السلام عليكم ورحمة الله وبركاته
بسم الله الرحمن الرحيم

مما لاشك فيه الان بعد مشكلة العطاله اتى إلينا حافز الذي اصبح شبه معجزه لكي تحقق شروطه
من السبب وحل لمشاكل العطاله
هذي افكار بسيطه فكرت فيها ومن وجهة نظري انها ناجحه بنسبة 90% اذا لم تكن 100%
عدد الموظفين الاجانب بالسعوديه كبير وهذا شي معروف
رابت الموظف الاجنبي مرتفع بالعاده الا الموظفين الذين اتوا من دول فقيره
الاجنبي له بدل سكن اما السعودي ليس له لانه حسب اخر اجتماع لمجلس الشورى قالوا انه يتعب الميزانيه
طبعا بدل السكن لموظفين القطاع الخاص ماشي ويمكن يوصل الى اعلى من الراتب الاساسي لموظفين الدوله
هنا نجد الموظفين يعانون من السكن الذي لايملكونه ومن بدل السكن الذي من حقهم ولم يستلموه
والغريب ان اكثر الموظفين يعملون خارج مدنهم !!
طبعا حافز الكل عارف الشروط التعجيزيه اللي فيه من فتح حساب بالبنك الى التسجيل والفرز النهائي
يمكن هنا بدت تتصعب على الناس الا من رحم ربي ووفقه في الحصول على الاعانه

ندخل في اهم نقطه وهي نقطه البطاله
وش فرق الاجنبي عن السعودي ؟
مافيه فرق
الاجنبي يجي هنا ويشتغل ويتعب صحيح ماقلنا شي
قالوا الاجنبي منضبط بالعمل ماقلنا شي كلام سليم
بتطرق للاسباب اللي تخلي الاجنبي ينجبر على الانظباط
1-( لاورع يصيح ولا قدر يفوح) اغلب الاجانب يجون بدون عوائلهم
2- الاجنبي اتى الى شي معين وهو العمل وهو غريب عن البلاد وياغريب كن اديب
3- الاجنبي اتى من بلاد مالقى فيها خير وجا ياخذ الخير ويروح هناك يعيش باقي حياته
4- الاجنبي رفعت معنوياته نظرة الناس عندنا له انه كامل والكامل الله على عكس السعودي اللي مايعطونه ثقه
والاسباب كثيره لو بذكرها كلها ماراح يكفينا يوم كامل
وعلى
عكس السعودي اللي اهله في ديره وهو في ديره وورعان مصاخين وزوجه تعبانه
وامه مريضه .... وظروفه تحكم عليه هذا اذا كانوا يقولون ماهو منبط


اسباب حل البطاله سهله واسهل من السهوله اللي نتوقعها
طبعا هالشي مطبق في بعض القطاعات الخاصه وعندنا الحمدلله مطبق
موظفين سعوديين ماهم مرسمين
يشتغل
بس ماهو رسمي وبراتب قليل لمدة ثلاث شهور تحت النظر والتدريب اذا اثبت
وجوده واصبح صالح للعمل توقع معه عقد ترسيم وتعتمد عليه ويكون موظف عندك
اذا ماالله وفقه الله بيحفظ له رزقه في مكان ثاني
طبعا قليل اللي مايتوفقون في هالفرصه
العدد اللي جانا في سنتين تقريبا 90 سعودي 1 بس اللي مالله وفقه والباقين وفقهم الله


هنا مربط الفرس
كم موظف اجنبي ماسك وظيفه حكوميه !
لو
جبنا سعودي ودربناه واثتب نفسه وحطيناه بدال الاجنبي راح نرتاح من
البطاله وبنفس الوقت نعتمد على ابناء بلدنا والاجنبي ماراح يكون احرص من
ابن البلد على بلده


وبكذا راح تكون عدلت بين الناس ووفرت عليهم الكثير واعطيتهم فرصت حلوه لاثبات نفسهم
ووفرنا
لهم العيش الكريم واستفدنا من شبابنا اللي العطاله سوت فيهم البلاوي
وكثرة الجرايم والاخبار اللي نشوفها اغلبها بسبب البطاله


لكن من يصدر هذه القرارات للاسف الشديد هو لم يعش الواقع الذي يعيشه الناس
ولكن كلهم مسؤولين عن الرعيه في يوم لاظل الا ظله سبحانه
كانت الحلول متاحه وفرطوا فيها
الملك اصدر حافز واتى بعض المسؤولين للعبث فيه بوضع شروط تعجيزيه


يمكن اكون مخطي في كلامي لكن من وجهة نظري المتواضعه ان هذا حل بسيط وله تاثير كبير وراح يكون نافع وبجهد قليل




والله ولي التوفيق
ان اصبت فمن الله وان اخطأت فمن نفسي

ولكم حرية التعليق على كلامي واضافه بعض النقاط


منقول

طرح رائع ومميز جدا
واشكرك على ابداعك
في الموضوع
مع خالص الشكر والتقدير ..
دمتي بود