مره مرت...... سومريه

موضوع: مره مرت...... سومريه 2/2/2013, 23:07

مره مرت...... سومريه
وگلبي من مرت... لطم
رادوا اصحابي.. وصفها
وآنه گتله........ نعم
حلوه؟..... گتلهم عليها
وضاعت بشفتي الچلم
لان يا چلمات... توصل
وصفچ وطولچ ....هرم
أنتي قطعه.... سومريه
قيمتچ فوگ...... القيم
سحر كل الناس شكلچ
وأنعجب..... حته القلم
أنتي أول وحده كشخت
ولبست..... ألوان العلم
أنتي يا صورة خيالي
والشعر بيچ ....أنرسم
أنتي بكلشي.... الاول
ماكو قبلچ..... بالامم
الوصف حاير بوصفچ
وكلمن يوصفچ ..ظلم
لان فوگ الوصف أنتي
عاليه و فوگ... القمم
أنتي أرض.... الرافدين
آدم بگاعچ .......حلم
أنتي ياشمس الحضاره
لطلعت تنور... الامم
الطيبه والاخلاق عندچ
سومريه.... أم الشيم
اذن من.. حقي أحبچ
آنه مثلچ ....بالقيمم
.....
..كلمات
ناصر الموزاني

موضوع: رد: مره مرت...... سومريه 3/2/2013, 05:34

تسلم ايديك على الموضوع
ننتظر المزيد من ابداعاتك
الى الامام دائما
تحياتى وتقديرى
** alfahloy **