خلك ما صرت

موضوع: خلك ما صرت 19/9/2011, 13:36

خِلّك ما صرت لوما خليلي أتصير
وصرت خِلّي برضاتك چي صرت خِلّك
علّمتك عليّه من الألف للياء
تغلط بالإجابه وآنه أعدّلّك

حرثت لخاطرك بالروح مثل الگاع
بوسات و ورد كل عمري أشتلّك
شمعة انته بحياتي أو عمري ظلمة ليل
اشعلت روحي و خفت ماشعلك ؟!... أشعلّك

خاف سنين عمرك تحترگ بالشوگ
أضمّلك گمت من عمري اعزلّك
عليك اتسودنت مو بس أغار اعليك
احل روحي و اكضّك خايف تحلّك
و اغمض من أشوفك و اخدر اعله الصوت
غلطة انته بحياتي و صعبه ما ازلّك
چم إبليس اطرد من يوزني اعليك
و چم شيطان ارجمه أبروحي و اكتلّك
ما صيرن نبي بس راهب آنه اوياك
بآيات ألمحبه أبشوگ ارتّلّك

شلّي بغيرك انته و ألگه مثلك وين
و تتعب تلگه غيري بهلتعب شلّك
ياهو ألعلمك و اتريد تمشي أبعيد
سلّ الشوگ خايف باچر ايسلّك
مثل ظلّك جنت بالخطوة نمشي اثنين
و مشيت انته بظلام و ضيّعت ظلّك
دلّيني عليك أسنين تايه بيك
و امشي وياي ادورك خاطر أندلك
عرّفني اعله شخصك رايد احچي وياك
بس كلمه وبعد ما غيرهه انكلك
وحده ... من اثنين
أو وحده راح اختار
لو كلّك أحبّك ..
لو أحب كلّك ..!
خلك ما صرت Oouuus11

موضوع: رد: خلك ما صرت 23/2/2013, 00:25

مشكووووووووور