوش مزرعه .. ان شـالله بتوافق

متعب : ان شـاء الله

مـاكمل الجمله لا مسج من غلا
( ما احتاج وقت افكر يا متعب .. انت خوش ولد والف بنت تتمناك .. وانا موافقه عليك .. اصلا كنت اتظر هاليوم من فتره .. وانا ابادلك الشعور )

قرى متعب المسج بنفسـه عقب قال : شنو يعني ابادلك الشعور
يـاسر قعد يفكر : امممم يعني نفس الشعور الي تحسه صوبه .. انا بعد احسه صوبك
متعب : امممم يعني لو انا احبك .. انت تبادلني الشعور وتحبني !!
يـاسر : بالضبط
فجاه صرخ متعب : يعني غلااااااااااااااااااا تححححححححححححححبني
ياسر مافهم : شسالفه
قام متعب وحذف الجوال على ياسر وطلع
خذ يـاسر الفون وقرى المسج : ههههههه ملعونة الصير ماصدقت على الله على طول قالت موافقه .. اثراها تحبه بعد

ثواااني الا يسمع تقطيع سيـــاره وهرانه .. قــام وركض طلع برا .. متعب من ونـاسته مسكين استخف
ركب ويـاه السيـاره وطلعوا يحتفلون .. بـان متعب بيتزوج قريب ان شـاء الله

.................................................. ......

في بيت ابو علــي
والكل مجتمع على الغدى

رن جــوال سعود وكــان عبدالله الي يتصل .. وهذا الاتصـال للمره المليون
< مسكين عبدالله من توفى محمد وهو يتصل على سعود .. وسعود مايرد عليه .. مايبي يشوفه لانه اكثر واحد يذكره بمحمد .. وهو عارف عبدالله بيقعد يذكره بكل شي كان ويا محمد هو يبي ينسى او بالاحرى يتناسى وعبدالله مراح ينسى

ابو علي : ليه ماترد على تلفونك
سعود : هذا عبدالله ما ابي ارد عليه
علي : اييييييييه مسكين يتصل كل يوم يسالني عنك وانا كل يوم ارقع لك حرام عليك رد ع الرجال
ابو علي : الي خبري فيه انه اعز ربعكم انت ومحمد الله يرحمه
ام علي : ايه هذا عبدالله ماعندكم غيره .. كل سوالفكم هو وياكم وشجاك عليه
سـاره : هو عبدالله الـ ...
سعود استغرب : اي !!
ساره : ايواا ترى جا البيت كم مره يبيك .. بس تكون نايم ولا ف الدوام
ابو علي مستغرب تصرفات ولده : متهاوشين
رد سعود بسرعه : لاااااا
علي : علي ليه ساحب ع الرجال ؟
سعود تنهد : مقدر يذكرني بمحمد وااايد وااايد
ام علي تنهدت : ...
ابو علي : وهو شذنبه .. اخوك هذا يومه .. وكلنا بنموت
سعود يقطع كلام ابوه : اوكي اوكي بتصل له بعد الغدى
ابو علي : الله يهديك

.................................................. ...............

يــو جديد

ريــم وجود متجمعين عند ندى في البيت .. يغيرون جو
ندى : ياربي من زمان عن هالجمعات
جود : اي والله وحشتنا
ريم : شنسوي الظروف عفستنا شوي
ندى : يلا نبدى تحقيق وحده وحده من يبدى
جود بسرعه : انـــــــــــا
ريم وندى ضحكوا
ريم : اوووه قولي قولي وشعندج
جود : امممم
ندى : ايه ايه نسمع
جود : كح بقول بس لا تقاطعوني
ريم : نسمعج
ندى : كلنا اذان صاغيه
جود : ندوي تذكرين لما طحتي ف الستي عند ستار بوكس .. وضحك عليج واحد وانا عصبت ورحت كبيت عليه العصير
ندى : اييه !!!!
جود : قبل كم اسبوع صدمة فواحد وطيح لي جوال وشنطتي وما اهتميت له .. لكن قبل كم يوم اتصل لي واحد وبدون مقدمات صار يشكي ويبكي .. كان اخوه متوفي وقعد يتكلم عن الحادث وجي
ريم : انزين !!
ندى بدون شعور : اييه عليه
جود : المهم طلع هو نفسه الي كبيت عليه العصير والي صدمت فيه
ندى فتحت عينها ع الاخر وصرخت : حللللللفي
جود : والله هالي قاله لي .. والي مات كان الي يشابهه .. توأم
ندى انكسر خاطرها : ححللفي
ريم : الله يرحمه
جود : امييين بس .. ماتصدقون شقد اصدقه كل شي قاله لي صدقته
ريم : ليه شقال لج !!
جود انها استحت : قال انه من كبيت العصير عليه وهو كل يوم يقعد في ستار بوكس يمكن اني اتواجد
ريم : انتي مصدقه ؟
جود : اي
ندى : شكله لعاب جودوه
جود : لالالا صدقوني لا
ريم : مانقولج شي بس حاسبي
جود : لا تخافون
ريم : طيب انا بقول لكم شي
ندى : ايوا صارت القعده اعترافات مب تحقيق
جود: هههه جايج الدور

ريم صـارت تقول لهم خخططها وكلامها مع فهد وكل شي صار وياها
ندى انصدمت من تفكير ريم .. وجود بعد .. كانه الي تتكلم مب ريم الي يعرفونها وحده ثانيه .. صارت باقي القعده نصايح لريم .. بس ريم راكبه راسها تتطلق يعني تتطلق

..........................................

بعد مرور الايام .. وبكــرا عرس ريم ويـاسر الي ماشافها الا بيوم خطوبتها .. وفكرت انه يزورها فالشهر مره تكنسلت .. ماعطته فرصه .. فهو مجهز لها مفاجاءه ولا اروع

ياسر مع متعب يشطبون على امور العرس ..
متعب ظرب ياسر : يالنذل بتعرس قبلي ..
ياسر : كح الله يبارك فيك
متعب فجاه صرخ : لااا ياسر يعني بنطرك لين تجي عشان اخطب غلا
ياسر : اكيد
متعب : اووف انت بتسافر شهر العسل بنفس اليوم صح .!
ياسر : اييه
متعب : لحـوووول ومتى بترد
ياسر : يمكن اسبوعين او اكثر .. بنروح 3 دول
متعب شوي وبيصيح : لا تقول .. يعني لا مره ولا رفيج وش اسوي لحالي اسبوعين
ياسر عطاه نظره : ودك اخذك وياي مثلا !
متعب : لاا ههههه نملج وتسافر انت
ياسر : امش لا اقلب عليك هالجاري
متعب : اوف اوف
................................

عند ريم الي كانت فكرت انه عرسها بكرا تزعجها .. كانت مندمجه مع فلم تشوفه في غرفتها
دخل عليها ابوها وهو شـايل فستانها .. اول ماشافت ابوها ركضت وشلت عنه وحطته ع السرير

ابو ريم : ريم
ريم : هلا يبه
ابو ريم : بكرا عرسج يابنتي .. وياسر ريلج ولازم تحبينه . تراني ادري انج قايله له لايجيج ولا يزورج .. وساكت .. لكن بتثبت لج الايام انه احسنت لج الاختيار .. وانا ما ادري لين متى بكون عايش .. ودي اشوف عيالج قبل لا تغمض عيوني للابد
ريم بسرعه: بعد عمرن طويل يبه
قرب منها وباس راسها : الله يوفقج يابنتي

وطلع .. استغربت .. ابوها طول عمره رجال له هيبته ماتقدر تحط عينها بعينه والحين يبوسها !!

التفت على السرير وشافت فستانها .. كان كل شي ذوق امها وربعها ماقصروا معاها .. كانت تجهز بدون نفس .. تخيلت نفسها لابسه هالفستان وفهد هو المعرس .. شعور حلو تتزوجين واحد تحبينه .. بس هي بتاخذ واحد ماتعرفه .. كل الي تعرفه عنه انه خذاها من انسـان عشقت حروف اسمه

.................................................. ........

عند سعود وجود ... كان سعود يتصل لجود كل سبت واثنين .. الساعه 8 فالليل .. كانت جود كل سبت واثنين نفس هالوقت تقعد تنطر سعود يتصل .. ودها تساله ليه هالايام بس يتصل ونفس الوقت مع العلم علاقتهم وايد وايد حلوه مع بعض .. بس كانت تخاف يفهمها غلط بس قالت اليوم راح اساله ,, كانت الساعه 7 الا خمس .. دخلت غرفتها وسكرتها .. وقعدت تنطره يتصل
ماصارت الساعه 8 الا هو يتصل
جود : الو
سعود : مرحبــا
جود : مرحبتين
سعود : شحالج شخببارج يالدبه
جود : طيبه طاب حالك
سعود : هاه وين رحتي وين جيتي
جود : ابد جامعه البيت بيت الجامعه
سعود : احسن البنت مكانها بيتها
جود : لا والله احلف
سعود : هل عندج اعتراض !!
جود : لا
سعود : عبالي بعد
جود : قبل لا انسى . بكرا عرس رفيجتي
سعود : بالمبارك .. الله يهنيها عقبالنا
جود : امممممممم سعود
سعود : عيوني
جود : تسلم عيونك .. سعود ليه دوم تتصل يومين ف الاسبوع ونفس الوقت
سعود توقع بتسال يوم من الايام هالسوال : اممممم عودتج على هالايام والوقت عشان تدبرين عمرج .. ما ابي اتصل وقت غلط ولا احرجج مع هلج وجي
جود : اممم اهاا
سعود : ليه .. !
جود : لا بس اسال
وكملو سوالف .. وبعدها سكروا من بعض ..
........................

موضوع: رد: روايــة بقـآيـا يتيم 1/10/2011, 17:56

بارت 20

يوم عرس .. ريم ويــأسر

الصبح عند ياسر الي نايم عند متعب عشان يقومون من صبح يروح الحلاق ويجيب ثيابه وباقي الاشياء
رن المنبه .. قام متعب عليه .. وسكره وراح لياسر .. قرب منه

متعب : يالمعرس يالله قوم ورانا مشاوير
ياسر : هو اصلا انا نمت عشان اقعد
متعب : احلف .. شلي مسهرك !!
ياسر : تصدق اني خايف او متوتر امم تقريبا مب عارف اشرح شعوري
متعب : اعوذ بالله .. عادي عادي طبيعي وانت معرس قم خالنروح يالله
ياسر : يالله قايم
بدو الجوله .. خذو الثياب .. الحلاق .. تاكدو من كل شي .. مرو البيت يمكن ام ياسر ابو ياسر محتاجين شي .. صلو المغرب قريب العزبه نزلو وبدلو وكشخو وطارو العرس
...................................

عند ريم .. الي من صحت راحت مع امها و خالتها .. وحجزو ربعها وياها ندى وجود وبوصول الكوافيره والي بتمكيجهم .. بدى الشغل في أم ريم عشان يمديها تنزل وتستقبل المعازيم وبعدها البنــات جود وندى

وعلى السـاعه 7 طلعت ام ريم للقاعه مع خواتها وعمات ريم .. القاعه الي كان كل شي فيهــا ابيض في ابيض والي يكسر هالون الورد الاحمر ع الكوشه والطاولات .. والاضاءه كان شي خيــال وروعه .. بدو المعازيم بالحضور وبدت ريم تجهز .. ع الساعه 10 استعداد دخول العروس .. انخفضت اضاءة الصاله وشموع تضيء الطاولات .. وفلاش على مكان الي بتطلع منه ريم

( ريم كــانت خايفه . وهو شعور اي عروس بتدخل على قاعه وكل الانظار بتكون صوبها بس وجود جود وندى معاها شجعها شوي .. وبدت الزفه ودخلت عليهــا .. كانت ريم ايه ف الجمال (( يعني ياحظ ياسر ف ريم , وراحت عليك ريم يا فهد )) واخيرا وصلت ع الكوشه وقعدت وبدو المعازيم واهلها يتجهون للكوشه ويسلمون على ريم ..

بعد ساعه .. الهرانات والسيارات قد وصلت .. داخل الصاله تسرب خبر وصول المعرس لين وصل العروس .. الي بدت تخاف وترتجف غطوها .. دخلو الرجال .. فالمقدمه ( ياسر وابوه وابو ريم ومتعب وبـاقي العيـال ورا يمشون بسيوفهم فالخلف )
طبعا البنات مــاتو على يــاسر والعيال الي معاه .. ارزفو ومن عقبها سلموا على ياسر وطلعوا .. بقى ابو ريم وخالها واخونها الصغار .. شالو الغطا الي كان على ريم .. ناظر لها ياسر بطرف عين بس كان بيغمى عليه

ياسر بقلبه ( يالله يالله شهالملاك الي قاعد جنبي .. يارب صبرني )

ابو ريم سلم عليها .. وطلعوا .. وبقت ريم ويــاسر على الكوشه .. اتجه صوبها ياسر وباس راسها
حس برتجاف ريم لمن باسها .. وفباله يقول ( يحليلها تستحي )

ياسر : مبروك عليج انا
ريم : .....
ياسر سكت وهو متاكد انها مستحيه وبس

اما ريم فهي صج مستحيه بس بالنفس الوقت كارهته ودها تقوم وتكسر المسكه على راسه ..

بعد نص ساعه تقريبـا .. جات ام ياسر تقول له انه يلا راح تمشون .. اهو استانس واخيرا بنروح .. امـا ريم فجأه حست نفسها بتصيح وبطنها يعورها .. جات لها امها

ريم : يممه تكفين مابي اروح وياه
ام ريم : وشلون ماتروحين وياه هاي ريلج الحين
ريم : ابوس يدج يمه

لكن ام ريم ماسمعتها لان ام ياسر نادتها وصوت الاغاني منعها .. وقف ياسر ومسك يدها على شان تقوم هي بعد .. قامت وياه وسحبت يدها من يده على اساس تعدل الفستان ومسكت الطرحه باليديين .. ياسر كان مستانس على خجلها ..

ياسر (( هالبنت بتذبحني بخجلها )) .. طلعوا من القاعه الي كانت في الفندق الي راح يقعدون فيه كم ساعه بس لان طيارتهم اليوم فليل ..
حاليـا ياسر وريم بروحهم ..
......................

الســاعه 2 بعد منتصف الليل

هالوقت اغلب الي يحبون يكون سهرانين مع بعض .. مثل متعب وغلا
متعب : الخاين عرس
غلا : ههههههه
متعب : اوف الحين بنطره لين يرد من شهر العسل حقه .. وعقبها اجي اخطبج
غلا استحت : ...
متعب : ويقولج يمكن يتم هناك اسبوعين ولا الشيخ يمكن يمدد
غلا : طيب خل يستانس شهر عسل ذي
متعب يمثل العصبيه : وانــا
غلا : انت شفيك !
متعب : ابيــج
غلا بخجل : كل تاخيره فيها خيره
متعب : غلوي وشسويتي فيني
غلا : شسويت !!!
متعب :سرقتيني مني
غلا : ههههه
متعب : تسلم لي هالضحكه .. متى بتنامين !!
غلا : لمن تسكر انت
متعب : اممم طرده
غلا : لا والله .. مب قصدي
متعب : طيب خلاص نامي الحين واكلمج بكرا
غلا : اوكي
متعب : احبج
غلا بخجل : وانا بعد ..
متعب : لا تقولين انا بعد وتسكتين ... قولي وانا بعد احبك
غلا بخجل اكبر : وانا بعد احبك !
متعب : عفيه .. يلا تصبحين على خير
غلا : وانت من هله .. وتسكر التلفون
.........................

عند جود بنفس الوقت .. ارسلت لسعود مسج انها تبي تكلمه .. وسعود ما صدق خبر واتصل لها على طول

سعود : الو
جود : مرحبا
سعود : مرحبتين .. شحالج
جود : هلكانه عقب العرس
سعود : يعطيج العافيه .. شلون كان العرس
جود : اممممم حلو وراقي وعجيب
سعود : وانتي !!
جود بغرور: انا من كثر ماني كاشخه .. يمكن 3 حريم كبار .. سالوني .. كم عمرج ؟ من بنته ؟ متزوجه؟
سعود استغرب : وليش يسالونج هالاسئله !!
جود : واضحه سعود !! عشان يخطبوني بعد شنو

سكت سعود .. ( هو للحين مايدري اذا يحبها ولا بس يبيها ولا انه تعود عليها وبس .. لكن لما جابت طاري الخطبه .. تحرك فيه شي حس بشعور غرريب ماعرف يفسره )

جود : الو سعود
سعود : هلا
جود : وين رحت !!
سعود : هني وياج
جود : امممم طيب انا بسكر الحين
سعود : بتنامين
جود : اي تعبانه
سعود : اوكي .. نوم العوافي
جود : الله يعافيك يلا باي
.....................................

عند ملاك .. الي كان الموضوع شاغلها مب عارفه شتسوي .. من وين تجيب الفلوس ماعندها .. ومن بيعطيها .. واكيد بيسالون ليش .. انا لازم لازم اوهق متعب بالسالفه .. كفايه الي سمعته هذاك اليوم
( كانت سامعه ياسر يقول حق امه وابوه انه لما يرد بيخطبون حق متعب ) تبي تلبس متعب السالفه بس مب عارفه كيف .. والرجال ممهلينها شهرين .. والحين مر شهر و20 يوم
.......................................

عند ريم ويـاسر

ريم الي خذت ساعتين وزياده وهي تتسبح وتشل الفستان والمكياج والتسريحه .. ياسر زهق وهو ينطرها .. ونام من غير مايحس
ريم يوم جات بتطلع من الحمام .. ترددت تطلع ولا ما تطلع

ريم : اففف لازم اطلع يعني لين متى بتم ف الحمام
وطلعت ولقت المكان هدووء .. وعلى طول لمحت ياسر نايم على السرير بثيابه
ريم : الحمدالله نايم هالعله

وراحت بشويش وطلبت من الفندق فراش وكفر .. وقعدت نتطر عند الباب عشان مايطقه ويفضحها .. بعد ثواني جاب لها .. وفرشته على الكرسي ونـأمت .. ما احسبت حساب انه ياسر لين قام وشبيقول !!

اليوم الثاني الصبح ..

قام ياسر من النوم شاف مكان ريم فاضي .. ضحك .. مسكين ظن انها قامت قبله مستحيه يقوم قبلها .. حياها عاجب ياسر قام على حيله .. يبغى يروح الحمام يغسل وجهه .. وجان يشوف ريم نايمه !!! نايمه على الكرسي !! .. استغرب لهدرجه تستحي ..بس انا زوجها !! .. بدى يفكر بطريقه ثانيه .. يوم الخطوبه !! وفترة الخطوبه كلها ماقعدت وياه ولا شافته الا مرات تنعد ع الاصابع !! وامس نام لانها طولت !! والحين يشوفها نايمه على الكرسي !! الموضوع خجل .. صار زايد عن اللزوم ولا في شي ثاني ؟؟

ياسر يقعدها : ريم ريم
ريم : ..........
ياسر هزها ع الخفيف : ريمم قومي ليه نايمه على الكرسي
ريم قامت انصدمت ف ياسر : هــأااااا
ياسر : شفيج نايمه على الكرسي !!
ريم قامت على حيلها متوهقه : ...
ياسر شك : في شي ريم !!
ريم : .....
ياسر : كل هذا خجل يا ريم ولا في شي قولي لي !!
ريم فجأه صارت تصيح وتصارخ : اي ايييي اييي في شي
ياسر انصدم وماقدر يقول شي : ......
ريم تكمل : في اني مغصوبه عليك .. في انك خربت علي حياتي .. في انه هلي زوجوني بالغصب واحد ماعرفه ولا اعرف عنه شي .. ( وبقسوه ).. ما ابيك ما احبك ..
ياسر منصدم على الاخر : !!!!!!!!!!!!

ماقدر يقول ولا كلمه طلع من الغرفه بهدوء وسكر الباب بالقو

ريم حست بالندم انها تكلمت خصوصا وانه ياسر ماجافت منه شي يزعجها .. بس هي في بالها انها هو الي خذاها من فهد هو الي خرب كل شي ...
اما عند ياسر .. تحطم !! انصدم !! حزن !! تضايق !! عصب !! كل شي مب عارف شنو شعوره .. ولا شيسوي ؟ يقول لمن؟ يقول لمتعب ؟ لا وين هالشي ماينقال .. الحين شسوي ؟ الطياره بعد كم ساعه . اذا ما سافرنا شقول ..شسوي البنت مغصوبه .. شلون بتعامل معاها شبسوي !!.. تقدر تحبني بعدين؟ .. ولا هني ناويه اني اطلقها ولا شنو !! .. طلعت الاآآآآآآآآآه من قلبه .. كان مخطط حق شي ثاني انصدم واخترب كل شي .. !!
..........................

مكان مجهول ف الدوحه ..

...الاول : طال عمرك للحين ما ردت باقي على مهلتها 10 ايام
...الثاني : اسمعني بعد 10 ايام بالضبط ماجابت الفلوس تجيبونها لي
... الاول : شلون نجيبها
...الثاني : تسحبونها .. وتجرونها من شعرها .. مب شغلي تجيبونها
... الاول : حاضر حاضر
......................

رجع ياسر الفندق فتح الباب لقى الغرفه هدوء .. خذ نفس ودخل داخل لقى ريم قاعده على الكرسي وراسها بين ريولها ..
ياسر : احمم
ريم رفعت راسها وبسرعه : ياســر انــآآآ
ياسر قاطعها : عندج عشر دقايق رايحين المطار
ريم : بــس !!!
ياسر بصراخ : اسمعيني يابنت الناس .. انا مب غاصبج تعيشين وياي ولا تحبني ولا اي شي .. بس ما اقدر الحين اردج بيت هلج .. شنو بيقولون عنج الناس .. ولا اقدر اكنسل السفره .. ماعندي اسباب ومخسر عليها وايد .. كلها شهرين على الاقل .. وننفصل .. والحين يلا لمي اغراضج

ريم سكتت .. ماعرفت شتقول وصارت تلم اغراضها
......................

تحت في كوفي الفندق ..

يررن تلفون متعب

متعب : الو
ياسر : وينك فيه وصلت !!
متعب : اي انا تحت اتقهوى انطرك
ياسر : افففف جان قلت انك وصلت
متعب بخبث : مابي اخرب عليك جوك توك معرس
ياسر بقلبه .. ( اي جو بلاك ماتدري ) : عفيه عليك
متعب : حاظرين
ياسر : يلا نازلين
متعب : اوكي عيل بروح اقرب السياره
ياسر : اوكي
........................................

نزل ياسر مع ريم الي ماتكلمت طول هالفتره .. بس تمشي ورا ياسر .. ركبوا بالسياره مع متعب يوديهم المطار .. كانو مخططين يمرون على اهله واهلها .. بس ريم عقب اعترافها خربت كل شي .. طول الطريق ياسر مع متعب سوالف ومندمجين .. وهي ساكته تسمعهم .. وتفكر شلون بيكون وضعهم وهم مسافرين .. تخاف يسوي لها شي وهي بعيد عن اهلها .. اصلا هي ماتدري وين بتروح .. الله يستر !!
.........................................

عند سعود الي للحين ساحب على عبدالله . وعبدالله الي زهق من كثر مايحاول يكلمه .. وصار له اسبوع مايتصل ولا يحاول يوصل لسعود لانه زهق من سعود .. اليوم قرر انه يكلمه لما فقد اتصالاته

وبالفعل اتصل له .. وبعد الرنه الثالثه رد عبدالله

عبدالله : الوو
سعود : هلا عبدالله
عبدالله بهدوء : اهلين
سعود : شحالك !
عبدالله : طيب
سعود : ان شاء الله دوم
عبدالله : وياك
سعود سكت حس انه مايعرف شيقول : ...
وعبدالله ينطر سعود يتكلم .. من توفى محمد وهو مايدري عنه : ...
سعود : عبدالله انــآآ ...
عبدالله : انت شنو !!
سعود متوهق : انــا

عبدالله : ادري الوقت الي مر كان صعب وخصوصا انه الي توفى اخوك .. بس يا سعود انا مالي ذنب .. ومثل ماهو اخوك اخوي ورفيجي ولا نسيت انا من متى رفيجكم .. طول الايام الي راحت اغلبها قاعد ف البيت .. حتى الشباب الي اعرفهم لما اقعد وياهم ما اطول ماتعودت .. مب تفكيري .. انتو الاثنين كنتو مب بس ربعي كنتوا مثل اخواني .. راح واحد الله يرحمه .. وانت سحبت علي !! .. ما استاهل يا سعود الي سويته لي ما استاهل

سعود بضيق : ادري والله ادري .. بس انت تذكرني فيه وايد وايد ..كل ما راح اشوفك بيطري علي وبتضايق .. وغير كذا احنى بدونه مب حلوين

عبدالله : شقصدك !!
سعود : مب قصدي شي صدقني لو شيصير ما استغنى عنك .. بس كانت فتره وعدت ان شاء الله وماتتوقع شكثر مشتاق لجمعاتنا وطلعتنا وسوالفك
عبدالله : وانا بعد والله اشتقت لكل شي نسويه .. ابي اسولف لك عن اشياء وايد صارت لي
سعود ضحك تذكر جود : ههههه وانا بعد عندي شي اقوله
عبدالله : قوم عيل مر علي
سعود : تهقى !!
عبدالله : ونص .. والله واحشني
سعود : طيب يلا جايك .. هرن واحد وو
عبدالله قاطعه : ادري ادري هرن واحد واذا ماطلعت بسرعه .. بتنزل تسحبني من ثيابي وتركبني السياره
سعود ضحك : هههه حافظ
عبدالله : اكيد .. اقلب ويهك خل ابدل
سعود احتر : معليه معليه وسكر
...............................................

بيت عبدالله .. الي كان يتعطر .. دخلت عليه امه
ام عبدالله : اوه اوه شعنده ولدي كاشخ وين رايح
عبدالله مستانس : مواعد يمه وحده حححلوه مووت
ام عبدالله ظربته على كتفه : مواعد منو يالهيس
عبدالله يتالم من الظربه : أأأي يممه .. لا تخافين .. بطلع مع سعود
ام عبدالله تفاجات : صدق والله مع سعود !!
عبدالله : اي يمه رضى علينا ابو راس واخيرا
ام عبدالله استانست : الله لا يغير عليكم
عبدالله : آآمين
.......................................

نفس الوقت عن سعود الي طلع كاشخ من الغرفه ولقى ساره ف الصاله منسدحه
ساره تشم ريحة عطره : اممم شهالروايح وشهالكشخه على وين الشيخ
سعود : طالع
ساره : ادري طالع بس وين !!
سعود : ليكون مرتي ولا امي .. انتي شكو !!
ساره تتمسكن : طلعني سعود لاعت جبدي والله ابي اشم هوا
سعود : نننننننعم ماعندنا بنات يطلعون مع اخوانهم
ساره : يــه
سعود مايبي يطول وياها : يلا سلام ..
ساره تحلقه : تعـــاآآآآل .. < بس سعود طلع ولا عبرها ولا جنه يسمع

موضوع: رد: روايــة بقـآيـا يتيم 1/10/2011, 17:56

بارت 21

في ايطاليا .. تحديدا في روما ( الظهر )

وصلو ريم وياسرالفندق بعد رحله طويله وهاديه لان طول الوقت كانوا ساكتين ولا يتكلمون .. وصلوا الفندق وطبعا ياسر غير الحجز الي كان حاجزه قبل العرس .. الى جناح فيه غرفتين بدل غرفه وحده .. له وحده ولريم وحده .. اول مادخلو الجناح ..

ياسر يكلمها : هذيك غرفتج وذي غرفتي
ريم : اوكي

طبعا ياسر خذ الغرفه الاكبر وفيها شباك كبيره تطل على منظر عجيب .. والحمام الي فيه جكوزي .. وفي الغرفه مثل ركن اذا وده يسوي له كوفي او شاي .. والتلفزيون والمسجل والفيديو وكل شي متوفر في غرفة ياسر .. اما ريم فكان غرفه متوسطه عاديه مافيها اي من وسائل الترفيه .. واذا تبي التلفزيون تطلع ف الصاله بتلقى كل شي متوفر

ريم ماشافت غرفة ياسر .. على طول راحت غرفتها وحذفت نفسها على السرير ونامت بثيابها .. افكار ريم في الطياره كانت حول شلون بيكون الوضع وياه وخصوصا عقب الي قالته وشلون بيطلعون .. وهل بيخليها تلبس العبايه ولالا .. ريم افكار توديها وافكار تجيبها ماتدري شنو ينطرها ..

اما ياسر .. مستانس ع الغرفه .. واول ما وصلت الشناط .. قرر انه يركلس ( رلاكس ) ف الجاكوزي .. ويفكر كيف بيتعامل مع ريم .. الي فنظره صارت ياهل .. هو في البدايه ما كان ينظر للعمر .. بس الحين .. ياهل وياهل .. وقرر انه يأدبها قبل لا يرد الدوحه .. وغمض عيونه وقعد يفكر بطريقه
..................................

بعد مرور 3 ساعات
قامت ريم من النوم وخذت لها شور .. ترددت تطلع من الغرفه ولا لا .. قامت وفتحت الباب شوي .. طلت من الباب شافت الوضع هدوء وغرفة ياسر مسكره شكله نايم .. قامت وطلعت وخذت لفه في الجناح كان وايد حلو .. حست بالجوع رحت للثلاجه مالقت شي ينأكل عدل .. شربت عصير برتقال .. اما الباقي مايشجع اكله .. وراحت قعدت في الصاله تفرفر ف التلفزيون .. مع مرور الوقت غيرة قعدتها وانسدحت .. ماحست بالوقت لانها لقت لها قناه فيها فلم اجنبي .. ولا حست بياسر الي طلع من الغرفه الين راح وفتح الثلاجه .. على طول عدلت قعدتها وشعرها .. انتبه لها ياسر .. وحس انها متوهقه ..خذ له عصير ودخل غرفته وخذ له جاكيت وطلع ولا عبرها ...

ريم : !!!! شوفو هذا طلع وخلاني بروحي !! انزين انا يوعانه !! شسوي هني بروحي .. لححول عمري ماجفت واحد سخيف وبليد وحمممار مثله .. ورجعت تطالع التلفزيون لين نامت
...........................

لما صـار بالليل في روما

كانت ريم للحين في مكانها نايمه .. وتلفزيون يصرخ بروحه والاضاءه مفتوحه .. دخل ياسر وبيده كيس .. جا بيروح المطبخ .. انتبه على ريم الي نايمه بالصاله بهالازعاج حط الاكل بالطاوله الي جنبها .. ( كان جايب لها اكل ) وقصر على التلفزيون .. وطفى الاضاءه .. وجاب لها فراش وغطاها .. ولاول مره يناظرها من قريب .. شاف شكثر هي حلوه وناعمه حتى بنومتها .. بس تذكر كلامها بذاك اليوم .. كشر ويهه ودخل غرفته وصك الباب ..

وعلى صوت الباب صحت ريم .. استنكرت المكان .. ولما عدلت قعدتها تذكرت انها كانت تشوف التلفزيون ونامت دون ماتدري .. فجاه طلع صوت من بطنها ..

ريم : اوووف يوعانه .. ( انتبهت لتلفزيون انه مسكر ) انا ماسكرت التلفزيون !! ومن وين هالفراش والاضاءه من سكرها .. امممبيه لا يكون ياسر .. لالا شافني نايمه هني . ( وشهقت ) وغطاني بعد .. اويلي ( انتبهت على الكيس الي على الطاوله ) هذا ماكان موجود (قامت وفتحته ) الله اكل يوعانه ..

وتاخذه وتروح المطبخ وتسخنه وتاكل لين ما شبعت لمت الاغراض ونظفت المكان ..

ريم وجنه شي طرى على بالها : اممبيه ليكون الاكل مو لي .. وانا كلته !! .. مب شغلي انا يوعانه كيفه .. اامممم مافيني نوم شسوي الحين .. راحت صوب البلكونه وطلعت برا وكان فيها قعده والجو ححلو تو الشمس بتطلع .. والمنظر عجيب .. ركضت جابت كيمرتها وصارت تصور .. لين زهقت ودخلت غرفتها تاخذ شور ..
...................................

مر على ريم وياسر حول 5 ايام وهم نفس الروتين .. ياسر يطلع وريم تجلس في الفندق.. لما يرد ياسر يجب معه عشا او غدى لريم .. وساعات يجيب ايسكريم وهالسوالف عشان تحلي .. والكلامهم شي بسيط .. يعني لابغت ريم تكلم امها .. او بغت شي من السوبر ماركت او يقول لها شنهو العشا الي جابه لها .. ما قد مره سالها شنو تبي اكل .. يجيب على كيفه ولا مره طلعها كله محبوسه بهالجناح .. يا عند التلفزيون يا فغرفتها يا فالبلكونه يا تحوس بالمطبخ .. وماتقدر تقول حق ياسر شي .. تحس انها تخاف منه وبنفس الوقت تستاهل الكلام الي قالته مو شوي

....................
اليوم السادس

على نفس الروتين قام ياسر من النوم بدل وتريق وطلع .. وريم تصحى بعده وتعرف انه طلع من صوت الباب ومن الكوب الي يخليه مكانه ولا يغسله

ريم : هذا بعد اليوم طلع وخلاني اوووف .. شسووي الحين

دخلت المطبخ تسوي لها ريوق .. وافكار خطيره تطري على بالها تسويها .. هي من جات هنا ولا مره دخلت تشوف غرفة ياسر .. الي اغلب الوقت يا فيها يا طالع قررت تخلص ريوق وتدخل تستكشف .. ذبحها الملل بروحها .. قالت خل اغامر شوي .. خلصت ريوقها ونظفت المكان وراحت صوب غرفة ياسر .. عند الباب ترددت تدخل ولا لا خافت يجي ويحصلها ويعصب ..

ريم : اووه خلني اخذ لفه سريعه .. مو مطوله ..
ودخلت .. وتفاجاءت .. ريم تكلم نفسها : اوله اوله كل هاذي غرفه !!

طبعا ريم شافت السرير الكبير الي تصعدين له درجتين عشان توصلين له والقعده الي عند التلفاز .. وراحت صوب الحمام وشافته شكبر .. والجكوزي .. احترت ..

ريم : شمعنه هو هالكبر غرفه ومتوفر فيها كل شي .. وانا وعليه علي سرير وكبت وحمام .. عشان كذا مايطلع من الغرفه .. معلوم كل شي فيها شيبي يطلع ..

وراحت صوب البلكونه وانصدمت اكثر .. لانها تطل على الجهه الثانيه من المدينه وكان المنظر خييال .. ركضت بتجيب كيمرتها .. ولما جات بتروح غرفة ياسر الا تسمع صوت المفاتيح عند الباب

ريم تفاجاءت : اممبيه ياســـر
ودخلت غرفتها بسرعه وسكرت الباب
ريم خايفه: امبيه امبيه الباب مفتوح والاضاءه كلها مفتوحه شسوي !!! شبقول اكيد بيحس حد دخل غرفته ولا الستاره حق البلكونه مفتوحه يعني اشكككره .. ياربي اذا سالني بقول ادور بندول .. بس .. هو شرالي امس.. اوووف بقول ضيعته ومادري وين حطيتته .. ولا بقول انظف الغرفه .. انزين ليش انظفها !! .. اوووف ...
فجاه انطق الباب

ريم : اوبيه شسوي افففف .. بقول الصج دخلت اشوفها ..
وراحت بطلت وكان ياسر .. معطيها ظهره
ريم ( اوبيه شكله معصب ) : هلا
ياسر : جبت لج غدى
ريم ( استغربت اول مره يجيب غدى ويقول جبت .العاده يجب ويحطه ع الطاوله ويدخل غرفته ) : مشكور
جا ياسر بيروح
ياسر : ريم !!
ريم : لبيه
ياسر كلمتها هاذي حركة فيه شي قال وهو سرحان : لبى قلبج
ريم انصدمت !! : .........
ياسر وكأنه انتبه لكلمته : أأأأ اسف .. مااقصد .. ولا شي خلاص . وراح
يـآسر /
اووف انا شسويت .. كلش ما كان له داعي اروح واقول لها جبت الغدى .. من متى اقول لها انا اصلا .. بس انا ابي اعرف منو داخل غرفتي .. حالة الغرفه تقول انه احد دخلها .!!! .. اكيد هي محد غيرها .. بس اشتبي داخله غرفتي !! .. اممم بس وشصار فيني لما قالت لبيه .. ترى يمكن هي متعوده تقولها مع اهلها .. بس اول مره اسمعها تقولها !! .. حرام عليج يا ريم خربتي علي احلى اللحظات الي كنت فاكر بتكون وياج !!

ريــم / بعد ما راح ياسر ظلت 10 دقايق سرحانه
انـا كيف طلعت مني لبيه .. انا حتى امي ما اقول لها لبيه .. الوحيد الي كان يسمعها مني فهد !! بس شنو كان يبي لما ناداني .. اكيد كان يبي يسال عن غرفته الحمدالله الحمدالله هون .. لان ماعندي رد ..
.............

نروح شوي الدوحه

بيت ابو ياسر .. عند ملاك الي كانت في غرفتها تتعدل .. معزومه على حفل
انطق الباب
ملاك : ادخل
انجود : ســلام
ملاك : وعليكم
انجود : ملانه ملاك خلينا نطلع نتقهوى
ملاك بغرور : سوري حبيبتي معزومه
انجود : على وين !!
ملاك : حفله
انجود : ملوك بروح وياج حدي زهقانه
ملاك : نعم نعم نعم !! اوديج وياي .. حبيبتي الحفله كلها ناس راقين و زقرت .. وصغار وحلوات وكشخه
انجود : شقصدج
ملاك : قصدي انج بتفشليني .. كفايه انج مدرسه .. وحتى حق المدرسه تلبسين خلاجين .. سوري اختي الكبيره .. ما اقدر اخذج وياي .. روحي صلحي دفاتر طالباتج ابرك لج
انجود : مشكوره يا اختي الصغيره ( مدت على كلمة الصغيره ) وطلعت وسكرت الباب
ملاك : اووف معقده
جهزت وخلصت وطلعت

وصلت مكان الحفله .. بس الي ماكانت تدري عنه ملاك انها كانت مراقبه طول هالفتره .. طبعا عارفين من الي يراقبها .. الشباب الي طقو متعب .. للحين يطالبون بفلوسهم وهم عطوها فرصه .. بس هي خايفه شوي وبنفس الوقت ساحبه ع السالفه .. تظن انهم ما راح يقدرون يسون شي ..

كانو 2 رجال .. ينتظرون برا البيت الي دخلته ملاك ينطرونها بس تطلع .. عشان ياخذونها وياهم

الاول: خلك مصحصح لو تفلت منا المعزب يودينا ورا الشمس
الثاني : ماعليك رشتين من هذا .. وحطها بخشمها الا هي بسابع نومه
الاول : حلو الشغل .. المبلغ الي بنحصله ورا هالبنت جيد
الثاني : حاظرين
الساعه 1 ونص طلعت ملاك من البيت وفي لحظات صـارت في السياره متخدره ( مغمى عليها )
الاول : متاكد محد شافنا
الثاني : ولا مخلوق محد . وصوت الاغاني واصل برا
الاول : الحمدالله
الثاني نزل المنظره بحيث يشوف ملاك الي ورا : والله من وراك بنعيش عيشة شيوخ
الاول : هههه اي والله
الثاني : تهقى شبيسوي فيها المعزب
الاول : والله مادري بس اكيد بيعطيها درس محترم
الثاني : ايه هذا المعزب كل شي ولا فلوسه
الاول : ايه والله ينخاف منه
.............................

موضوع: رد: روايــة بقـآيـا يتيم 1/10/2011, 17:57

بارت 22
رومــا .. يوم جديد
قام ياسر من النوم وخذ له شور سريع .. وصلح له شاهي بغرفته .. وطلع على البلكونه وقعد فيها .. قرر انه يتصل في متعب لانه من جا روما ما كلمه .. الوحيده الي كلمها امه ومرتين بس .. وصار واتصل لمتعب وبعد الرنه 3 رد
ياسر : الو
متعب مستغرب من الرقم : أأيوه !!
ياسر: اوه شكلك ماعرفتني
متعب ميز الصوت : يسسسسسور يالنذل
ياسر : ههههه متعب والله لك وحشه
متعب : كذااااب
ياسر : كبرك اقص عليك !!
متعب بخبث : عوضوك بغيابي لا تقول اني وحشتك
ياسر تنهد ليتك تدري بحال يا متعب ومن ورا قلبه : حاظرين
متعب : انزين ماعلينا اخبار شهر العسل واخبار ايطاليا
ياسر : والله تمام مايحتاي
متعب : توصيني يعني اروح بشهر العسل
ياسر : هههههه ايه
متعب : زين متى بترد ابي اعررس
ياسر : بعد 10 ايام
متعب : بـاااال وايد
ياسر : شنسوي بعد
متعب : اففف الله كريم
ياسر : اخبارك ويا غلا
متعب : آآآآآآه يا يسور احبها احبها احبها
ياسر : اووه رايح فيها
متعب : واكثر ..
انطق الباب على ياسر
ياسر : زين متعب المهم اني سمعت صوتك وتطمنت عليك .. سلم ع غلا والاهل اذا شفتهم
متعب : يوصل ان شاء الله
ياسر : توصي بشي
متعب : سلامتك
وسكر .. نقز ياسر اكيد هاذي ريم اطق الباب وهي ماتجي الا لشي الضروري .. اول ما فتح الباب .. ياسر شاف ريم متسنده على الباب وفجاءه طاحت قدام عيونه .. نزل لها
ياسر يهزها : ريم ريم !! ريم شفيج
ريم : ............
ياسر يتحسسها : ريممم .. اوووف هاذي حرارتها مرتفعه
قام شـالها ودخلها غرفته وحطها على سريره . وتصل على الاستقبال تحت وقال لهم نبي دكتور او نروح مستشفى .. قالو له انه في دكتور يجي .. وراح يتصلون له يجيهم .. الحين لين يجي الدكتور هو شيسوي .. راح عندها وقرب منها سمعها تتنفس .. وحط ايده على راسها كانت حرارتها وايد مرتفعه
ياسر : اووف شاسوي .. مافي الا اسوي كمادات لها لين يوصل الدكتور
وبالفعل راح المطبخ وجاب ماي بارد وكمادات وقعد يحط لها الكمادات .. احتمال تنزل حرارتها شوي
ياسر : امس مافيها شي .. شفيها شجاها !!!
....................................
نرجع شوي ورا .. ريم بعد ما طلع ياسر من عندها .. وقعدت تفكر شلون قالت لبيه .. جاها مسج ( اس ام اس ) من ندى .. فيها صورة بطاقة عرس فهد .. اهي اول ما شافت اسم فهد انهــارت على الاخر وقعدت طول الليل تصيح .. عقبها دخلت الحمام وقعدت تحت الشور بدون ما تخلع ثيابها .. وظلت تحت الماي ساعه كامله .. بعدها طلعت لغرفتها .. عند المكيف دون ما تتنشف .. تحس انه هالتصرفات خارج عن ارادتها .. الصوره والخبر صدمها .. دخلت في الفراش .. ونامت .. الين الظهر قامت وحست نفسها مريضه على الاخر .. وراحت لياسر وصار الي صار
...............................
بعد نص ساعه من طيحة ريم وصل الدكتور .. وكشف عليها ووصف لها بعض الادويه وطلب من ياسر .. انها تاكل اكلات معينه .. وماتتحرك من السرير لين تتطيب .. وبعدها راح ياسر بسرعه وجاب الادويه خاف انه يتاخر وتقوم ريم ويصير شي .. بس لحسن حظه راح ورجع وهي للحين نايمه .. لانه راح السوبر ماركت شرا بعض الاغراض .. رتب الاغراض وراح الغرفه قعد جنبها بالسرير .. قعد يتأملها حول النص ساعه .. يتامل جمالها .. يحس من علامات وجهها انها تتالم .. بس مو عارف شيسوي .. هو كان مضبط عمره على اساس ينام على الكرسي .. بس من كثر ما كان سرحان فيها .. نام بمكانه احذاها
....................
الساعه 7 الصبح
قامت ريم ..
ريم وهي تمسك راسها : اخخ احس راسي ثقيل
افتحت عينها قعدت تتامل المكان لمدة ثانيه ...
ريم : انـا وين !! هاذي جنها غرفة ياسر انا شسوي هني !!
بعدها تذكرت الاحداث ولين طاحت عند باب غرفة ياسر .. حست وجهها صار احمر استحت .. يعني هو اكيد شالها وجابها على سريره ..
ريم : اوبيه فشله .. وهو وين نــأم !!!
جات بتقوم الا ياسر دخل من الباب وفي يده الريوق
ياسر شافها : وين وين وين .. ارجعي مكانج
ريم بخجل : لا بروح غرفتي
ياسر صرخ : قلت لج ارجعي مكانج
ريم خافت ورجعت لمكانها بالسرير .. وظلت تلعب في يدها
ياسر حس انها ماكان له داعي يصرخ .. قرب منها وحط الاكل على السرير
ياسر : اسف مب قصدي بس والله خايف عليج .. والدكتور قال لازم ماتتحركين من مكانج لين تصيرين طيبه
ريم استحت : بس انا زينه
ياسر : وين وين زينه .. يبيلج كم يوم لين تطيبين .. شوفي ويهج بالمنظره
ريم على طول غطت وجهها : امممبيه شفيه ويهي
ياسر ضحك على عفويتها : هههههه وايد حلو
ريم وللحين يدها على وجههاا : تتطنز صح
ياسر مسك يدها وشالها عن وجهها وقعد يناظرها : والله ما اتطنز
ريم استحت حست وجهها صــار احمممر
ياسر حس فيها وقال يغير الجو : طيب طيب الحين خلينـا نتريق
ريم لانها مستحيه : لا ما اشتهي
ياسر بطل عيونه : اوف شنو ماتشتهين .. لازم عشان تاكلين الدواء .. اصلا بتاكلين بالغصب
وصار يـاكلها بـأيده وهي تستحي ترده .. كانت تراقب تحركاته .. شقد هو طيب وحنون وحبوب .. وانا الغبيه الي نكدت عليه باول ليلة ..
ريم : خلاص شبعت ياسر
ياسر : هاذي اخر وحده
ريم : اخر وحده !!!
ياسر : ايه
بعدها جاب لها الدواء وعطاها اياه .. وصار ما باقي شي يسويه بعد .. وتوهق هو مايدري ليش يبي يكون قاعد وياها وبس .. امس واليوم كان جدا سعيد وهو يعتني فيها .. وعلى طول طرت في باله فكره .. وهو كان قاعد على الكرسي ..
ياسر : اقول ريم
ريم الي كانت تلعب بشعرها : هلا
ياسر زعل ليش ماقالت لبيه : شرايج اروح اجيب لنا فلم ونشوفه
ريم : بس انا ما افهم الا لما تكون في ترجمه بالعربي
ياسر : امممم انقليزي فيه اكيد .. واذا مافهمتي شي انا بقول لج
ريم : طيب
ياسر : انززين عادي اروح بسرعه واجيب كم فلم واجي فيه سوبر ماركت قريب طيران !!؟
ريم استغربت هو يستاذن منها ولا شنو !! : ايه عادي !!
ياسر فهم عليها : كل القصد اخاف تحتاجين شي ولا شي .. بس تدرين شلون هاج تلفوني فيه رقم الايطالي وفيه مسجل رقم تلفوني القطري .. اذا تاخرت وتبين شي دقي لي
ريم : ان شاء الله
وطــار ياسر على محل الافلام ..
اما ريم تحس بشعور ( غريب وحلو ) بس مب عارفه شنو .. كل الي تعرفه انها مستانسه من ياسر .. من ردة فعله من معاملته لما شافني مريضه .. واحد غيره اكيد كان بيردني بيت هلي .. شيبي في وحده ماتبيه !! وحده بليلة عرسه تقول له انا مغصوبه عليك .. خربت عليه احلى الايام .. بعد الخبر الي وصلها امس صارت تفكر في ياسر بطريقه ثانيه .. دام فهد تزوج ليش ما اكسب ياسر .. مو شرط احبه .. بس عشان ما اصير مطلقه .. واموت حسره على فهد الي تزوج ونساني !! .. بعد هالافكار.. قالت مادام انه ياسر محد .. بتروح تبدل ثيابها بسرعه وبترجع .. وبالفعل صاروخ بدلت ورتبت شعرها وردت مكانها
بعدها بخمس دقايق وصل يـاسر .. وطق الباب عليها
ريم : ادخل ياسر
ياسر لاحظ انه غيرت ملابسها وصرخ : رييييييييم
ريم خافت : لبببيييه
ياسر الكلام اختفى : هآآ لا ولا شي
ريم درت عشان ثيابها : عشان غيرت ملابسي !!
ياسر : ايه
ريم : اسفه .. بس حسيتهم خانقيني
ياسر بمزح : خلاص سامحتج
ريم : شكرا
ياسر : اما اني جبت خوش افلام
ريم : افلام شنو !!
ياسر : جبت رعب و اكشن
ريم تحطمت : شدعوه !!
ياسر : ليه ماتحبين الرعب والاكشن ؟
ريم : لاا .. على الاقل رمنسي كوميدي خيالي .. شدعوه رعب !!
ياسر : عادي عادي تتعودين انا اححب الرعب
(( عقب انتبه على كلمتة تتعودين .. واهم اصلا ناوين يتطلقون لما يردون .. وهوو يحس صار يندفع لها اكثر هاليومين .. توه انتبه على هالشي .. هو مو من النوع الي يركض ورا ناس مايبونه بس ؟؟))
حتى ريم حست وتذكرت .. بس هي الحين تبيه !!
(( شلون تبينه يا ريم !! وانتي الي كنتي مخططه انكم تنفصلون !! بس انا الحين غير ابيه الحين فهد راح !! وانا احس انه ياسر وايد طيب وحبوب .. وانا كنت احسب انه غير جي .. حكمت عليه بسرعه ))
<< هالافكار صارت خلال ثواني .. بعدها ردت عليه ريم
ريم : وانت بعد بتتعود على افلام الكوميديه والخيااليه لان انا احبها وايد
ياسر فبالها شقصدها !! : المهم الحين بنشوف رعب
قام وسكر الستاير والليتات
ريم : انت شقاعد تسوي !!
ياسر : مكمل شغله اضبط الجو
ريم : رعب وظلام !!
ياسر : حلاته
ريم : بس انا اخاف
ياسر بحنيه وعفويه : زين انا معاج !!
ريم انخجلت ولا ردت : .....
وهم كمل شغله وجاب الفوشار وكل شي .. هو على الكرسي وهي على السرير .. اشتغل الفلم وبدت الاحداث .. وريم خخايفه بداية الفلم ماشافته لانها مغطيه وجهها بالمخده .. بس الاخ ياسر مطول على التلفزيون ومندمج على الاخر .. من كثر ما كان الفلم يخرع وانه ياسر نسى انهى ماتفهم بالترجمه قامت من السرير وراحت عنده
ياسر : ليش قمتي
ريم بخجل على خوف : الفلم يخرع ومكاني هناك يرعبني
ياسر عدل قعدته : تعالي قعدي
وراحت قعدت حذاه .. وكملو الين نص الفلم .. كان في مقطع .. فجاه يطلع حد ف الشاشه .. صرخت ريم من الخرعه وحطت ويدها على وجهها .. تخرع ياسر .. ووقف الفلم
ياسر : شففيج
ريم : تكفى تكفى ماانبي نشوف
ياسر : لا تكفين ابي اشوف شنو بيصير
ريم : زين انا بطلع فالصاله وايد يخرع
ياسر انكسر خاطره عليها : خلاص خلاص مب شايفينه
سكره وقعدوا ساكتين كلن وافكاره
ياسر: فيج حيل نطلع نتعشى برا !!
ريم انصدمت : صججج !!
ياسر : ايه .. اذا مب تعبانه
ريم : لالا انا وايد زينه .. اروح ابدل !!
ياسر : ههه ايه روحي
.......................................
نرجع لملاك شوي
بعد ما اخطفوها .. وخدروها ظلت طول اليوم نايمه الين الصبح .. قامت حست انها بمكان غريب وانها مقيده ..
(( كانت حجره صغيره مافيها الى سرير صغير و ملاك كانت مرميه على الارض ومقيدين ريلها ويدها ))
ملاك تصرخ : هييي .. من مربطني تعالو
وظلت تصرخ وتصرخ ولين تعبت .. وقعدت تصيح .. فجاه انفتح الباب
المجهول : صح النوم مابغيتي تصحين .. زهقت وانا انطرج
ملاك : انت من وليش جايبيني هني
المجهول قرب منها ومسكها من يدها : انا الي بقتي فلوسي ولا تبين تعطيني اياهم
ملاك على طول عرفت : والله ان ققربت مني لا اتصل لشرطه وابهدلك
المجهول يضحك : هههههههه يلا رويني شلون بتتصلين
ملاك : فكني وتشوف
المجهول : انا نطرت وايد وعندي ادله تثبت انه انتي الي طلبتي نظرب الرجال من غير مايموت .. وباقي التفاصيل تعرفينها .. وانا عطيتج مهله وانتي ما قمتي فيها ولا حاولتي تجمعين نص المبلغ على الاقل .. فجزاج بيكون
ملاك عرفت نيته الخبيثه : والله ان قربت مني مب احسن لك
المجهول يضحك بخبث ويقرب منها اكثر : ههههه بنشوف من القوي
وبعد كم ســأعه طلع المجهول ( ناصر ) من عند ريم وقال لرجال
ناصر : كفو عليكم ونصيبكم بعطيكم اياه بعد ما تودونها وتقطونها باول فريجهم
الاول : بس اخاف احد يشوفنا !!
ناصر : دبرو نفسكم .. هالبنت ماخلصت منها .. حسبالها الي سوته شوي
الثاني : خل كل شي علينا
ناصر وكنه تذكر شي : اييه .. ابي معلومات كامله عن عائلتها
الاول : ان شاء الله
ناصر : يلا شيلوها وارموها مثل الكلب
..........................
دخلو عليها .. لقوها بزاويه تـــصيح ميته من الصيـاح
< اكيد بتصيح وهي فقــــدت.. اغلــــى شي تمــلكـــه البـــنــــت
ملاك : اشتبون انتو بعد !!
الاول : خذي هالثياب .. عندج ربع سـاعه ونردج عند اهلج
ملاك بصياح وصراخ : الله ينتقم منكم الله ينتقم منكم
الثاني : هههههه هاذي حوبة الي ضربناه
الاول : هههههههه .. يلا اخلصي
.................................................. ..

موضوع: رد: روايــة بقـآيـا يتيم 1/10/2011, 17:58

بارت 23

يوم جديد عند متعب وغلا الي صـار لهم سـاعات يتكلمون ف التلفون

غلا : مازهقت مني !!
متعب : مستحيل ازهق منج
غلا: صار لك ساعتين تكلمني
متعب : اوه الظاهر هاذي طرده تبيني اسكر
غلا بسرعه : لالالا والله مب قصدي
متعب بلفيت زعل : عيل !!
غلا : انت تدري انه لو علي ما ابيك تسكر
متعب تغيرت نبرة صوته : غــلا !!
غلا انتبهت : لبيه
متعب :ودي اقولج شي
غلا : قول اسمعك حبيبي
متعب : هالشي كاتمه في قلبي من وانا صغير حتى ياسر ما قلت له
غلا : قول حبيبي خرعتني !!
متعب : امممم
غلا تنطره يتكلم : ........

متعب : اممممم امي وابوي ياغلا ماتو بحادث وانا كنت معاهم بالسياره .. و امي ماتت على طول وابوي لما دخل المستشفى يومين وبعدها مات .. وانا ما صار لي شي .. كلها رظوظ كانت واشياء بسيطه .. كان عمري 14 سنه .. كنت وحيد امي وابوي .. تدرين يا غلا انا سبب الحادث !! ..

غلا بتساؤل : شلون يعني ..

متعب ابتسم : كنت هذاك اليوم رايح اخذ هدية نجاحي .. وكان جوال جديد كل ربعي بالمدرسه عندهم .. شراه لي ابوي .. ولا نطرت ارد البيت فتحت العلبه ووسويت كل شي بالسياره مانطرت البيت .. ماعرفت اركب الكرت .. وووو

(( متعب : يبا تكفى ركب لي الكرت
ام متعب : يبه متعب انطر لين نرد البيت .. ابوك يسوق
متعب : لالالا الحين يبا بس دقيقه ركبه
ابو متعب : اشوف عطني
ام متعب : لالا انت تسوق خله ينطر لين البيت
ابو متعب : معليه يام متعب الولد فرحان
ممتعب : يممه بس يركب الكرت
ام متعب زهقت منهم : اووه كيفكم
ابو متعب : جيب الجوال خل اركبه
متعب عطى ابوه الجوال .. مكان الكرت خذ من انتباه ابو متعب على طريج ..
ام متعب : سسسسسلطان انتبه
حاول ابو متعب يتفادى السياره بس ماقدر .. وانقلبت السياره كذا مره .. ))
متعب وبدت دموعه تخونه : تدرين غلا .. الين اليوم اذكر صرخة امي وصوت ابوي وهو ينادينا صرخة امي وهي تنبه ابوي .. وصوت ابوي ينادينا احنى للحين عايشين ولالا !! .. كلنا من قوة القلبه طلعنا من السياره .. ومن عقبها صرت متعقد من الجوال .. لان انا سبب الحادث لو نطرت لين البيت كان امي وابوي للحين عايشين ..

غلا : هذا شي مقدر ومكتوب يا متعب ..

متعب : ادري والله ادري بس انا السبب وهالشي يذبحني .. تدرين انا توني هالسنه بس تقبلت سالفة الجوال لاني احتاجه قبلها يشتري لي ياسر .. واكسره بس يطري علي الموقف .. مادخلت الثنويه .. تعقدت يا غلا تعقدت .. مع انه محد يدري كيف صار الحادث بس كنت احس انه كل الناس تدري .. الكل يشفق علي بس انا كنت احس انهم يعاتبوني .. وسكت

غلا : احس باقي كلام وايد بقلبك متعب تكلم .
متعب : آآآخ يا غلا .. صج انه ياسر اقررب انسان لي بالدنيا .. بس انتي غير ..
غلا اكتفت بالابتسامه ورا التلفون : .....

متعب : امي وابوي مب قطرين .. تزوجو وهم صغار .. وجاو وعاشو ف الدوحه .. بعد كم سنه خذو الجواز القطري .. وكانوا ما يجيبون عيال .. بس الله كتب لهم ولد عقب 6 سنوات .. الي هو انا .. عشان كذا ما اعرف لي اهل هني .. ولا قد امي ولا ابوي سولفو لي عن اذا كان عندي اهل .. يعني مقطوع من شجره .. يتيم .. ولولا ياسر واهله .. جان مادري وشهو حالي الحين

غلا : ماكان عندكم بيت ياسر
متعب : بلا عندنا .. بس كان تبع الشغل الي ابوي كان يشتغل فيه
غلا : اهــااا
متعب : وهذا انتي عرفتي قصتي .. هالحين بترضين فيني لو خطبتج !!!
غلا انصدمت : شهالكلام متعب .. اكيد ما راح ارضى بغيرك اصلا
متعب : طيب خلاص يلا نامي
غلا : وين بدري
متعب : لا مب بدري .. يلا تصبحين ع خير
غلا بحزن : وانت من هله
..................................

عند سعود وعبدالله
الي كانو يدورون ف الشوارع بدون هدف

سعود : اقول عبود
عبدالله : هلا
سعود : امممم ياخي اححبهــأ
عبدالله مافهم : من !!
سعود : تستهبل
عبدالله : لا والله ما استهبل !!
سعود عصب : جود يالغبي جود الي قلت لك عنها ييه
عبدالله : ايييه اييه عرفتها الي سبحتك بالعصير ههههههههه
سعود ظربه على كتفه : ترى اكلمك جد
عبدالله : تحبها ولا تعودت عليها
سعود : كل شي احبهـأ وتعودت على صوتها واسلوبها وكلامها وكل شي
عبدالله : اعترفت لها ؟
سعود : لا ما قلت لها .. خايف
عبدالله استغرب : خايف من شنو
سعود : مادري يمكن .. تطلع ماتحبني !!
عبدالله : امممم لا صدقني من سوالفك عنها بتطلع تحبك بس يمكن مستحيه تقول او تنطرك تعترف اول
سعود : ما اوصف لك ياخي هي شكثر غير عن كل البنات الي مرو علي غير كلش
عبدالله : ايييه هي الوحيده الي رزلت فيك ههههههه
سعود : عن الملاغه انا الغبي اتكلم وياك
عبدالله : اسف اسف

وسكـــتوا .. مرو على مطعم هندي .. احلى مطعم كان عند محمد ( الله يرحمه ) .. كل ما يعزمهم يوديهم هالمطعم مايغيره .. زهقهم .. ونفس الطلب .. لو يقول عازمكم يعرفون انه على هالمطعم ..

سعود تنهد : يـا انا اشتقت لـــــه
عبدالله بحزن : الله يرحمه
سعود : امين ان شاء الله
.................................

بيت ابو علي ..
كانت ســاره قاعده تشوف التلفزيوون ..
دخل عليها علي

علي : سلام عليكم
سـاره طارت له : هلا هلا وعليكم السلام .. شسالفه وين مرتك وولدك
علي بزهق : والي يعافيج .. جيبي طاري عدل
ساره استغربت : اوف اوف اوف شسالفه
علي : تهاوشنا وخذت يوسفو وطارت بيت اهلها
ساره : الله يعينك
علي : زهقتني حياتي .. اي كلمه طارت بيت اهلها .. خليها تخيس هناك هالمره عاد
ساره حست اخوها جاي هني يغير جو ويفضفض : زين ماعلينا شرايك اطلعني ترى زهقانه ححدي
علي : اففف سويره مالي خلق
ساره : تكفى على حســابي
علي طلعها بنظره : ....
ساره : ارجوووك
علي : اوكي اوكي روحي اجهزي بسلم على امي وبنطرج بالسياره
سـاره اصرخت : ييييسسسس .. ثواني بس
علي راح عند امه وسلم عليها .. واكيد ما اشتكى لها .. لانها بتطلعه هو الغلطان .. لان امه وايد تحب مرته.. بعدها راح السياره .. ينطر سـاره .. وخذته الافكار وحن لايام فاطمه (( يالله شقد اشتقت لها الهبله .. هي الوحيده من البنات الي مرو علي طولت وياها ويمكن اكون حبيتها بس فكرتي كانت مستحيل اخذ بنت اكلمها .. مادري الحين شخبارها .. تزوجت ولا لا .. ودي اتصل لها واخذ اخبارها ))..

وعجبته الفكره .. هو من كثر ما يتصل لها حفظ رقمها قام ودق وعقب الرنه الـ 4 ردو
علي : الووو
.. الطرف الثاني : مرحبـا
علي سمع انه صوت رجال : اووه سوري النمره غلط
الطرف الثاني : مب مشكله
علي : السموحه .. وسكر
علي : شتتت هذا يا ريلها يا باعت رقمها ... اييييه الله كريم
وعلى اخر كلمه وصلت ساره .. وما زفها على التاخير لانه سمحت له انه يفكر في فاطمه شوي . وطلعوا يتعشون .. ويتمشون ..
..........................................

عند جود
الي كانت تكشخ بالغرفه بروحها .. لانها بتروح حق ندى
رن جوالها .. وكان المتصل سعود

جود : مرحبا
سعود : مرحبتين يا هلا .. شحالج
جود تكلمه وتكشخ : تمام الحمدالله وانت
سعود : بخخخير .. شكلج مشغوله
جود : لا عادي بس قاعده اكشخ
سعود : ليه وين بتروحين !!
جود : بروح لندى رفيجتي
سعود تحطم كان وده يتعرف لها : اهـا طيب
جود حست فيه شي : فيك شي سعود
سعود : لا مافيني شي .. يلا اخليج ولما تردين سوي لي رنه
جود : اوكي
سعود : ديري بالج على نفسج
جود : ان شاء الله
وسكــرو ..
.......................................

نروح لروما شوي ..
عند ريم ويـاسر

تغيـر حال يـاسر من عقب ما مرضت ريم .. تغير تفكيره .. صار يفكر بطريقه ثانيه .. انه شلون يخلي ريم تحبه .. بدال لا يطلقون .. يجرب احسسن .. وصار كل يوم يطلعها .. من الصبح ويرجعها هلكانه ف الليل .. بالبدايه كانت شوي تستحي منه وتستحي تشتري او تطلب شي .. بس حاليا تعودت عليه .. صار لهم اسبوع يطلعون ويتسوقون ويتغدون ويتعشون مع بعض .. ويسولفون .. لكن لازال في حاجز بينهم .. مب عارفين كلا الطرفين شلون يشيلونه .. وهالحين مابقى على ردتهم الدوحه الى يومين ..
حتى ريم .. تغيرت مشاعرها وافكارها وكل شي تجاه ياسر .. صارت تفكر فيه بطريقه ثانيه . صارت تفكر شلون تكسبه .. عشان ما ينفصلون .. مثل ماكانوا شبه متفقين من البدايه .. صارت وياه بالايام الي طافت مواقف وايد حلوه وتضحك ولا تنسى .. كانت ساعات تحمد ربها انه ابوها زوجها ياسر مو اي احد غيره .. لان ماتدري شلون بيكون الوضع لو مع واحد غير ياسر ..
في احد المقاهي كانوا قاعدين يتقهون ..
ياسـر: ريم ماخلصتي من السوق !!
ريم : اممم لا باقي امك وخواتك ورفيجاتي
ياسر : ترى انا ما اشوفج تشترين شي لج .. كل الي شريتيه صوغه
ريم وكنها تفكر : تصدق .. ما خذت لي الا شنطه وكعب !!
ياسر : ياربي منجج .. يلا خلصي قهوتج ونروح نتسوق لج .. والاهل اخر شي
ريم : لالالا اخاف انسى حد خل اول اخلص سوالف الصوغه وعقب افكر بنفسي
ياسر احتر عليها : انا قلت لج اخر شي خليهم انتهى النقاش
ريم : اوكي اوكي لا تعصب
ياسر : خلصتي !!
ريم : ايه يلا نقوم !!
ياسر : يلا
وصار يتمشون ف المجمع .. وصارت ريم تشتري لنفسها .. وخلصت صوغ الباقي .. وخذت لها فساتين واكسسوارات .. وعطور وكل شي كانت تتردد فيه حلو ولا لا .. كان ياسر يشتريه لها .. كانت وايد مستانسه من ياسر .. شقد طيب وحبوب ويدخل القلب .. وهي شقد كانت مخربه عليه احلى الايام .. ف الخطوبه والعرس .. وفترة الخطوبه .. حست نفسها ولا شي عنده .. ويـاهل وسخيفه ..

<< بس هي ممكن تكون معذوره .. كانت بانيه امالها انها تاخذ فهد .. فهد الي حبها وحبته . وكانو مخططين حتى على لون غرفتهم شنو بيخلونه .. وعيالهم شنو بيسمونهم .. كل شي تحطم . وبدال لا تحط اللوم على ابوها وامها .. حطت كل الحره في ياسر .. مسكين مايستاهل ماله خص .. وهذا هو فهد تزوج وخلاها .. مع انه هي قالت له انها بتتطلق وتتزوجه .. تخلى عنها وتزوج بكل سرعه .. بس هي الحين تحس انها تفكر صح ياسر زوجها خلاص .. ومع الايام ان شاء الله بتحبه ..
ريم : انا بشوف هالمحل ..
ياسر : طيب انتي دخلي هني وانا بروح ذاك المحل وبرجع لج لا تطلعين لين اجيج
ريم : امم اوكي
ياسر راح محل ياخذ شي حق متعب .. وهي دخلت محل ثياب نسـائيه كبير .. وبعد ثلث ساعه ريم ماعجبها شي .. طلعت تنطر ياسر عند باب المحل .. على كرسي .. خافت تروح له المحل ويعصب عليها .. سوت الي هو قاله وبتنطره عند المحل ..
...........................................

موضوع: رد: روايــة بقـآيـا يتيم 1/10/2011, 17:59

بارت 24

بيت ابو ياسر .. غرفة ملاك
عند ملاك .. الي صار لها يومين ماتطلع من غرفتها ولا تاكل ولا تشرب .. كل مايطري عليها الموقف تركض للحمام تتقيأ .. وساعات تقعد تصيح .. وساعات تعصب تفكر شتسوي .. هي مو بنت الحين !!!
انطق الباب وكانت امهـأ

ام ياسر : ملاك حبيبتي .. تعالي تغدي صار لج يومين مانزلتي تاكلين
ملاك : ....
ام ياسر تطق الباب مره ثانيه : يممه ملاك فيج شي ردي علي !!
ملاك بصراخ : ما ابي اكل ما ابي فكووني
ام ياسر من ورا الباب : بس يايمه
ملاك قاطعتها بصراخ : قلت لج مــابي اكل .. اوووف
ام ياسر : انزين اجيب لج الاكل غرفتج
ملاك بصارخ اكثر : يمه شفيج ماتفهمين .. ما ابي اكل روحي وخليني ييه
ام ياسر بحزن : الله يهديج

ملاك تكلم نفسها (( اففف اففف لين متى بتم حابسه نفسي .. بيشكون فيني عقب !! .. وهالشي الي مابيه ..بعد بكرا بيجي ياسر .. واكيد بيشك وبيسال وبيكسر الباب على راسي .. اوف شاسوي . اعيش حياه طبيعيه !! .. ما اقدر امثل ما اقدر .. كله من متعب هو السبب .. لو تزوجني ما كان صار اللي صار .. انا طول الوقت جدام عينه يروح يخطب غيري .. وهالحين بعد ناوي يخطب وحده ثانيه .. عقب الي صار لي؟ .. صدقني ما اخليك .. بس شنو بسوي !! .. لازم اخرب عليه حياته مثل ما خرب علي حياتي !! ))
........................

نررجع لرومـا

ريم الي كانت تنطر ياسر قدام المحل الي كانت فيه .. وياسر تاخر حول النص ساعه .. والمحلات بدت تسكر !! .. زهقت ريم وهي تنطره جات بتتصل له .. وقبل لا تتصل .. جاتها وحده تصييح .. ومن ثيابها شكلها فقيره وعجوز .. قعدت تكلم ريم بالايطالي وريم مب فاهمه شي من كلامها .. ماتعرف ايطالي .. بس لم اشرت لها العجوز للباب .. اعرفت انها تبيها تروح وياها .. كسرت خاطرها قالت خل اروح اشوف شكلها مسكين وتبي مساعده ..

راحت ويـاها ولما وصلت عند الباب الخارجي .. تذكرت ياسر .. شلون تتحرك من مكانها مع عجوز غريبه .. ف بلاد غير بلادها .. بدون تفكير ..

العجوز الايطاليه حست انه ريم متردده تطلع .. قامت وبعنف جرتها من يدها بمعنى ( تعالي معاي بالقوه ) وحاولت ريم تسحب يدها منها .. بس كانت اضعف منها بوايد .. العجوز كانت اقوى .. ريم قامت تصــارخ .. بس للاسف حزتها ما كان في احد صوبهــا
..........................

بيت ابو علي ..
ساره بغرفتها ترتبهـأ
انطق الباب .. وكانت ام علي

ام علي : ساره ممكن اكلمج
ساره : اي خالتي حياج
<< طبعا بعد وفاة محمد ..صارت العلاقه معاهم وايد وايد متحسسنه ..

ام علي : اليوم رفيجتي ام عادل اخطبتج مني حق ولدها عادل
ساره تفاجاءت : هآآآآ !!
ام علي : انا قلت لاخوانج عنه واهم بيفيدونج عنه .. وانتي خذي وقتج وفكري
ساره استحت : والله ما اعرف شقول لج يا خالتي
ام علي ابتسمت : لا تقولين شي الحين .. خذي وقتج
ساره : طيب
ام علي : يلا الحين بيحطون الغدى قومي
ساره : وراج خالتي

طلعت ام علي .. وصارت ساره بروحهـا تفكر بالموضوع ..
(( انـأ اتزوج .. بس انا ماخلصت جامعه للحين .. لالا مابي توني صغيره .. ماتهنيت بشبابي .. يمكن يطلع خوش ريال زين !! .. اممم اخاف يطلع دب !! لالا ما ابي اخذ واحد متين .. اففف .. خل انزل احسن لي ولكل حادث حديث ))

نزلت تحت .. وعلى نزلتها انفتح الباب الا نوف وبناتها جاين يتغدون عندهم
ساره بفرح : هلا والله بام البنات .. وحشتيني
نوف وهي تسلم عليها : وانتي اكثر والله
ساره : ماتقولين عندي اخت اسال عنها ..
نوف : والله انشغلت
ساره تمثل الزعل : تنشغلين عني
نوف : يلا عاد مب وقت معاتب انا يوعانه
ويجي لهم سعود : انا بعد يوعان بتجون ولا شلون
نوف وساره : ههههه يلا جاين
تغدو ويـا بعض .. من زمـان عن هالجمعه ..
ابو علي : اخخيرا جيتينا وجبتي البنات وياج
نوف بخجل : والله يا يبه حقك علي .. بس مشاغل والله
علي : خفي علينا
ابو علي : وانت وين مرتك وولدك
علي توهق : هـلا يبه
ساره ضحكت .. وعلي عطاها نظره انه سكتي
ابو علي : اقولك مرتك وولد وينهم اشوفك هاليومين تتغدى عندنا بروحك
علي يخترع قصه : والله يبه تعبانه وراحت بيت اهلها
نوف : ليكون حامل
علي بدون اهتمام : ما ادري
سعود لاحظ انه امه طول الوقت سـاكته ولا علقت
سعود : يممه !!
ارفعت راسهـا لسعود .. ودموعها الي كانت ماسكتها طول الوقت .. خانتها ونزلت
سعود : افا افا يمه شفيج
ابو علي : يام علي شفيج هداج الله
ام علي وهي تصيح : ناقصنا محمد .. مكانه وايد مبين على السفره
ابو علي والكل : الله يرحمه

ام علي بحزن : هالحين لو هو موجود .. تلاقونه ينقي ف السلطه .. يشيل الطماط والفلفل الاخضر ويتحندى .. اعرفه ولدي ما يحب ياكلهم .. والعصير او شي يكون موجود جدامه .. ومب اي عصير .. لازم برتقال .. ودوم يخلص غدى قبلنا .. ولا يقوم يقعد ويمسك هالتلفون وما تبقى نكته مايقولها لنا .. يعيد ويزيد فيهم .. ولين محد ضحك .. يضحك بروحه يجبرنا نضحك على سخافته .. ( توجه الكلام لعلي ) تذكر يوم تشرق لما قال لنا هذيك النكته .. ياربي نسيتها .. تذكر يممه صح !!

علي اكتفى بأنه يطالعها : .....
<< وحطت يدها على وجهها وقعدت تصيح

الكل خنقته العبره .. الكل قعد يسمع كلامها ويتخيل محمد موجود بينهم الحين .. ساره ماقدرت تستحمل كلام ام علي .. وصاحت .. ابو علي اليوم ولأول مره من مات محمد تنزل دمعته .. فاقدين وجوده بالقو .. بس كلن خاش هالشي بقلبه .. اما علي وسعود اكتفو بالسكووت
نوف اخيرا تكلمت : ادعوا له .. ترى هو محتاج دعائنا .. الله يرحمه
طبعا محد قدر يكمل غداه الكل قام وتوجه لغرفته .. نوف كانت جايه تتونس الظاهر جيتها لهم نكدت عليهم .. قعدت شوي وراحت بيت ريلهـأ ..
.....................................

رومــأ ..

لمـأ كانت العجوز تسحب يد ريم عشان تروح وياها بالقوه . وريم خايفه وتصرخ .. كانت هالعجوز اقوى منها بوايد .. فجاه هالعجوز هدت يد ريم وراحت تركض .. واول ما خلتها وراحت ريم بسررعه ارجعت لداخل المجمع ترركض .. وفجـــــــــأه .. دعمت في شخص واول مارفعت عينها .. ضمته باقوى ماعندها .. وقعدت تصصيييح
كان هالشخص ياسر ..

ياسر كان معصصب حده ليش تتحرك من مكانها .. توتر لما ماشافها وراح يدور بالمحلات .. بس لما ضمته وشاف دموعها .. هدى وآآآيد

ياسر ضمها : ريم وين كنتي حد سوالج شي
ريم تصيييح : .....
ياسر : ريم لا تخرعيني .. ليش ما نطرتيني انا قلت لج نطري عند الباب
ريم قامت من حظنه : تكفى خل نروح الفندق
ياسر انكسر خاطره وبقوه : طيب طيب يلا نروح

وراحوا للفندق .. هي على طول راحت خذت لها شور .. وهو بعد دخل ياخذ له شور واتصل على الفندق يجيب لهم عشى
بعد ما خذت الشور ريم وهدت اعصابها عقب الي صار .. قعدت بغرفتها تفكر بالي صار ولو صار لها شي !! ماتدري العجوز شكانت تبي .. كانت ريم تعاتب نفسها اغلب الوقت شلون تروح وياها !!!
انطق الباب

ريم من ورا الباب : هلا ياسر
ياسر : العشى تعالي
ريم : طيب جايه
طلعت ريم لياسر الي كان ينطرها عشان يتعشون .. وكانت لازم تبرر موقفها عن الي صار اليوم .. طلعت وقعدت على طاولة الطعام
ريم : ياسر انا امس
ياسر : مب مشكله عقب العشاء نتكلم اكلي الحين
ريم : بس ترى ...
ياسر قاطعها : قلت لج ياريم بعد العشاء
ريم : طيب
بعد ماخلصوا عشا .. قعدوا ف الصاله عند التلفزيون
ياسر : يلا يا ريم قولي لي ليش ما نطرتيني مكانج .. !!
ريم خذت نفس : شوف ياسر انا والله نطرتك ولا تحركت وانت تاخرت علي
ياسر : يعني لما اتاخر تروحين تتدورين
ريم : لا انطر اشرح لك
ياسر بدى يتنرفز : تكلمي
ريم : جاتني عيوز
ياسر عدل قعدته : انزين
ريم خافت : وقعدت تصيح وكانت تكسر الخاطر ومافهمت لها الا لما اشرت لي على الباب وقلت خل اروح ااشوف يمكن محتاجه شي .. وو
ياسر : ورحتي يالغبيه معاها !!!
ريم : غبيه !!
ياسر : ردي علي !!
ريم وهي خايفه : ايه
ياسر وقف وبدى يهاوش : انتي شفيج ما تفكرين .. انتي في بلاد مب بلادج لا تأمنين حق حد .. الحين لو صاير لج شي .. انا شسوي .. لما اقولج ما تتحركين ما تتحركين .. ولا تكلمين حد غريب ..
ريم : والله مادري
ياسر : يالعقل يا ريم
ريم : ...
ياسر : وليش كنتي تصيحين .. !!
ريم : آآآ...
ياسر : سوت لج شي .. !!
ريم : ايه
ياسر بعصبيه : شسسسسوت !!
ريم بخخوف : مسكتني من يدي وسحبتني ...
ياسر : وعقب
ريم كذبت : وبس انا سحبت يدي منها ودخلت
ياسر خذا نفس : تصبحين على خير
ريم : وين !!
ياسر : بنــأم !!
ريم : طيب .. عوافي
ياسر مارد عليها ودخل غرفته وسكر الباب ..
........................

بيت ابو علي ..
سعود قاعد في غرفته ويفكر ..

(( افف يلا جود .. اتصلي الحين الكلام موجود .. اخاف بعدين يختفي .. بقول لها اني احبهـا .. وابي اتزوجها !! .. < يسال نفسه اتزوجها ؟؟ .. ايه اتزوجها شفيها انا احبها ومرتاح لها ))

فجاه رن تلفونه .. نقز له وكان المتصل عبدالله
عبدالله : مرحححبا
سعود معصب : انتتت شتبي متصل الحين !!
عبدالله : شفيك شفيك ..
سعود : منتظر اتصال انا وانت خربت
عبدالله : يييه .. وانا شدراني
سعود : اففف
عبدالله : ماتنعطى ويه .. يلا باي .. وسكر
كان يبي يتحلطم على عبدالله .. بس اتصال نجود نسى ام الدنيا وعلى طول رد
سعود : هلا واللله ومرحبا
جود : اهلين !!
سعود : شخبارج !!
جود : تمام وانت !!
سعود : تمام دامج تمام ..
جود : ان شاء الله دوم
سعود وبدون اي مقدمات : جود انا احبج
جود انصدمت : هآآآ.؟
سعود يكرر : انا احبج
جود : .......
سعود : شفيج !!
جود : صدمتني
سعود : يعني شنو !!
جود : يعني صدمتني !!
سعود : يعني انتي ما تحبيني . ؟
جود : هآآآ !!
سعود : تحبيني جود !!
جود : سعود انا بسكر الحين .. اكلمك وقت ثاني
سعود انصدم : اوكي
وسكررت
......................................
لوليّ نالت إعجابه.

موضوع: رد: روايــة بقـآيـا يتيم 1/10/2011, 17:59

بارت 25

رومـا عند ياسر ..

عقب ما دخل غرفته .. معصب عليها .. ((غبيه غبيه .. الحين لو صار لها شي انا شسوي !! .. الله يعلم هالعجوز شكانت تبي منها .. بس ماكان داعي اصرخ عليها .. بس شسوي حررتني .. يعني اوصيها مثل اليهال .. لا تكلمين اي حد غريب !! .. المفروض هي تعرف .. المشكله راحت وياها بعد مب بس كلمتها .. انا الغبي خليتها بروحها مادريت انها غبيه .. الحمدالله انه الله ستر .. اممممم بس جنه وايد بالغت ف الصراخ .. اروح اكلمها !! .. ولا خلها شوي تعرف انه الي سوته غلط وكان ممكن يأذيهـا .. ))

اما ريم .. دخلت غرفتها وقعدت قدام المنظره ..

اول مره تشوف ياسر معصب هالكثر ويصارخ عليها .. (( يعني انا شسويت !! شدراني هي قعدت تصيح عندي وتأشر لي على الباب ورحت .. مادري انها ناويه على نيه شينه .. والله ستر الحمدالله وقدرت اسحب يدي منها .. ياربي .. هذا ياسر وانا ما قلت لها انها سحبتي .. وجي عصب لو قت له شكان بيسوي !! .. تهقون يخاف علي .. ايه اكيد يخاف علي .. انا زوجته .. ولو صار فيني شي بيطيح كل شي على راسه لانه هو خلاني بروحي .. امممم .. بس انا غلطانه بعد مب لازم يقول لي ما اكلم حد غريب .. انا مب ياهل المفروض اعرف .. بس ياخي حزتها مادري وين كان عقلي .. الحين شسوي !! .. ياسر معصب .. اروح اعتذر؟ .. ايه فكره اسوي له عصير .. واعتذر .. ولا خلها الصبح احسن ))
............................

بيت جود

غرفة جود الي كانت منسدحه على سريرها وتفكر ..
(( شتت سعود يقول انه يحبني .. أخيرا قالها .. من متى وانا انطره يقول .. انـا بعد احبك يا سعود .. بس كنه ردي ماكان حلو .. ماقلت له وانا بعد .. صراحه استحيت وانصدمت واستانست كله وقت واحد وماعرفت شقول .. مادري شنو كان شعوري حزتها غير اني طايره ف السماء مع هالكلمه .. ماعرفت شقوله غير اني بسكر.. بطرش له مسج اني انا بعد احبه .. لالا مثل ماهو سمعني لازم انا اسمعه .. الله يستر شضن سعود .. والله اني احبه .. لا يضن اني تفاجأت ومابي هالشي !! ))
..................
بيت ابو علي
عند سعود .. الي مجابل التلفزيون بس باله مب عند التلفزيون
(( ليش ياجود ليش .. انا كنت ضان انج تحبيني بعد .. كنت متشوق تقولين لي وانا بعد احبك يا سعود .. شدعوه قربي لج ماخلاج تحبيني !! .. والله اني صادق وياج .. ووالله اني حبيتج .. وكنت ناوي اقولج اني ابي اتقدم لج .. بس ردج صدمني ماعطيتيني فرصه .. ليش ياجود .. حرام عليج .. انتي غير عن الكل غير .. ولما حبيتج صديتي .. حتى حبتك العافيه ماقلتي .. أأأخ ياجود مدري شنو وراج ))
اما ساره .. الي كانت مع سعود قاعده .. بس هي بعد ما كان بالها مع المسلسل كانت تفكر في بكرا
(( اممبيه .. بكرا الرجال وهله جايين يشوفوني .. شسوي شلبس .. وين اطق براسي !! .. هاذي نوف وقته تسافر .. ماعرف شسوي .. > تناظر سعود < .. اسال سعود !! اففف سعود شعرفه .. ياربي اخاف شكله يضحك .. بضحك والله .. ياربي .. استحي اسال سعود شلون شكله .. كل الي اعرفه انه رئيس قسم ومعاشه حلو وعنده بيت .. وخايف الله .. مؤهلاته مقبوله .. باقي شكله ينبلع ولالا .. اففف خلاص خلاص مابي افكر بكرا يجي واشوفه ))
......................
اما غلا
الي كانت في الصالون .. تسوي اضافرها .. والفلبينيه تهذر على راسها .. بس غلا مب وياها في عالم اخر
(( ياسر بكرا يوصل .. يعني ما بقى شي ويجي متعب يخطبني .. ياللله متى يجي هاليوم واجتمع معاه في بيت واحد .. بس والله اني خايفه من خالي .. اخاف يرفضه لا درى انه مو قطري اصل .. بس من وين بيدري !! .. بس اهل ياسر يدرون .. وغير كذا خالي زطي .. بس انا عشان اسكته بعطيه نص المهر الي بيعطيني اياه متعب .. والباقي بدبر نفسي فيه .. ومتعب مب مقصر وياي .. يارررب اجمعني مع متعب على خير .. ))
وعند متعب
الي كان مشغول مع الثياب .. يشوف فيه عنده ثوب جديد ولا يروح يفصل .. مستعجل على الخطبه والزواج الاخ .. السرير صار كله ثياب
(( لحوول .. شكلي بفصل لي ثياب .. لان كلهم جنهم صارو قصار .. ابي واحد يبين اني زقرت واني معرس .. مب هين .. اووف يا ياسر متى توصل ابي اتزوج .. وما اتزوج اي احد !! .. اتزوج هذيك الانسانه الي احبها .. واجتمع وياها في بيت واحد .. ونجيب عيال .. بنتين .. وولدين .. ونسميهم على امي وابوي وامها وابوها .. يالله شقد متحمس .. ابي اطلع وياها على راحتي واكلمها على راحتي .. انا ان شاء الله مب مزوج عيال الا الي يحبونهم حتى البنات .. يالله شقد حلو تلقى حنان عقب مافقده اكثر من 12 سنه .. الله يجمعني وياج ياغلا على خخير .. خلني اتصل لها واسألها البس للخطبه ثوب بزرار ولا عادي .. ))
.............................
عند عبدالله . الي كان يدور في السياره ..
(( ليه ما تجرب الحب ياعبدالله .. اغلب ربعك يحبون .. ويكلمون بنات وغيرها .. الا انت مو ماعطي نفسك فرصه .. واكبر مثال سعود .. هذا هو يحب وناوي يتزوج الي يحبها .. وانت ياعبدالله مو ناوي تتزوج عن حب !؟ .. ولا تبي تتزوج تقليدي .. ماعمرك كلمة بنت ؟ حتى اذا تزوجت شلون بتتفاهم وياها .. انا حدي امي وخالاتي وعماتي .. و بناتهم استحي منهم مع انهم قويات عين يجون ويكلموني ويسلمون .. عشان كذا ما احب اروح لهم البيت .. ياربي مالي الا امي تدور لي على بنت الحلال وخلاص .. بس مب الحين .. ))
في بيت ابو ياسر
في غرفة انجود الي كانت مجابله المنظره
(( كبرتي يا انجود والتجاعيد واضحه على وجهج .. ومافي احد دق عليكم الباب يبيج .. وصلتي الثلاثين .. طافني القطار .. آآآه .. صرت استحي اروح المدرسه بداية كل سنه .. بكل سنه يجون طالبات جداد يسالوني .. شنو اسامي عيالي ولا كم بنت او كم ولد .. يحرجوني بالسؤال .. والله ودي يكون عندي ولد ولا بنت .. بس الله مو كاتب لي اتزوج .. اكيد هالشي خير لي متاكده انا .. > تدقق في ملامحها < .. بس انا مو شينه انا حلوه .. ولما كنت اصغر كنت احلى اكثر .. بس مالي نصيب الظاهر .. يالله الله كريم .. وافرح في ملاك اختي واخوي ياسر وبعيالهم ))
عند ملاك الي شكلها قريب تجن خاايفه .. قاعده بزاويه الغرفه ووجهها بين رجلها .
(( بكرا .. بكرا .. بيوصل ياسر .. واكيد امي وانجود بيقولون له عني .. واني وما اطلع من غرفتي .. وهو بيشك فيني .. وبيطق الباب .. وبخاف انا ومب فاتحه الباب .. وهو بيكسر الباب وبيشوفني وبيشك .. وبيذبحني .. > وصارت ترتجف < .. لا يملاك انتي مو انتي .. المفروض تكونين قويه وتنتقمين من الي كان السبب .. والله ياويلك مني يامتعب بتشوف .. انا ملاك .. للحين ماعرفتي عدل .. !! خل اقوم واتسبح واطلع واحاول اخلي الوضع عادي لازم اكون اقوى من جي .. ))
.....................
اما عند هذاك الي اختفى من الروايه شوي .. الي انكسر قلبه .. الي مات حسره على الي يحبها .. فهد الي كان ف الرياض عند اهله .. يحاول ينسى ريم هناك .. وامه خطبت له بنت خالته وهو وافق على عشان يمكن بنت خالته تنسيه .. ريم شوي .. لكن هيهات هيهات .. قبل العرس باسبوع .. هون فهد عن كل شي .. يعني صورة البطاقه الي وصلت ريم .. صج بس ماتم الزواج .. واحرج فهد امه قدام خالته وتزاعلو .. على فعلة فهد .. بس فهد ..
(( ما اقدر ما اقدر اضلمها معاي .. ماقدر اعيش وياها جسد .. وقلبي ورحي هناك بعيد .. مو قادر اتخيل اني اتزوج وحده غير ريم .. او اعيش بذاك البيت مع وحده غير ريم .. او اجيب عيال من وحده غير ريم .. لالالا ما اقدر .. ليش اقص على نفسي واقول اذا تزوجت بنساها وانا متاكد انه ما راح اقدر اسعدها .. ولا اوضح لهم هالشي .. اخاف يوم اغلط في اسمها او مادري مادري .. فتره وبينسون ان شاء الله ))
................................
عند متعب في المزرعه .. الي طلع من غرفته في يده الجوال يتصل في غلا ..
متعب : الوو ..
غلا : هلا والله
متعب : وحشتيني
غلا : الله اكبر توني الصبح مكلمتك
متعب : ايه توحشيني كل دقيقه وثانيه
غلا : يه يه من معلمك هالكلالام
متعب : ههههه اعجبج
غلا : انت وين !!
متعب : فالبيت .. الا بغيت اقولج
غلا : امرني ..
متعب : ما يامر عليج عدو .. الحين مابقى شي واجي اخطبج .. شنو البس !!
غلا بعبط : شورت
متعب : يييه
غلا : مدري عنك تقول شلبس
متعب : يالذكيه اقصد .. البس ثوب عادي .. ولا زرار ولا يابس يعني فهمتي .. ابي اكون زقرت
غلا ضحكت : اي شي حبيبي يناسبك ويخليك زقرت
متعب : انزين سكسوكه ولا عارض
غلا : متعب ماندري شيصير عقب كم يوم .. والله من كثر ما انك مستعيل اخاف يصير شي
متعب صرخ عليها : لا تفـأولين .. ان شاء الله كل شي بيكون اوكي
غلا : ان شاء اللله
متعب : ترى ما اتخيل انه يصير شي وما اخذج
غلا : ان شاء الله كل شي بيكون اوكي بس انت لا تتحمس وايد
متعب بحزن : طيب
وقعدوا يسولفون شوي .. وبعدها سكروا
.............................
نرجع روما عند ريم
الي طلعت من غرفتها رايحه لغرفة ياسر وكان اليوم الثاني الصبح .. تعتذر له .. لما وصلت عند الغرفه وقف عند الباب وترددت ..
ريم : اطق الباب ولا لا !!!
واخيرا قررت تطق الباب .. المره الاولى والثانيه والثالثه لكن محد يرد !!!
ريم : معقوله يكون نايم من امس .. بس هو نومه خفيف من اول طقه للباب يقوم .. خل اجرب مره ثانيه
وطقت الباب بشكل اقوى عشان الصوت يعلى .. لكن محد يرد حطت اذنها على الباب .. حست الغرفه هدوء .. حزات يكون ف الحمام .. تسمع صوت الماي ..
ريم : يمكن طلع !! .. امممم زين عيل بدخل غرفته وبشوف ..
بطلت الباب .. وكانت الغرفه بارده وظلام .. كان شكل السرير يقول انه في شخص عليه
ريم : هذا هو ياسر هناك ليه مايرد علي !! .. معقوله ما سمعني وانا اطق الباب بهالدفاشه .. ولا ليكون زعلان علي !! او فيه شي لا سمح الله !!
راحت لين عنده ونادته : ياســر .. يـاســر ( وصارت تهزه ) يــاسر .. ياسر
ياسر فجاه قـام متخرع : بسم الله بسم الله
ريم : اسم الله عليك شفيك ياسر
ياسر يحط يده على راسه : هآآآ لا ولا شي .. انتي شتسوين هني !!
ريم انتبهت وقامت من مكانها : امممم كنت جايه اعتذر عن امس وطقيت الباب الف مره .. ماردي خفت جان ادخل الغرفه .. وصار الي صار
ياسر رفع لها راسه : خفتي !!
ريم : آآيه !!
ياسر : اممم امس كنت سهران ولا جاني النوم لين خذت لي حبوب منوم .. عشان جي ماحسيت بشي
ريم : ليه شفيك .. !!
ياسر تذكر شنو كان يفكر : هآآآ لا ولا شي ارهاق
ريم : طيب الحين انت قوم وخذ لك شور وانا بطلب لنا ريوق
ياسر ببتسامه : طيب
.................................
في الدوحه ..
اليوم النظره الشرعيه لساره .. وماعندها حد يساعدها .. ورفيجتها ما قدرت تجي .. مافي الا سعود قاعد لها قعده حق الطنازه ..
ساره : سسسعود لا تنرفزني .. صج مب حلو الي لابسته
سعود يطالعها بنظارات : وعع شنو هاي .. حتى الخدامه تكشخ احسن
ساره : افففف زين شلبس شلبس
وتروح عند الكبت .. وتشوف لها شي ثاني .. اما سعود من تروح عند الكبت يموت من الضحك هاذي رابع بدله يخليها تغيرها .. مع انه كل البدلات كانت حلوه .. بس نحاسه يوترها .. ولما رجعت سوى نفسه كلش ما يضحك ..
ساره : زين سعود هاذي ..
سعود : تبين الصج
ساره : اكيد
سعود : ذكرتيني بخدامة نوف الفلبينيه < .. مات من الضحك
ساره تشوف نفسها ف المنظره : الحين هذا يذكرك بخدامة نوف .. يحصلها تلبس مثله ..
سعود ميت من الضحك ومن شكل ساره : ههههه
ساره : انا الحيوانه الي معطتك ويه مشكله اني محتاجتك ولا ...
سعود : ساره ..
ساره : شتبي !!
سعود وهو يناظرها بنظره غريبه : ترى كل الي لبستيه حلو
ساره تدور اقرب شي عنده تبي تحذفه فيه .. بس سعود شاف هالنيه في عيونها وطلع ..
سعود (( كان فرحان ونفس الوقت حزين .. يعني اخته بتعرس .. وبيفضى البيت .. له هو بس .. ساره من يومها كانت مسويه جو ف البيت .. والحين تروح !! .. الله يكتب لها الي فيه الخير . وان شاء الله يكون خوش رجال .. ولو اني تمنيت عبود ياخذها .. بس هذا مايفهم ))
طلع وركب السياره .. كانت امه موصيته على اغراض يجيبها .. اما عن جود الي .. من امس مايدري عنها .. ولا يبي يسال يخاف من ردها .. على الي قاله لها .. الا يرن جواله .. ورد من غير مايشوف من متصل .. عن طريق السماعه
سعود : الو
.. : مرحبا سعود
سعود تفاجأ : جووود !!!!
جود مستغربه من ردة فعله : ايه جود !! ليه شفيك
سعود : لا ولا شي ما توقعت
جود حست انه فهم ردت فعلها غلط : شكلك طالع !!
سعود : ايه والله الوالده مطرشتني اجيب لها اغراض اليوم .. بيجي الرجال يشوف اختي ساره وتشوفه
جود : ايييه يحليلها الله يهنيها
سعود : امين ان شاء الله
وسكتوا فتــره
جود : سعود انــأ
سعود قاطعها : ادري .. بس والله اني قلت الصج والله ما كذبت عليج في الي قلته والله
جود : طيب وانا كنت انطرك تقولها من زمان
سعود انصدم : كيف !!
جود : ايه يا سعود .. انا بعد احبك .. ومن زمان انطرك تقولها .. وما صدقت انك قلتها
سعود : بس ردة فعلج !!!
جود : كنت منصدمه ومستحيه ماعرفت شقول
سعود استانس : واللله !!!
جود : ايه
سعود : زين قوليها مره ثانيه
جود استحت : شقول !!
سعود : تعرفين شنو يلا امانه
جود : لا ..
سعود : عشاني امانه ..
جود : ....
سعود : انطر ترى
جود بخجل : آآحبك
سعود صرخ : يـالببببييييييه .. وانا بعد احبج
................................

موضوع: رد: روايــة بقـآيـا يتيم 1/10/2011, 18:01

بارت 26
في بيت ابو علي ..
الحريم قاعدين في الصاله .. وام علي في استقبالهم وضيافتهم .. والرجال ما جو .. بس المعرس عشان يشوف البنت .. وكان سعود موجود لاستقباله ..
كل شي صـار رسمي باقي بس .. تنزل ساره ويشوفونها .. وعقبها يدخل المعرس يشوفها ..
ام علي راحت لساره غرفتها ولقتها تصيح ..
ام علي : افا يا ساره ليش تصيحين
ساره : ....
ام علي : يلا الحريم ينطرونج تحت .. وانتي هني تصيحين
ساره : شاسوي يا خالتي اول مره امر بهالموقف ولا احد وياي حتى اختي مسافره .. في اكثر يوم محتاجتها فيه
ام علي : افــأاا وانا وين رحت
ساره : انتي موجوده .. مستقبله الحريم ومن الصبح تكرفين .. بس انا محتاجه حد يقولي الي لابسته اوكي .. شعري حلو ..!! مكياجي ناعم .؟ فهمتيني خالتي !!
ام علي تلقى عليها نظره : الي لابسته وايد حلو .. بس عدلي الميك أب .. وخلي شعرج مفتوح
ساره ابتسمت : شعدل ف الميك أب
ام علي : حطي كحل .. وزودي البلاشر
ساره تشوف نفسها بالمنظره : طيب
ام علي : يلا انا بنزل تحت ننطرج
ساره باست راسها : شكرا خالتي
ام علي اخنقتها العبره : ولو انتي بحسبة بنتي .. وبمعزة دانه
ساره : فديتج ..
راحت ام علي تحت .. وساره عدلت شكلها ونزلت تحت .. وام المعرس (عادل ) امدحتها لين قالت بس .. وقعدت تمدح في ولدها .. مصلي صايم .. ويخاف الله وبار في الدينه .. وماخلت شي زين ماقالته .. ومزيون وجميل .. والكل البنات ميتين عليه .. ويقط الطير من السما
خلته في بال سـاره (( انه شي عجيب ماينرفض .. عجبها المدح وايد حست خلاص هالشخص تبيه .. مافي داعي تفكر .. كانت خايفه من شكله .. وامه تقول مزيون .. بينها وبين نفسسها وافقت ))
ام عادل : طيب ممكن بس يدخل عادل يشوف مرته
هنا ساره ارتبكت .. وقعدت تناظر ام علي .. وام علي فهمتها
ام علي : اكيد بس .. تروح تلبس عباتها
ام عادل : ايه اكيد
راحت ساره تلبس عباتها .. ورجعت وقعدت مكانها
ام عادل اتصلت في ولدها .. ودخلته ف الصاله .. والي موجود كانو خلاته وعماته .. ويدته
ساره لما دخل كانت منزله راسها مستحييه .. تحس انها بتموت من الحر .. من كثر ماهي منحرجه ..
دخل هذاك الرجال الضخم العريض المتين .. الي شال الشنب واللحيه كلها .. وشعر طويل .. والثوب الضيق.. وو كان لا يوصف ..
ام علي اول ماشافته انصدمت هذا الي تمدحه من مساع !! وناظرت ساره الي منزله راسها .. الظاهر للحين ما شافته .. وجاتها الضحكه .. لو تشوفه سارا .. بتنصدم اول يمكن تطردهم بعد ..
ام عادل وتاشر على ساره : عادل هاذي ساره .. مرتك عن قريب ان شاء الله
عادل يضحك بالخفيف وكل جسمه يهتز :.....
ام علي لاعت جبدها وتبي تنهي هالموضوع بسرعه وراحت قعدت احذى ساره ..
ام علي بصوت واطي : ساره ارفعي راسج وشوفيه
ساره بصوت واطي اكثر : ما اقدر خالتي استحي
ام عادل : ارفعي راسج شوفي ولدي شحلاته ..
ام علي مسكت حنج ساره ورفعت راسها : شوفيه
عادل كان منزل راسه بلفيت مستحي وعشان يعطيها فرصه تشوفه
ساره اول ما ارفعة راسها وشافته .. انصدمت وبطلت عينها على الاخر .. شنو هالكائن الكبير الي قاعد جدامها .. ماقدرت تقعد اكثر وعلى طول طلعت من الصاله وراحت غرفتها وسكرت على نفسها الباب
ام علي كانت مستعده لهالموقف .. من اول ما شافت هذا الي اسمه عادل ..
ام علي : اسمحلو لنا البنت خجوله وايد
ام عادل : ايه امبين عليها يحليلها زين ما اخترنا .. حلاة البنت بخجلها
ام علي تبي تنهي الزياره : نورتونا يا ام عادل
ام عادل مافهمت : النور نورج حبيبتي .. ماتقصرين
عادل فهم : يلا يمه مشينا
ام عادل : خلاص اوكي .. يا ام علي ننطر ردكم عشان نتفق على كل شي
ام علي : ان شاء الله خير
وبكذا استاذنوا .. ومشوو .. وام علي قبل لا تروح لساره كانت تعدل الصاله بعدهم
ودخل عليها سعود وفيه ضحكه .. سعود : شخبـــار معرسكم وعروستكم
ام علي تضحك : ههههههههههه الله يستر .. المعرس تححفه .. والعروس مسكره الباب على نفسها
سعود : امأأأأ بسرعه قولي لي شصار
ام علي قالت له كل شي صار . وموقف ساره .. مات من الضحك وراح لساره .. يرفع ضغطها شوي
.....................................
في روما .. الي كانوا يجهزون شناطهم عشان طيارة العوده لقطر عقب ساعات
ياسر : ما نسيتي شي اكيد
ريم : ايه خذيت لفه على الجناح كله
ياسر: طيب انتي نطريني ف اللوبي .. وانا ادفع وبعدها نروح المطار
ريم : طيب
ياسر بنظره : مب تتحركين من مكانج ترا واللله
ريم تقاطعه : توووبه
ياسر ضحك وراح ..
وكلهـا ربع ساعه .. وخلص ياسر من اجراءات الفندق .. وطلعوا على المطار
وهم في سوق الحره ..
ياسر : ودج في شي من هني
ريم : امممم
ياسر : يلا دام باقي على طيارتنا ساعه
ريم : ودي اخذ عطر حق رفيجتي ..
ياسر : طيب هناك قسم العطورات
خذتها 2 لندى وجود .. شقد مشتاقه لهم .. وكانت ملاحظه انه ياسر متضايق او في باله شي مو فاهمته بس هي حاسه انه فيه شي
وبالفعل ياسر كان متضايق انه بيرد الدوحه .. لان الرجعه للدوحه معناته انهم بينفصلون .. مايدري اذا هي للحين تبي تتنفصل عنه ولا غيرت رايها .. عن نفسه هو يبيها بس ما يقدر يخليها على ذمته بالغصب .. خلال اخر الايام الي راحت كانوا وايد اوكي ويا بعض ..بس استمرارهم انه هي بغرفه وهو بغرفه وعايشين كنهم ربع هالشي يخليه يحس انها للحين تبي تنفصل .. بس تعود عليها وايد ويمكن حبهـآ !! بس مو عارف هي شرايها .. ولا كيف بيكون الوضع ف الدوحه .. تنهد وهو قاعد على الكرسي ينطر نداء الصعود لطياره
اما ريم كلش نست هالموضوع .. كل الي في بالها حاليا .. شفيه ياسر متغير من جينا المطار .. وشنو بتشوف من الافلام بالطياره .. وتفكر بامها وابوها واخوانها وربعها الي مشتاقه لهم مووت ..
وبعدهـا بدقايق نادو الركاب عشان يصعدون الطياره .. من روما الى الدوحه
.........................
بيت ابو ياسر
الي كانو مشغولين يعدلون غرفة ياسر الغالي وريم .. لانهم خلال ساعات بيوصلون .. وام ياسر ازعجت انجود بالاسئله
ام ياسر : الساعه كم بيوصلون بالضبط
انجود : يممه قلت لج حول 11 بيكونون ف الدوحه
ام ياسر : طيب قلتي لسايق يروح لهم الساعه 9
انجود : شدعوه يمه الساعه 9 .. بكلمه الساعه 11 يروح لهم
ام ياسر : لالا هم يوصلون 11 تقولين .. تبينهم يتنقعون ف المطار لالا
انجود : يمه تكفين افهميني .. هم يوصلون 11 .. لين ينزلون من الطياره والاجراءات والشنط .. يبيلهم وقت .. قد السايق وصل لهم
ام ياسر : لحوول انا شقلت لج
انجود : براحتج يمه براحتج
نجود وهي رايحه لغرفتها .. تلاقت مع ملاك الي اخيرا طلعت من غرفتها ا
انجود : لالا ما اصدق .. من وين طالعه الشمس
ملاك : من غرفتي
انجود : واخيرا طلعتي من جحرج .. شوفي شكلج كيف صاير
ملاك : اظل احسن منج واحلى .. كان مجرد رجيم قاسي
انجود باستغراب : رجيم!!!
ملاك غيرت الموضوع : متى يوصل ياسر
انجود وهي ماشيه لغرفتها : 11
ملاك : طييب
ونزلت المطبخ . وسوت سويت لياسر وتغني وترقص .. وانجود وام ياسر كانو مستغربين منها .. مو كنها الي صار لها ايام حابسه نفسها ف الغرفه لا اكل ولا اي شي ..
.................................
عند متعب ف المزرعه
الي كان ناوي هو الي يروح المطار يجيب ياسر .. بس قال خلني اتصل اقول لاهل ياسر عشان لا يرسلون السايق .. وبالفعل اتصل
متعب : الوو السلام عليكم
...: عليكم السلام
متعب : من انجود !!
...: لا ملاك .. انت من ؟
متعب : هلا ملاك شحالج .. انا متعب
ملاك اول ما قال انه متعب ظلت ساكته : ......
متعب : الوو .. ملاك
ملاك :.......
ام ياسر : من عللى التلفون
ملاك كانها توها تنتبه : هـذاا .. م مم
ام ياسر : ايه منو !!
ملاك عطت امها السماعه وراحت غرفتها
ام ياسر ترد على التلفون : الو
متعب : هلا خالتي
ام ياسر : منو متعب !!
متعب : ايه يا خاله انا متعب ..
ام ياسر : هلا بولدي شحالك شمسوي .. وين ما عاد نشوفك
متعب توهق : خبرج صرت موظف الحين
ام ياسر : مو عذر يامتعب مو عذر
متعب : معليه ياخالتي اسمحيلي .. بس حبيت اقول لكم اني انا بروح اجيب ياسر من المطار .. لا ترسلون السايق
ام ياسر : طيب طيب بس لا تتاخر عليهم
متعب يضحك : ان شاء الله خالتي .. يالله فمان الله
ام ياسر : الله يحفظك
......................................
فـي السما عالي .. بين الغيوم .. داخل الطياره ..
ريم وياسر .
ياسر .. الي مب عارف شلون يكلم ريم عن سالفة الانفصال انه ما وده فيها
وريم .. الي مندمجه على الاخر مع اللفلم .. وتضحك بعد
ياسر قرر يتكلم : ريييم
بس ريم ماتسمعه لانها مطوله على صوت الفلم ومندمجه : ....
ياسر مسكها عشان تنتبه له : بكلمج شوي
ريم : هلا ياسر شفيك
ياسر : ابي اكلمج شوي
ريم : قول ياسر شفيك
ياسر : اممممم . ريم تدرين الحين راجعين الدوحه
ريم : آييييه !!!
ياسر : ريم ترى احنى راجعين الدوحه .. يعني على كلامي لج من اول يوم عرسنا ..
ريم قبل لا يكمل كلامه تذكرت كل شي .. وانهم الحين راجعين الدوحه .. وهم متفقين ينفصلون لين رجعوا .. كيف بتكون ردة فعل اهلها .. شنو بتقول لهم .. الحين عرفت ياسر ليش متضايق وسرحان في المطار يفكر ف هالموضوع .. الي انا نسيته .. بس انا ابيه اي ابيه .. ما ابي اتطلق .. ما ابي اكون مطلقه ..
ياسر : ما رديتي علي !!
ريم ما سمعت شي اصلا بس قالت : ياسر ما ابي انفصل عنك
ياسر : بس انتي ..
ريم قاطعته وبهدوء : صح انت كنت من اختيار امي وابوي .. مو اختياري .. بس الكلام الي قلته هذاك اليوم كلش ماله معنى .. وانا لاني مغصوبه خذت فكره غلط عنك .. بس عرفتك عدل خلال هالاسبوعين .. وابوي كان صادق واحسن لي الاختيار ..
ياسر كان مستانس من كلامها : ..
ريم : وانا وايد مرتاحة لك
وانتبهت لابتسامه ياسر .. واستحت وحطت السماعات وشغلت الفلم .. وطولت عليه اكثر لدرجة انه ياسر يسمع الصوت
ياسر ضحك عليها .. واستانس من كلامها .. يعني الحمدالله الي كان خايف منه .. ما راح يصير
.......................
بيت ابو علي
عند ساره .. الي قاعده توصف المعرس حق سعود وهو ميت من الضحك
سعود : يعني موافقه عليه
ساره بصارخ : لااااااا طبعا لاااااا
سعود بعبط يعيد : ليش حرام !!
ساره : انت ما شفت وجهه لالا ماشفته
سعود : يعني تبين يجيج واحد جميل ومزيون الشكل مو مهم
ساره : انا ما قلت كذا على الاقل واحد اقدر اطل في ويهه ..
سعود : هههههه ليه هذا شفيه
ساره : وعععع اقولك شايل الشنب واللحيه ودب لاااااا انتم عانس ولا اعرس واخذ هذا
سعود : تصدقين اول ما شفته بغيت اضحك في وجهه
ساره : ماتنلام
سعود : وطول القعده يفوشر في نفسه انا عندي وعندي
ساره تدور عذر : لالا تكفى طلعني ابي انسى السالفه
سعود حس بيتوهق فيها : اوووه الساعه كم الحين نسيت عبود مواعده
ساره : يالكذااااااب .. ترى بوافق عليه واقعد بروحك ف البيت
سعود : لا تكفين لا توافقين .. وافقي انتي الخسرانه
ساره : هههههههههههه سعود امانه
سعود : طيب طيب . وين تبين تروحين
ساره : خاطري اشوف فلم
سعود : طيب
ساره : وبعد اتعشى في الوافي
سعود : اوكي يلا اجهزي
ساره : واخر شي ناخذ اسكريم من هاقن داز
سعود: جنج مصختيها
ساره : يلا اطلع خل ابدل
سعود وهو طالع : انه كيدهن عظيم
.................................................. ......
سلامة الاسفار .. وصلو ياسر وريم لدوحه
ياسر شغل جهازه اول ما وصلت الطياره على ارض الدوحه .. واتصل على متعب
متعب : بالذمه تو ما نورت الدوحه يالذيييب
ياسر : منوره باهلها
متعب : الحمدالله ع السلامه والله واحشني
ياسر : الله يسلمك وانت اكثر والله
متعب : ها وينكم !!
ياسر : شوي وننزل من الطياره
متعب : خلاص اول ما تخلصون من الشناط دقلي اقرب لكم عند الباب
ياسر : طيب
التفت على ريم : يلا ريم .. ننزل عشان ما نتاخر على متعب
ريم : متعب هو الي اول مره جابنا المطار
ياسر يرد عليها وهو نازل : ايه
ريم : شقصته هالانسان وايد تطريه
ياسر ببتسامه : هذا اخوي الي ما جابته امي
ريم : الله يخليكم لبعض
خلصوا من اجراءات وكانو ينطرون الشناط .. واثناء الانتظار .. كان ياسر يسولف حق ريم عن متعب .. وريم بس تضحك .. على سوالفه مع متعب
من بعيد .. عند موقع اخر ينتظر شنتطته وشنطة امه توصل .. (( امبلا هاذي هي ريم ما غيرها .. نفس الوجه نفس الابتسامه .. بس هالابتسامه غير شكلها طالعه من قلبها .. من هذا الي معاها !! اكيد انه ريلها .. آآآآه ياريم ليش طلعتي لي اليوم .. ليش شفتج اليوم ومع من مع ريلج وانتي بقمة الوناسه .. > ومسح الدمعه الي نزلت بسرعه < الله يهنج يا ريم الله يهنج .. )) وخذ شنطته وشنطة امه .. وراح صوب البوابه وهو منزل راسه ما يبيها تشوفه .. طلع وهو مكسور القلب ..
.........................................
بعد ما خذو ريم وياسر الشناط .. اتصل ياسر في متعب .. الي قرب لهم السياره .. وطول الطريق من المطار ليين بيت ياسر .. ومتعب وياسر يسولفون ويضحكون من قلب .. وريم بالكرسي الخلفي .. تضحك بس على الخفيف .. بالمره الاولى كانت مستغربه وبنفس الوقت تحسهم سخيفين .. اما الحين سوالفهم حلوه وتضحك بالنسبه لها .. وضحكت متعب تخليها خلاص تدمع من الضحك .. مسكينه تبذل جهد وهي تضحك عشان صوتها ما يطلع ..
ولما وصلو بيت ابو ياسر متعب تعذر بالوقت وراح لبيته ( المزرعه ) وانواع الترحيب من ام ياسر و انجود وملاك وابو ياسر .. لهم وقعدو كلهم ف الصاله وريم قعدت جنب مدرستها ايام الثنوي نجود وتسولف وياها وياسر يسولف مع امه وابوه ..
ياسر انتبه انه ملاك اختفت : الا ملاك وين راحت
وعلى نهاية اخر كلمة جات ملاك : انا هني مسويه لكم خوش طبق سويت
ام ياسر والابو وانجود مستغربين منها بس ساكتين .. وحتى ياسر ملاك ام اللسانين !! تسوي طبق سويت
ياسر : اما انه انتي الي سويته !!
ملاك بغرور : والله انا
انجود : ايه هذا هي مسويته اليوم .. غريبه مو !!
ياسر وهو يناظر ملاك : جنج ضعفانه
ملاك توترت : ...
انجود : مسويه رجيم قاسي
ياسر باستغراب : رجيييم !!
ملاك : ايه رجيم .. حسيت اني دبه حبتين قلت خل اضعف
ياسر : مايسوى عليج .. خربتي شكلك صرتي جنج وحده مريضه
ملاك توهقت : هآآآ لالا انا اشوف انه حلو
ياسر : لالا مب عاجبتي جي .. يبيلج دكتور غذائي .. جوفي ويهج شلون صاير
ملاك من سمعت كلمة دكتور عصبت : شفيك ماتفهم .. انا عاجبني جي انت شعليييك
وراحت غرفتها وسكرت الباب
ياسر وريم انصدمو .. انا الباقي تعودوا .. وابو ياسر صار رجال كبير مايقدر يقول شي مخلي كل شي لياسر
وحتى ام ياسر زهقت منها .. وانجود صارت ما تكلمها لانها دوم تنجرح من ملاك
ياسر : شفيها هاذي
ام ياسر ترقع لها : يعني ماتعرف ملاك ماتحب حد يذمها
ياسر : السالفه ماتسوى ترى حق كل هالصراخ
انجود : بعد ملاك هاذي
ياسر : يامثبت العقل والدين .. ( والتفت على ريم ) هآآ اوديج عن اهلج
ريم : اوكي
ام ياسر : وين وين الوقت متاخر
ياسر : امها وابوها واخوانها ينطرونها
ام ياسر : تروح لهم بكرا
ريم : معليه خالتي .. مشتاقه لهم وهم ينطروني حرام
ام ياسر : من اصبح افلح
ابو ياسر : خليلها يا مره مشتاقه لاهلها
ام ياسر : على هواكم
ياسر : يلا مشينا
وراحت ريم بيت اهلها .. ونامت عندهم في هاليوم .. ورجع ياسر البيت .. ولقى انه الكل راح ينام .. وهو بعد اتجه لغرفته تعبان من القعده ف الطياره .. وحذف نفسه على السرير ونام .. حتى من غير ما يغير ملابسه
عند ملاك الي بدت تخطط .. شلون تطلع من السالفه مثل الشعره من العجينه .. وكانت اول مخططاتها .. تجيب رقم متعب .. وتروح المستشفى .. لانها كانت وايد خايفه انها تحمل .. حتى قبل لا تطلع الاعراض تبي تشوف .. لانها خايفه من هالموضوع وايد ..
وتذكرت انه متعب متصل اليوم .. وراحت الصاله .. وطلعت من التلفون الوقت الي اتصل فيه وخذت الرقم .. وسيفته عندهـا .. << الله يستر منج

موضوع: رد: روايــة بقـآيـا يتيم 1/10/2011, 18:02

بارت 27
بعد مرور حول الاسبوعين على الاحداث الي طافت .. ( بارت 26 )
ريم وياسر .. الي تعدلت علاقتهم تقريبا.. وكل واحد فيهم يحمل لثاني في قلبه مشاعر واحساس بس كلن مخبي بقلبه .. صارو ينامون بغرفه وحده وتعاملهم تعامل اثنين متزووجين عكس لما كانو بالروما ..
متعب وغلا . هالاثنين الي عانوا في حياتهم ( متعب توفو امه وابوه وهو توه 14 سنه ) ( وغلا الي توفه ابوها وهي صغيره ... وتعبت مع امها المريضه الين توفت ) الاثنين يتامى .. ومع بعض كلن بيعوض الثاني ان شاء الله .. وهم ينطرون اليوم الي يجي فيه متعب ويخطب غلا رسمي .. لانه ام ياسر قد كلمة مرت خال غلا .. بالتلفون ..
جود وسعود .. بعد اعترافاتهم . .تحولت علا قتهم الى حب .. وصارو يتهاوشون وايد .. الاثنين الغيره واضحه عليهم .. بس كلن ينكر هالشي
ملاك .. من اسبوعين والشيطان يوسوس عليها .. خايفه تروح المستشفى ويصدمونها .. ولان حست بأعراض بس تنكرها .. مر على الحادثه شهر .. والدوره الشهريه ما جاتها .. قررت تروح المستشفى تنهي هالشي والسواس الي مصيطر عليها .. لان بدى يبين عليها .. وهي ماتبي هالشي ..
سـاره .. بعد الخطبه الي صارت .. والمعرس العجيب .. قررت تشل سالفه الزواج من راسه لين تكممل دراسه .. وبلغت ام علي .. انها ماتجيب لها طاري العرس مره ثانيه ..
يوم جديد لابطـالنـأ ..
الصبح الساعه 10 .. وكل منهم عنده مشروع ..
عند ملاك الي كان مشروعها تروح المستشفى .. قامت من الصبح .. ونزلت تتريق . كان اغلب البيت نايم .. ماعدا ريم الي كانت توها صاحيه
ريم : صبـاح الخير ملاك
ملاك بدون نفس : هلا صباح النور
ريم : شعندها من الصبح قاعده .. تستعدين للجامعه !!
ملاك ضحكه بارده : ههه عندي شغل .. انتي ليش قاعده
ريم حست انها ثقلت : اهاآآ .. لا بس قمت اسوي لياسر ريوق ..
ملاك انصدمت : ياسر قـاعد !!!!
ريم استغربت : ايـه .. يتسبح .. تبينه !!
ملاك توهقت : هآآآ لالا .. يلا انا رايحه تاخرت على موعدي
ريم : الله يحفظج !!!
ملاك راحت المستشفى .. وريم دخلت المطبخ تسوي لياسر ريوق
عند ياسر الي بعد ما خلص من السبوح .. واتصل في متعب .. وكان مشروعه يروح معاه الحلاق لانه اليوم بيروحون يخطبون الرجال غلا رسمي ..
ياسر : ها قاعد
متعب : وبكامل قواي العقليه .. انت وين !!
ياسر : شنو شعورك الحين
متعب : خايف خايف .. غلا بس امس تقولي عن خالها الزطي .. اخاف يسوي سالفه
ياسر : ان لك نصيب فيها بتاخذها وانا اخوك .. غصبن عن خالها
متعب : زين متى تجيني !!
ياسر : هذا انا متسبح وخالص .. بس اتريق واجيك
متعب : طيب طيب ..
ياسر : انت تريقت !!
متعب : ايه خوش ريوق من يد كومار
ياسر : اييييه عقبها بتاكل من يد الحبب
متعب : ههههههههه الله يسمع منك .
ياسر : يلا اقلب ويهك .. ياشينك على الريج
متعب : باطوفها لك لان اليوم بخطب بس
ياسر : سسسلام يا المعرس
متعب : سلام ..
طلع من الغرفه وراح لغرفة الطعام ولقى الاكل جاهز .. على طول قعد .. الا ريم جايته والشاهي في يدها
ياسر : يعطيج العافيه
ريم : الله يعافيك
ياسر : شششنو يوعــأن
ريم قعدت بالكرسي الي قريب منه وصبت له الشاهي : اكل جعله هني وعافيه
ياسر : يازينج عالريج .. عكس متعبوه
ريم استحت : هههههه ليه حرام
ياسر ويأشر على وسط رقبته : هنا هنا يشير
ريم : ههههههه شنو جدولكم اليوم .. خطبة متعب صح ّ!!
ياسر : ايييه اليوم نخطب له البنت الي يبيها .
ريم : صجج .. يحبها !!
ياسر : ايه صار لهم كم سنه الحين .. من ايام المانيا
ريم سرحت .. طرى على بالها ايامها مع فهد .. وبسرعه ردت لها الحاسيه .. وحمدت ربها انه ياسر ما انتبه لها
ريم وبسرعه : الله يهنيهم ..
ياسر وهو يقوم : يلا تبين شي من برا
ريم : سلامتك .. بس يمكن اروح بيت اهلي .. بيجوني ربعي هناك
ياسر : ليه مايجونج هني !!
ريم : تعرف بنات .. ياخذون راحتهم هناك اكثر
ياسر : طيب طيب .. اذا كنت موجود انا بوديج واذا تاخرت روحي مع السايق ..
ريم : اوكي .. دير بالك على نفسه
ياسر وهو طالع : ان شاء الله .. يلا سلام
.........................
ف المستشفى ..
عند ملاك الي تنطر دورها عشان تكشف عليها الدكتوره .. ومو منتبه حق الي يراقبونهـأ من بعيد
الرجال : هي الحين في المستشفى طال عمرك
ناصر : ليه وشعندها !!
الرجال : والله مادري
ناصر : حاول تعرف باي طريقه .. واذا طلع الشي الي فبالي .. لك عشره
الرجال : والله !!
ناصر : في مره وعدت ومانفذت !!!
الرجال : السموحه طال عمرك .. دوم توعد وتنفذ
ناصر : يلا شوفلي شالقصه ورد علي
الرجال : حاظر
اما ملاك الي كانت على اعصابها على الاخر .. متوتره .. خايفه وكل شي
الممرضه : ملاك
ملاك سمعتها بس ماردت .. خايفه تدخل : ...
الممرضه : ملاك فلان الفلاني
ملاك قامت : انـأ انـأ
دخلت ملاك على الدكتوره ..
الدكتوره : هلا اختي .. شنو الي تشتكين منه !!
ملاك توهقت : أأأأأأأأ
الدكتوره : في الم في مكان معين .. شتحسين فيه !!
ملاك وبسرعه : انا ابغي اكشف اذا انا حامل ولا لا !!
الدكتوره : ان شـاء الله خيــر
وخذت ملاك مع الدكتوره حول الثلث ساعه . وقالت لها
الدكتوره : .. بكرا تعالي وتعرفين النتيجه
ملاك : لالا ما اقدر انطر لين بكرا
الدكتوره : التحليل ياخذ وقت
ملاك : تكفييين ابي ارتاح
الدكتوره: طيب طيب عطيني رقمج وانا بحاول استعجل ف التحاليل واكلمج
ملاك : مشكوووره والله مشكوووره ..
الدكتوره : ولو .. ان شاء الله تطلعين حامل وتفرحين فيه
ملاك : الله لا يقول
الدكتوره ماسمعتها : نطري مني الاتصال ع خير ان شاء الله
ملاك : اوكي .. وطلعت
..........................................
بيت ام علي
سعود يصارخ : سسساروه بسرعه تراني مستعيل
ساره وهي نازله : يلا يلا هذا انا جيت
سعود : سنه سسنه
ساره : مايسوى علي تاخرت دقيقه
سعود : لا يكثر
وركب السياره .. وراحوا اللاند مارك .. ساره كان ناقصها كم شي .. ورايحه تاخذه .. وسعود ذلها على هالطلعه ..
حول النص ساعه الا هم في اللاند مارك .. يدورون ف الاسواق
سعود وهو شايل الاكياس : اففف انتي قلتي كم شي مب كل هاي
ساره : سعود شفيك .. ياخي من زمان ما تسوقت
سعود : اقولج مشغول .. بروح الصناعيه
ساره : مراح تطير اوف اوف .. خلني اعرف اتسوق
سعود : انـا براااا
ساره ما ردت عليه ..
طلع سعود وهو يتحلطم : هذا الي ناخذه من البنات الدواره وراهم ف الاسواق والحنه .. لو خذت جود بتسوي فيني جي .. مب احسن لها والله ..
....: ههههههه شفيك شفيك تتحلطم
سعود يناظر من هالشخص : اووووه عبوووود
عبدالله يسلم عليه : يالخاين شتسوي ف اللاند بدوني
سعود ويرفع له الاكياس : والله مع الاهل
عبدالله : هههههه الله يعينك ..
سعود : وانت شعندك !!
عبدالله : ابد والله فخاطري بنك بيري .. وانا طالع
سعود : هههههه مسككككين
قاطعتهم ساره وهي تصوت على سعود وما انتبهت حق عبدالله : سسسسعود تعال ابي 20 ريال
عبدالله التفت لصوت ناظرها شوي وبعدين : يلا انا استاذن بينا تلفون
سعود وهو منحرج من اخته : اوكي .. الله يحفظك
سعود راح لساره وهو معصصب
ساره : اسفه والله اسفه ما انتبهت انه معاك حد
سعود وهو يعطيها الفلوس : انا فالسياره
ساره : افففف زين زين
سعود راح السياره .. وهو لقاها حجه انه يطلع من المجمع زهق وهو يدور وراها
امـا عبدالله ( سعودوه هذا .. عنده اخت مثل هذاي .. وساكت .. شفيك عبدالله تبيه يقولك عندي اخت حلوه .. بس ماشاء الله عليها ماشاء الله .. جممميله .. وينها ووين سعود .. بس كنه نفس العيون .. عبدالله مداك تقزز التشابه الي بينهم !! الله يحفظها ياربي )
..............................................
في الحلاق عند ياسر ومتعب
متعب : شرايك .. سكسوكه ولا عارض خفيف
ياسر : لا انت احلى بالسكسوكه
متعب : طيب .. الا الساعه كم بنروح
ياسر : بعد المغرب
متعب : طيب البس ثوب زرار ولا هدد
ياسر : زرار اكشخ
متعب : امممم انزين
ياسر عصب : خلااااص بسك اساله .. يييه
متعب : شفيك شفيك .. مايسوى علي
ياسر : سندرتني بهالاساله من امس
متعب : اسفين زين
ياسر : احلق وانت ساكت
متعب مارد عليه ...
......................
المــغرب .. بيت ابو ياسر
غرفة ياسر وريم .. ياسر كان يجهز للخطبه .. وريم تجهز له الغتتره وتبخره وكل شي ..
ياسر : سوري ريم خلي السايق يوديج .. تشوفين الوضع ما يمدي
ريم : لا عادي مب مشكله بروح وياه
ياسر وهو يشوف نفسه بالمنظره : ها شرايج فيني
ريم وهي تناظره : زقرررت
ياسر يرفع حاجب واحد : مزيون !!
ريم : هههه ايه
ياسر : الله يحفظني من العين يعني
ريم فهمت له : الله يحفظك من العين ويخليك
ياسر لف لها وقرب منها : يخليني لمن !!
ريم استحت : لنــا
ياسر : من انتو !!
ريم : اهلك ..
ياسر : بس !!
ريم : ويخليك لي انا بعد
ياسر باسها على راسها : ويخليج لي
ريم استحت : ......
ياسر طلع من الغرفه .. وخذ ابوه ومر على متعب وراحو بيت خال غلا
اما ريم .. جهزت وراحت بيت اهلها تنطر ربعهـأ يوصلون ..
ومــلاك .. كانت قاعده بالغرفه ومنزعجه من خطوبة متعب ومحتره . ومتوتره من الخبر الي تنطره
وكانت تبي تطلع تشوف الوضع ف البيت .. لان الكل كان مشتط حق خطوبة متعب .. حتى انجود
قبل لا تطلع من الغرفه جاها مسج .. ورجعت لجوالها وفتحت المسج
(( مبرووووك حبيبتي .. انتي حــامل وبنهاية الشهر الاول .. الدكتوره حصه ))
.............................
بيت ابو ريم ..
كانت ريم قاعده مع الصبايا .. ندى و جود .. من زمان عن هالجمعات
ريم : اووف ما بغينا نتيمع من رجعت من السفر وانا احن عليكم
ندى : شنسوي بعد لكن هذا احنى تجمعنا
جود : ايه والله اما انه عندي سوالف ..
ندى : لالا اول شي نسمع سوالف شهر العسل حق ريم
جود : ايييه صح قولي لنا شصار
ريم : شقول لكم وشخلي يا بنات
ندى : اول شي نبي المواقف تضحك
ريم تفكرر وفجاه ضحكت : هههههههههههه
جود : هــااا هالضحكه يعني تذكرت شي جايد
ريم : ايييه سمعوا
ندى : نسمع ..
ريم : مره كانا طالعين نتمشى ..
جود : طيب
ريم : المهم ..
(( ياسر : اووف راسي يعورني
ريم : فيه كوفي هناك خذ لك قهوه تضبطه
ياسر : اوكي انـا بروح اجيب شي نشربه
ريم : طيب انا بكون فهالمحل
ياسر : اوكي تبين شي
ريم : موكـا
ياسر : اوكي
وراح بتجاه الكوفي .. وكان فيه رفعه ما انتبه لها ياسر .. وانا كنت اناظره .. مسكين ما انتبه لها وطب على ويهه قدام الناس .. انسدح يعني .. وشكله من الفشيله او يبي يرقع .. سوى نفسه يبي يسوي ضغط .. وبعدها قام ولا كنه صار شي ))
ريم : انـا هنــا مت من الضحك قعدت على الارض واضحك عليه كيف رقعها .. وعلى فكره التفت علي يشوفني شفته ولالا .. بس انا ما كنت ابين له
جود : كآآآآآآآآآآآآآآك ما اتخيل الموقف
ندى : يييه شلون رقعها هههههه يحليله ريلج شكله كيوت
ريم : اي والله انه خوش رجال
وبعدها قعدت ريم تقول كل شي صار لها . وانصدمو منها عن الي صار باول يوم .. وبعدها جود قالت اخر التطورات مع سعود .. وندى وهواشها مع بنات عمها
....................
نروح شوي للخطبه الرجال
جو متعب كان منزعج على متوتر على معصب من خال غلا .. بس مستحمل .. وياسر يرقع وابو ياسر بعد
خال غلا : وين تشتغل
متعب : ف الديوان
خال غلا : عندك بيت لبنت اختي .. ولا وين بتسكنها
ياسر : عنده فله
خال غلا : تكتبها باسمها
بو ياسر : والله هاي شي راجع له هو مو بالغصب
ياسر : بيته هاي ماتجربه
خال غلا : اوكي اوكي .. شكثر بتدفعون مهر !!
متعب : الي تبونه
خال غلا : 150
متعب بطل عيونه : 150 !!!
خال ياسر : ايه بنت اختي غاليه علي .. ومانزوجها برخيص
ياسر : الي تامرون فيه حاظرين
خال غلا : خلاص نشوف راي البنت ونرد عليكم
ابو ياسر :على خير ان شاء الله
........................
امـا ملاك
الي بعد الخبر .. انجنت .. وشتسوي الحين في طفل في بطنها .. وشتسوي االحين .. بعد كم شهر بيكبر .. وشتقول !!! .. تقول لمن؟؟ ماعندها حد تشكي له .. يساعدها .. وقعدت تظرب في بطنها .. وتبكي .. اليــن نـأمت على الكرسي ..
وخبر حملهـأ وصل نـاصر .. الي استانس ع هالسـالفه .. وصدق في وعده وعطى الرجال 10 مثل ما كان واعده .. هين يا ملاك .. وبعدج بتشوفين مني وآآآيد .. على نذالتج وحقدج وحقارتج مع الناس !! واستهزاءج معاي ..
............................
وانتهى هاليوم .. بالايـأم الجايه شنو ممكن يصير !! الله اعلم .. انتظروني باخر 3 اجزاء

موضوع: رد: روايــة بقـآيـا يتيم 1/10/2011, 18:03

بارت 28

كان متعب يمشي في مكان كل الي حوله كان يحترق .. يمشى خايف انه يحترق هو بعد .. مشى وقت طوويل .. الين لمح ياسر وغلا يمشون قدامه .. ومتعب يصررخ عليهم ..

متعب : يـاسسسر ياسسسر .. رد علي تكفى .. غلااااااا .. غلا شفيكم ماتردون علي !!!

صار يركض عشان يلحق عليهم .. بس كل شوي يبعدون ويصيرون ابعد .. لين وصلو ياسر وريم عند باب ودخلوه وناظرو في متعب .. وسكروا الباب عنه .. ظل يطق الباب ويطق الين سمع صوت من وراه
...: تعال يامتعب معانا .. تعال
متعب التفت لصوت : يمممه !! يبببه !!
ام متعب تفتح حظنهـا : ايييه امك يامتعب .. تعال اشتقنالك
ابو متعب : تعال ياولدي تعال
متعب : شلون شلون !!!
ام وبو متعب : تعــال .. يامتعب تعال مع امك وابوك اريح لك
متعب : جايكم جايكم
متعب صار يمشي تجاههم .. وصل لهم كانو ينطرونه عكس ياسر وغلا الي راحو وخلوه .. مسك ايدهم وراح ويــاااهم يمشي ..

فجــــــــــــاه ...

متعب قام من النوم : بسسسسسسسم الله بسسسسم الله شهالحلم .. ( يتنفس بالقو ) ان شاء الله خير يارب ان شاء الله خير .. ياربي شهالحلم !!!!
ويررن جواله .. وكان المتصل غلا ..
متعب : هلا غلا
غلا : شحالك حبيبي !!
متعب : والله بعد هالحلم .. مو بخير
غلا : شحلمه !!
متعب : كلش كلش مب حلو الحلم .. مافهمته
غلا : دام انه مب شي لا تقوله لحد .. وان شاء الله خير
متعب : الله يستر .. وان شاء الله خير
غلا تبي تغير الجو : يقولون بعد يومين مجلتنا وخطوبتنا
متعب : ايييه مب متخيل متى يجي هاليوم .. مستانس مستانس اني بتزوجك واخيرا يا غلا
غلا : ان شاء الله يعدي هاليوم على خير
متعب : متى يجي بعد بكرا متى
غلا بخجل : قررريب
جا متعب خط ثاني ..
متعب : غلاوي .. حبيبتي عندي خط اشوف من وارد اكلمج
غلا : طييب
سكر من غلا ورد على الخط الثاني
متعب : الـوو !!
.. : هلا متعب شحالك
متعب : طييب .. من !!
..: انـأ ملاك اخت ياسر
متعب : ايييه ياهلا والله باختي شخبارج !!
ملاك عصبت بس لازم تمثل : اهليين .. انا مو زينه انا في مصيبه يا متعب
متعب : افـااا افاااا .. وانا اخوج .. شفيج امري
ملاك : لا ماينفع ف التلفون !!
متعب : !!!
ملاك : نص ساعه وانا عندك في المزرعه !
وماعطته فررصه .. وسكرت التلفون

متعب ( شفيهـا .. شهالموضوع الي بتجي لين المزرعه تقوله .. اقول لياسر .. لا حرام البنت لجأت لي الا انها؟؟ .. مادري مادري .. تجي ونشوف )

ورجع اتصل حق غلا .. وظلو يسولفون ..
...............................

سعود الي كان يدور ف السياره .. ينطر اتصال من عبدالله عشان يروحون الصناعيه .. ناقصته اغراض للسيارته .. زهق .. لان عبدالله شكله مطول .. واتصل في جود

جود : حبيبي متصل فيني الحين
سعود بملل : شفيها يعني !!
جود : لا بس غريبه يعني مو حزتك
سعود : لا بس وحشتيني
جود : صجج عاد
سعود : ليكون مو مصدقه بعد !!
جود : لالالا مصدقه ..
سعود : حسبالي بعد
جود : زين يوم انك اتصلت بقولك
سعود : هلا
جود : بكرا بطلع مع ربعي ..
سعود قاطعها قبل لا تكمل : لا
جود : شنو لا خلني اكمل
سعود : قلت لج طلعات البنات بروحكم لا
جود : سعود انا مب ياهل .. بعدين من متى ماطلعنا .. واحنى ما راح ندور .. بنتعشى وبنرد
سعود : قلت لج لا
جود : افففف شقول للبنات
سعود : سعود مارضى
جود : عاد سعود لا تخررب والله اني مشتطه حق هالطلعه
سعود : متى !! واي مطعم !!
جود : بكرا .. تشيليز
سعود : اوكي .. روحي
جود : صجج والله !!
سعود : ايه .. بس كلميني قبلها
جود : ياااحبني لك .. ان شاء الله
سعود وده يضحك ماتدري شنو ناوي عليه هو : .....
..........................................

في احد المطاعم .. ياسر وريم يتغدون

ياسر : تعرفين هالمطعم له ذكرى لمتعب
ريم : شنو
ياسر : اول مطعم يدخله .. بعد سنين الحبسه ف المزرعه .. فشلني هذاك اليوم
ريم : هههههه شلون
ياسر : ياكل الباستا بيده ..
ريم : هههههههههههههه وعللليه .. من صج يعني كان مايعرف
ياسر : اي والله بعد تعب رضى يتطور .. وتطور مره وحده .. مب بشويش غريب هالانسان
ريم : دوم ودي اسالك ماعندك ربع غير متعب !!
ياسر : اعرف ناس .. بس مثل متعب لا ماعندي
ريم : لازم يكون عندك كذا واحد على الاقل 2 .. لا انشغل ذي تلجأ لثاني

ياسر : متعب عباره عن 30 واحد .. لو هو في عز شغله واقوله محتاجك بيجي يطير .. وبيسويلي الي ابي والله ما اتخيل الحياه بدونه .. تخيلي .. من عرفته ماقد مره تهاوشنا .. نختلف على اشياء بسيطه وبالضبط ساعه .. ما كنه صار شي .. طبعا هاي على ايام كنا يهال .. اما الحين وينا ووين الهواش .. اصلا متعب من النوع المتنازل دايم .. ايام الثنوي كان يبط جبدي .. لما نلعب كوره مثلا.. هم الي يعورونه وهو الي يعتذر ينرفزني ..

ريم : هههههه ياحليله .. الله يخليكم لبعض
ياسر : امييييين
ياسر : شرايج نروح البحر .. عقب العشى
ريم : والله فكره الجو وايد حلو
ياسر : صـار عيل
...............................

ملاك بعد ماعرفت انه ياسر طالع مع ريم .. بيرد متاخر .. واكيد بينام يعني مافي امل يروح لمتعب المزرعه الحين .. وهي 3 كانت في المزرعه .. وكانت معاها وحده فلبينيه .. وعندها كيمرا !!!!!
وادخلت البيت بروحهـا .. استقبلها كومار

كومار : اوو ماما ملاك .. كيف حال
ملاك خايفه من الي بتسويه ف كلش مب وقت كومار : هلا هلا وين متعب
كومار : فيه فوق
ملاك : روح ناده
كومار : اوكي
راح كومار ينادي متعب .. الي كان للحين يكلم غلا على الفون .. طق الباب
متعب : لحظه غلا
غلا : اوكي
متعب قط التلفون وراح يفتح الباب : هلا كومار !!
كومار : ماما ملاك فيه تحت
متعب ظرب راسه : هاذي من صجها جات لحوول
كومار مافهم : شنو !!
متعب : نازل نازل
رجع كلم غلا وقال لها .. بكملج بعدين ..

(( ملاك طول هالوقت تجهز الكلام .. وتجهز الصيحه عشان تشتغل تمثيل على متعب .. ولقتها فرصه خلت البنت الي وياه تدخل وخلتها بموقع بحيث انها ماتبين .. وتصور على راحتها ))

اول ماشافته نازل من الدري .. سوت نفسها تصيح .. وراحت ترركض وطبت في حضنه
متعب توهق استغرب ماعرف شيسوي ظل متيبس في مكانه : ...
ملاك تبكي وتضمه اكثر : والله يا متعب مالي غيرك انا في مصيبه .. مو عارفه شسوي
متعب وجهه صار احمر .. متوهق .. شفيها هاذي ترى ملجتي بعد بكرا !! مب عارف شسوي : ..
ملاك : ماعندي الا انت ياسر لو درى بيعصب .. بس والله مب قصدي والله
متعب واخيرا نطق : آآآآ ملاك بس ممكن عشان افهم
ملاك وخرت عنه وانها تمسح دموعها : اسفه .. مب قصدي بس غصبن عني
متعب وعلامات الاستغراب موجوده : حيـاج ف الصاله .. بروح اجيب لج شي تشربينه
ملاك : اوكي
راح متعب .. : شتتتت هاذي شمسويه .. !!! .. وليش تلجأ لي انا .. مالي ومال المشاكل انا .. ياررب .. اوكي قلنا بعد ياسر تشوفني انا اقرب .. بس تحظني ليش !!! .. استغفر الله زين ما شافنا كومار بيفضحنا
جاب لها كآس ماي وراح لها الصاله .. ولقاها تصيح !!
متعب : تفضلي
ملاك : مشكور
وراح قعد بعيد عنها .. بس مقابلها ..
ملاك في قلبها وهي تشرب الماي وتناظره ( هين يا متعب ) لما خلصت نزلت الكاس .. وردت تصيح
متعب : خلاص يا ملاك فهميني شسالفه !!!
ملاك : شوف القصه ومافيها .. في واحد قص علي
متعب اعتدل في قعدته : طيب !!!
ملاك قامت من مكانها وراحت قعدت يمه : قال انه يحبني ويبي يتزوجني وانا صدقته .. والحين
متعب : والحين شنو !!!
ملاك : يهددني بصوري .. يبي ينشرهم
< وحذفت نفسها في حظنه مره ثانيه ..
متعب ف قلبه .. وبعدييين : ....
ملاك : والله محتاجه لك يا متعب .. مالي غيرك .. ياسر لو درى يذبحني .. بس شسوي هو كذب علي !!
متعب انكسر قلبه عليها .. وهو دايم يقول انه اخوهم الثاني لو انشغل ياسر :...
ملاك : ماعرف شاسوي يا متعب .. لو نشر صوري باروح فيها
متعب صار يمسح على شعرها كسرت خاطره : ماعليج .. يهبى والله انتي عطيني رقمه وانا ارويج فيه
ملاك قامت من حضنه وابتسمت : صج والله !!
متعب رد لها الابتسامه : ايه صج ..
ملاك : مشكور والله مشكور ماتقصر
متعب قام ومن عندها : ولو انتي مثل اختي .. ولزوم نأدبه هالحيوان .. ونعلمه كيف يلعب باعراض الناس
ملاك : مشكور
متعب : مابينا شكر ياملاك
ملاك : طيب انا بروح الحين مابي حد يعرف اني كنت هني بلييز
متعب : ماعليج محد راح يدري
ملاك : بس ممكن كاس ماي ثاني !!
متعب : اكيد

وراح يجب لها وهي فالحظه طلعت البنت الي جات معاها بسرعه على السياره .. ورجعت مكانها .. جا متعب وشربت شوي وعطته رقم من ارقامها المسكره .. بلفيت رقم الرجال .. وطلعت .. وهي مستانسه على الي سوته !!!
متعب حركاتها ما حبها كلش .. وماعرف شيسوي حزتها .. بس ساعات يعذرها وساعات لا .. والحين هو متوهق شيسوي مع هالرجال .. وهو مايحب المشاكل .. بس تبقى ملاك من اهله .. يعني عرضه هو بعد .. ولازم يسوي شي ..
..................................

نرجع لريم وياسر .. الي كانو على البحر .. ولازال حديثهم عن متعب
ياسر : تصدقين .. متعب يحب يخرب علي طلعاتي
ريم : شلون
ياسر بصراخ : من طلعنا واحنى نسولف عنه .. ياربي غثيث هالرجال
ريم : ههههههه هو شله خص انت الي تسولف
ياسر : مادري والله هههههه
ريم : الجو وااايد حلو
ياسر : ايييه شي .. تسبحين !!
ريم : هآآآآ !! شنو اسبح لالالا
ياسر : عادي ماتعرفين
ريم تحسبه يتغشمر : بلا .. بس لالا .. ماعندي ثياب
ياسر : عادي بنتم هنا لين تنشفين !!
ريم : ههههههه والله !!
ياسر راح لها وشالها : اي والله
ريم انصدمت منه : لالالا ياسر تكفى لا نزلني
ياسر : يلا ماعندنا بنات يقولون لا
ريم تصرخ : ياسررر .. نزززلني
بس وين .. ياسر مايسمعها .. دخل هو بثوبه وحالته .. وهي بعبايتها .. الين صار الماي يوصل لركبته وقف ونزلها
ريم : يالمينووووون شسويت .. افففف الحين شسوي
ياسر : من المينون !!!
ريم : انت بعد من !!
ياسر : اوكي
وصــأر يرشها بالماي .. سبحها دمرها زياده ..
ريم تصررخ : يااااااااسر خلااااااااص
ياسر : ههههههههههه قولي انج تحبيني اول
ريم سكنت مكانها : شنو !!
ياسر وقف يطالعها : سمعتيني !!
ريم : ...
ياسر رفع راسها : ريم
ريم ناظرته : ....

ياسر : ريم انـا احبببج .. ماتتخيلين شكثر والله .. احس لو تبعدين عني شوي ما استحمل .. اضيق والله .. انا يمكن مب بس احبج .. انتي خبلتي فيني .. امووت فيج انا .. ويمكن اكثر .. بس مادري تبادليني الشعور ولا .. من زمان ودي اقول بس ..

ريم حطت يدها على شفايفه ( بمعناة اسكت ) : انت زوجي وحبيبي وحياتي .. وكل شي .. وطبعي وتاكد اني بعد انا ابادلك نفس الشعور .. بس كنت انطرك انت تبدى .. انت لو يصير فيك شي يا ياسر انا ماعرف شبسوي بدونك !!
ياسر ابتسسم ابتسامه كبيره .. وضمهــا وسط البحححر
.................................
في الصناعيه .. عند عبدالله وسعود
سعود : بكرا تجي وياي عازمك
عبدالله : وين !!
سعود : تشليز .. عشى
عبدالله : الله الله شعندك صاير كررريم !!
سعود يضحك : بس هيك
عبدالله : اشكره وراك شي تكلم
سعود : ياخي عازمك وخلاص
عبدالله : زين زين .. انت مرني عيزان اسوق
سعود : ترى العزيمه بكرا وانت من الحين عيزان .. المهم اوكي بمرك
عبدالله : هههههه . زهق يا خي الدوحه تجي نسافر
سعود : وين !!
عبدالله : الامارات مثلا !!
سعود : فكره والله بس ماضن الحبايب يرضون
عبدالله : لحوول .. الحمدالله ياربي انه ماعندي جان محبوس في الغرفه
سعود : هههههههههههههه والله الحب حلو .. والغيره حلوه .. حتى الهواش معاها حلو لامن تراضينا عقب
عبدالله : الله يهنيك .. بس بعدين عني
سعود : مالت عليك شعرفك يا شيخ
عبدالله : خلينا المعرفه لك الله يسلمك
..........................

امـأ ملاك اللي الله يستر منهـا .. عجبتها الصور وآآآآآيد .. ونسخت منها 3 نسخ .. لياسر نسخه ولغلا نسخه .. ولمتعب نسخه .. هو ياسر بيعصب بيعصب .. بس لما يدري انه سبب حملها متعب .. بيعصب على متعب مب علي انا !!! .. انا بقول انه قص علي .. وهالسالفه من سنين .. ادري ياسر مب مصدق الا بدليل .. فعشان كذا الصور هي الدليل .. وبعد في فكرره براسي .. لازم انفذها بكرا قبل لا يملجون .. ويتزوجني انا بالغصب !! .. يرقع سواد الوجه الي سواه .. وتضحك بصوت عالي على افكارها .. وانها بتطلع مثل الشعره من العجين ..

موضوع: رد: روايــة بقـآيـا يتيم 1/10/2011, 18:04

بارت 29 < قبل الاخيــر
يــوم جديد للكــل .. فيه الي متحمس لبكرا .. مثل متعب وغلا
وفي الي متحمس لشنو بيصير اليوم .. مثل ملاك وسعود
وفيه الي عايش حياته بطول وبالعرض ومستمتع بكل لحظه تمر عليه .. مثل ريم وياسر
........
في المزرعه .. قام متعب بروقـان
وجا يبي يتصل لغلا .. وبعدها تذكر انها قالت له لايكلمها الا عقب الملجه
متعب يكلم نفسه : جات على يوم واحد يا غلا .. الله يهداج بس
ونزل وراح المطبخ .. وسواله هذاك الريوق المحترم .. وبعدها نزل ع الاسطبل .. من زمان ماراح .. وراح لشقرا حبيبته ( الخيل ) وقعد يتمشى فيها حلو المزرعه بكبرها .. ويفكر في موضوعين .. موضوع ملاك .. ويفكر بخطوبته بكرا
متعب : خلني اتصل على الرقم الي عطتني اياه واشوف شموضوعه هالرجال ..
وبالفعل اتصل متعب .. بس طلع مسكر .. وخمن متعب انه نايم الرجال ومسكر تلفونه
وبعدها بنص ساعه اتصل فيه ياسر .. وكان ف الدوام
متعب : مرحبا
ياسر : اووه قاعدين من الصبح
متعب : اسكت قاعد من 9 مروق .. والحين اتمشى مع الشقره
ياسر : اووه لالا المزاج واصل حده
متعب : قل لا اله الا الله .. لا تحسدني على هالصبح
ياسر : استريح بس .. وشجدولك اليوم
متعب : مدري ودي في مساج
ياسر : والله يبيله هـاآآ .. عيل خلني اخلص من الدوام واجيك المزرعه اتغدى ونطلع
متعب : تم
ياسر : يلا اقلب ويهك خل اتصل في المره ابلغها
متعب : ههههه في انتظارك
وسكــرو ,,
ياسـر على طول سكر من متعب واتصل في ريم .. وكلش ماتوقعها تكون نايمه
ياســر : ريم انتي رجعتي نمتي !!!
ريم وصوتها كله نوم : اييه شسوي محد فالبيت . زهقت جان ارجع انام
ياسر : ليه وين البنات ..
ريم : انجود في المدرسه وامك طالعه الجبره .. وملاك بعد محد
ياسر : خبري في ملاك ماعندها داوم .. وين راحت من صبح
ريم : مادري والله
ياسر : زين حبيبتي انا اليوم انا بتغدى مع متعب وبطلع وياه
ريم : بتروح له المزرعه !!
ياسر : ايه
ريم : وانا اتغدى بروحي
ياسر : لا خلاص جاي اتغدى وياج يشرب ماي بحر متعب
ريم بدلع : صجج !!
ياسر مات : صجيين
ريم : ههههه لا لا اتغشمر روح لرفيجك .. بكرا خطوبته .. اكيد محتاجك
ياسر : سامحت لي يعني !!
ريم : ايه حبيبي .. الله يحفظك
ياسر : احببج
ريم : وانا احبك اكثر
وظلو يتكلمون شوي .. وبعدها قاطعهم دخول رجال مكتب ياسر .. ف سكرو
................
ملاك الي كانت طالعه تـتـفـق مع ناس يوصلون الصور لكل من متعب وغلا وياسر .. وبعدها بتروح حق متعب المزرعه .. وتتهمه انه هو ولد الياهل الي في بطنهـا .. بس كانت متردد ترسل الصور لياسر الدوام ولا البيت .. وقررت انه ترسله الدوام وكتبت انه لو تبي تتاكد اكثر هم الحين ف المزرعه مع بعض .. وكان ودها تشوف وجه غلا لما تشوف الصور ..
خلصت من شغلها .. وعلى الساعه 12 كـانت في المزرعه
الي ماكانت حاسبه حسابه ملاك .. انه ناصر يعرف بكل شي تسويه .. وعارف وفاهم مخططاتها .. وانها تبي تطلع من السالفه كلها مثل الشعره من العجينه .. لكن هيهات يا ملاك .. بخرب كل شي تسوينه .. وبتتدخل في الوقت المناسب ..
< ناصر من النوع الي مايحب حقه ينوخذ منه ولا يحب حد يلعب براسه .. ياخذ حقه وخلاص .. لكن ملاك كانت غير .. عن الي مرو عليه .. مو راضي يخليها باحلها .. كان يحس انها اخبث منه .. واذكى .. وهو مايحب يكون حد احسن منه ..
..............................
الساعه 12 ونص .. جا بيطلع من الدوام .. ويروح لمتعب .. وهو طالع الا جاه واحد
الرجال : ياسر هذا بريد مستعجل
ياسر : يعني مايصير لين بكرا .. عشاني بطلع من وقت بس !!
الرجال : هههه جاني انه لك ومستعجل .. انا اوصل لك وبس
ياسر : طيب طيب ..
ياسر خذا الظرف ورجع لمكتبه .. جا يفتح الظرف الا متعب متصل له
ياسر : هلا متعب
متعب : يوعاااان وينك ؟
ياسر : جاني برريد مستعجل اشوفه بس واجيك
متعب : شكلي بتغدى عنك .. خوش مجبوس مسوي كومار
ياسر : اااوووه .. يالنذل انظرني
متعب : بسسسرعه
ياسر : انت سكر خلني اشوف شغلي
متعب : طيب طيب
وسكر .. وفتح الظرف ياسر على طول .. وووو
متعب بعد ما سكر من ياسر خذا له شور ونزل للمطبخ وينطر ياسر يوصل .. وانصدم بملاك !!!
متعب : ملاك
ملاك : ايه ملاك !!
متعب : شفيج !! شجايبج ؟
ملاك بغرور : ترى مزرعتنا وفلتنا .. وانت عايش في خيرنا
متعب : ماله داعي هالكلام
ملاك : عيل مالك خص انا شسوي هني !!
متعب : !!!!
ملاك وهي تتمشى ف الصاله : شسويت مع الرجال !!
متعب : اتصل محد يرد علي
ملاك : ههه هالي قدرت عليه !!
متعب : شسوي هاي الشي الوحيد الي عطيتني اياه
ملاك : حمدالله والشكر
متعب للحين مستغرب : .... !!
ملاك راحت لشنطتها وطلعت منها الظرف .. وقربت من متعب وعطته الصور وهي تضحك
متعب خذا الظرف وهو للحين مستغرب منها شفيها !!! .. واول ما فتح الظرف انصدم !!!
متعب : غلا شنو هالصور !!! ومتى وشلون !! وليش !!!
ملاك : ....
(( صحيح انها كانت تمثل انها تصيح وترمي نفسها بحظنه .. لكن بالصوره كانت تضحك !!! .. مبينه انه الوضع كان حب ووئام .. عكس الي كان !!! ))
..............
نرجع لياسر الي كان منصدم من االصور الي قدام عيونه
ياسر : متعب !!!! لالالالا مستحححيل !!!! شلون !! ومع من اخختي !! شلي بينكم يا متعب !!!! لالا انا لازم اروح اشوف شسالفه !!!
وجمع الصور كلها .. وطلع وهو خانقته العبره !! منصدم !! معصب !! مو عارف شنو الي فيه بالضبط .. وطيرااان المزرعه
............
المزرعه ..
ملاك : وغير ذي الصور ترى الي فبطني ولدك .. ف تزوجني عشان لا ننفضح وتطيح من عين ياسر
متعب فتح عينه ع الاخر : نــــعــمممممم !!!!!!!!!!!!!!!!!!
ملاك وكانت تناظر من الشباك تنتظر وصول ياسر : الي سمعته
متعب : انتي اكيد مينونه لالا مب صاحيه .. ياسر مستحيل يصدق ..
ملاك شافت ياسر يدخل بالسياره واضحكت : هههههه بتشوف
ياسر .. اول ما وصل استغرب وجود سيارة ملاك !!! .. لالا مستحيل يكون الموضوع صج .. متعب يدري انه انا بجي الحين !!! ليش .. ياربي مب فاهم شي .. يارب ما تكون ملاك داخل .. ونزل بسسرعه ودخل
وانصدم بملاااااك الي تبكي عند ريول متعب !!!
ومتعب منصدم يطلعها .. ويرفع عينه على ياسر ويهز راسه بمعني لا لا تصدق لما شاف في يده الصور
ملاك تصرخ وتصيح : لازم تصحح غلطتك يا متعب وتتزوجني لازم ..
ياسر سمع الجمله .. راح لها وسحبها من شعرها ويصرخ : اي غلطه !!
ملاك بلفيت انصدمت : يااااسر ؟؟؟
ياسر بعصبيه : اي غلطه جاوبيني
ملاك : انا انا
ياسر: انتي شنو خلصي ..
ملاك : انا حامل من متعب
ياسر بهدوء : شنو !!
متعب : لا ياسر مو انا الي اسوي كذا
ياسر : والصوور يامتعب .. تنكرها
متعب ماقدر يرد ( لان الصور صج كانت عنده ملاك .. وصارت هالاشياء بس هو ماله دخل )
متعب : ياسر انا
ما مداه يكمل جملته .. جاه كففف من ياسر : جببببببب هاذي اخرت الصداقه
ومتعب بس يناظر ياسر بستغراب : ..
ياسر بعصبيه : لكم حسابي وياك بعدين
متعب منصدم .. ياسر مصدق !!! مصدق انه ممكن انا اسوي كذا !! لا مستحيل الي قاعد يصير !!!
ياسر خذا ملاك من يدها بقوه .. وركبها السياره ..
ياسر : راجع لج يا الحيوانه
ورجع داخل الفله مره ثانيه .. ولقى متعب على نفس حاله .. راح له وعطاه بكس اسدحه فالصاله .. ونزل له ياسر : ساعه .. وما ابي اشوف رقعة ويهك بالمزرعه .. ما ابي اشوفك
متعب منصدم مستغرب مب عارف شيقول : ياسررر !!!!
ياسر : سمعتني !
طلع وظل متعب يتالم من الظربه فمكانه .. مصدوم .. ومنهار .. مظلوم .. مب عارف كيف يدافع عن نفسه .. ومب فاهم ياسر شلون يصدق .. اني اسوي هالشي .. لا الي يصير اكيد ححلم حلم اكيد .. طلع جواله من جيبه .. واتصل لغلا يقولها الي صار هي الي بقت له !!
اتصل لها اكثر من ودوم يعطيه مسكر .. وتذكر انه بكرا ملجتهم !! وانها ماتبي تكلمه لين يملجون !! .. وقام وطرش لها مسج (( ظروري غلا ابيج .. محتاجج والله ))
بس وين يا متعب غلا وصلتها الصور بعد .. ومنهاره .. ومسكره جواله .. منصدمه منك يا متعب منصدمه
اما ياسر طول الطريق كان ساكت يحس اننه مخنوووق .. وده يبكي .. وده يصرخ .. مب عارف .. ليش متعب ليش متعب !!! .. ليش تسوي جي !!! معقوله انخدعت فيك كل هالعمر !!!!!!
واول ما وصل البيت .. دخل ساحب ملاك من شعرها .. ودخلها غرفتها وقفل عليها البيت بدون ما يكلمها .. العتب مب عليها على رفيجه الي واثق فيه اكثر من نفسه .. ومايعرف ليه سوى جي .. وكان اغلب البيت نايم القايله ..
وراح لغرفته .. وانصدمت ريم ..
ريم : انت ماقلت بتروح لمتعب !! تتغدى وياه
ياسر يوم سمع اسمه ضاق اكثر وبان هالشي ع ويهه .. وفك ازرار الثوب يحس انه مخنوق .. وحذف الغتره وكل شي على راسه ..
ريم انتبهت .. وراحت له : يااسرر حبيبي شفيك ؟؟
ياسر : جيبي لي ماي تكفين
ريم طارت وجابته له .. وشرب ياسر
ريم : حبيبي شفيك !!
ياسر ومن قلبه : آآآآآه ياريم < وحذف نفسه في حظنها
ريم استغربت مب عارفه شسالفه .. كل الي سوته انها ضممته لهـا بالقو .. حست انه محتاج هالشي
..................................
عند متعب الي يدور في الغرفه مب عارف شيسوي .. وايد يحز بخاطره انه ياسر صديق عممره يصدق هالشي شلووون .. يحححس ااانه وحيييييييد .. غلا مسكره جوالها .. ياسر طردني ومو بس طردني يتهمني بشي انا مظلوم فيه .. الله يسامحج يا ملاك الله يسامحج .. والعتب مو عليج على رفيج عمرري كيف يصدق هالشي !!!
خذ سويج السياره وجواله وطلع مايدري وين يرووح .. يدور في هالشوارع .. الين لقى نفسه ف البحر .. واول ماوصل البحر .. جاه مسج .. وخمن انها غلا .. ويوم شافه !!
(( هاااي .. لا تتصل لغلا وايد ولا تستغرب اذا ما ردت عليك .. لان الصور هي بعد وصلتها .. هههههههههههه زوجتك عن قرييب ملاك ))
متعب خذ التلفون ورماه ف البحرر .. وانهار ..
متعب : انا شنو سويت في دنيتي عشان يصير لك كذا .. ليه يارب .. انظرب وانشليت ولين اليوم مادري ليش !! والحين يتهموني باني اعوذ بالله .. وانا مظلوم ف السالفه ليه يارب ليه .. استغفر الله اللهم لا اعتراض .. هالحين اذا ياسر رفيجي من عمري وخوي دنيتي صدق هالكلام .. كيف غلا ما تصدقه !!! يارب تعين يارب
وظل جالس في البحرر .. لين الليل وهو في مكانه يبكي وحدته .. يبكي امه وابوه .. يبكي صداقته واخوته الي نهارت مايدري كيف .. شي مؤلم اذا كان الواحد يتيم لا ام ولا اب ولا اهل .. والحين لا صديق ولا اخو بعد
....................
بعيد عن هالاجواء
ندى وجود الي كانوا طالعين يتعشون مع بعض .. لان ريم اعتذرت عن الطلعه بسبب حال ريلها وانه بحاجتها .. طبعا جود كلمة سعود قبل لا تطلع وقالت له انه طالعه ..
واول ما وصلت هي ووندى طلبو الاكل وكانوا يسولفون على مايخلص ويجيبونه
اما سعود مر على عبدالله وجابه نفس المطعم الي فيه جود .. طبعا عبدالله نقع سعود شوي برا .. وسعود ماقدر يحرك عنه مايبي يروح بروحه.. يحس نفسه غبي لو قعد ياكل بروحه ..
على ما وصلو قد اكل جود وندى وصل
جود وهي تشرب العصير شافت سعود قاعد على طاوله الي قادامها وشررقت
جود تكككح
ندى : صححه صصحه شفيج
جود : كككح ككككح كححح
ندى تعطيها الماي : شربي شربي
جود ويهها صار احمر من كثر ما كحت : لالا بس تمام الحين
ندى : شفيج
جود : هاا لا ولا شي بعدين اقولج
ندى : لا الحين قولي
جود : شررقت .. شفت سعود
ندى : سعود ماغيره الي تحبينه . وين شفتيه
جود : هذا هو موجود معانا بالمطعم بس لا تلفين راسج
ندى : اهىء ابي اشوفه
جود : بعدين لا قمنى
<< وهي تتوعد فيه في قلبها
اما سعود لما شاف جود شرقت لما شافته .. ماااااات من الضحك .. وعبدالله يساله شفيك وهو ميت .. لين شاف ويهها صار احمر .. كسرت خاطره عاد هنا .. وسكت
سعود : قول ليه جايبك اليوم هنا
عبدالله بملل : ليه !!
سعود : لان الحب مالتي هنا
عبدالله : ههههه احلللف بشوفها
سعود : اعققققب
عبدالله : اوووه خلاص خلاص انسى
...............................................
عند ريم وياسر
طبعا ياسر قال لها كل شي صار وعن الصور وردت فعل متعب ,, وكل شي .. بس ريم حست السالفه ماتدري شلون .. مب مفهومه
ريم : انت متاكد انه ملاك حامل
ياسر : ايييه شفت ورقة المستشفى .. الوقحه عطتني اياه بالسياره
ريم انصدمت من جراتها : الللللله
ياسر بضيق : ايه والله تخيلي
ريم : مادري ياسر احس الموضوع مادري شلون
ياسر : بعد كل شي واضح كفايه الصور شلون مبتسم وهي مستانسه بحضنه
ريم : انت سمعت متعب ..
ياسر : ماعنده كلام .. مايقدر يقول شي
ريم : اممم .. لاتنسى انه صديق عمر
ياسر : وهذيك اختي .. عرضي
ريم : والله مادري شقول لك
ياسر بضيق : المهم انا بطلع
ريم : وين بتروح وانت بهالحال
ياسر : بروح لنذل متعب .. لازم ياخذ اختي .. ولا بنصير فضيحه في حلج الي يسوى والي مايسوى
ريم : زين دير بالك على نفسك
ياسر تنهد وطلع من البيت
.................................
اما ناصر .. عرف انه ملاك نفذت خطتها اليوم .. لانه كان مراقب ياسر .. ومتعب .. ومراقبها هي بعد .. عارف كل تحركاتهم .. ولسى ينطر الوقت انه يهد كل شي فوق راس ملاك
الي كانت في غرفتها والمزاج عال .. واخذت لها دش .. واغاني وترقص .. انه خطتها مشت مثل ماتبي .. وتخمن انه اليوم او بكرا مجلتها على متعب ..
ملاك : هههه تعيشين وتاكلين غيرها يا غلا .. اخترتي شي مو لج اصلا هههههههههههه
............................
راح ياسر للمزرعه وما لقى متعب فيها .. راح لكومار المطبخ
ياسر : وين النذل متعب !!
كومار : مافي معلوم من الساعه 3 هو مافي داخل مزرعه
ياسر : طيب
واتصل عليه .. ويعطيه مسكر
ياسر وهو يناظر التلفون : اكيد بتسكره من سواد الويه الي سويته يا متعب
.................................................. .......
نرجع لسعود وجود ف المطعم ..
سعود كان يكلم جود على البي بي بس هي ماكانت ترد عليه .. بلفيت معصبه على حركته .. وبالاصل هي مستانسه انها شافته .. وانه هالكثر يغار عليها
ندى : للحين موجود
جود : هههه ولا بيتحرك لين اقوم
ندى : اللله ابي واحد يحبني جي
جود : موجود اكيد.. و بتلقينه
ندى : الله يسمع منج
جود : يلا نقوم
ندى : يلا بس قولي لي اي واحد هو !!
جود: لابس غتره بيضه .. ومسوي عارض خفيف
ندى : اوكي يلا قومي
قامو .. وندى شافت سعود وخقت .. شقد حلو .. مع انه هو نفسه الي ضحك عليها .. بس ماتذكر شكله والحين توها تشوفه عدل
ندى : جود طحتي لج خوش طيحه
جود : هههههههه فديته
ندى : الله يجمعكم على خير
جود : امممين
وطلعوا من المطعم وكل وحده راحت بيتها
اما سعود .. قعد شوي مع عبدالله وعقبها طلع .. ولما رد البيت .. اتصل في جود .. وتهاوشو شوي وبعدها ردو طبيعي
........................................
متعب : لازال مكانه على البحر مو راضي يرجع للمزرعه .. يتمنى انه يكون كل شي حلم وبيقوم منه
ياسر : قمت الحزن والقهر والصدمه من متعب .. هو نسى انه ملاك لازم تاكل لها كم ضربة .. لان المتهم الرئيسي متعب مب اي احد غير .. هالشي خلاه ينسى ملاك وانها غلطانه بعد
ريم : خايفه على ياسر الي تاخر .. وما ارتاحت الا لمن وصل البيت الفجر .. والموضوع مو داخل مخها ابدا
ملاك : نامت وهي سعيده .. ولا كنها محبوسه .. والسالفه هي السبب فيها
غلا : قالت لخالها ما عاد ابي اتزوج متعب .. وسكرت على نفسها الباب وصاحت كثير الين نامت
جود : كان اليوم بالنسبه لها وايد حلو .. لانها شافت سعود .. وعرفت شكثر يحبها
وسعود : هو الثاني كان وايد مستانس هاليوم انه شاف حبيبته بعد فتره شبه طويله
عبدالله : حس انه حن ويبي يتزوج او يبي يحب مثل سعود
انجود وابو ياسر وياسر : الين الحين مايدرون بالموضوع
ناصر : ينتظر الوقت المناسب الي يخرب على ملاك كل شي .. لانها ماتدري شنو يملك ياسر عليها

موضوع: رد: روايــة بقـآيـا يتيم 1/10/2011, 18:05

مابعد النهـايه ..

جود وسعود .. توجو حبهم بالزواج .. وتزوجو وجود هالحين حــامل .. وهم عايشين عند ام علي ف البيت

عبدالله خطب ساره اخت سعود .. وساره وافقت .. وعرسهم قريب الي بيكون بعد ولادة جود

انجود .. خطبهـا واحد كان ناوي يكمل حياته عزابي .. لكن بعد ما شاف نجود غير رايه وطلب يدها .. لما جات الدوام عنده كانت عندها مشكله وانعجب فيها
< هاذي نهاية صبرك

ملاك .. بعد كل الي صار .. ووفاة امها .. بسببها لانها درت عن قصة الحمل وسالفة متعب .. لانه ظلت تسال كثير ليه ظرب ياسر ملاك .. وفاة متعب ولما درت .. تعبت وتوفت بعد موت متعب بشهر .. كلت ملاك من ياسر ظرب .. خلها تجن .. وهي حاليا .. في المصحه النفسيه
< هاذي نهاية طمعك وانانيتك و جشعج

غلا .. ندمت الف مره انها ما سالت متعب ليش سوا جي .. كان دافع عن نفسه وقال انه ماله خص .. اصلا شلون تصدق هالكلام وهو ماكان يفارقها .. كانت مقرره انه اي واحد يتقدم لها بتوافق .. اما بعد ماعرفت انه متعب كان مظلوم وبعد وفاته .. قررت تسافر وتكمل دراسته .. وتظل على ذكرى متعب وسوالفه وصوره .. هالي بقى منه .. خبر وفاة متعب هزها وشجعها بنفس الوقت

اما ياسر وريم .. راحو وعاشو ف المزرعه .. الي كان فيها الكثير من بقايا متعب .. كل زاويه من هالبيت له قصه وذكرى وسالفة لمتعب .. ريم حملت وجابت ولد .. وسموه متعب .. وغلا كل ماجات الدوحه كانت تجيب له عدد كبير من الهدايا .. لانه كان سمي الغالي الي راح وما بقى الا ذكراه .. كان ياسر حريص انه يخلي متعب الصغير .. يحب الخيل والنوق والخرفان .. يعني الحياه بالمزرعه كلها .. يبيه يكون مثل متعب الكبير

تمت بحمدالله
هاذي نهـأية رواية بقـايا يتيم
اتمنى انها اعجبتكم وادري وااايد اخطاء املائيه .. بس قد ما اقدر اعدل والله لما اندمج ف الكتابه اكتب واحرق .. سوري يعني

الامانة منقول