كولـــــــ احبك ـــــــــــــــ
حبك مو خبر عاجل مثل متكول
حبك خبر بايت خاف ماتدري
طلعت فوكه صبيره ونبت عاكول
حبك مو خبر عاجل ولا حصري
جاي تكول احبك؟؟ شنوهالاستعجال
دخلينه نتلوع بالهوى العذري
والله قصرت لو منتظر جم يوم
جان تمر علي وتزورني بكبري
وتكلي انه احبك بس خذاك الموت
ودموعك عليه بكل قهر تجري
جان تصير قصه وتدخل التاريخ
لو صابر شويه النوب يالخمري
باقي شمنتظر ماتحجي صار سنين
صابرلك ولا مليت من صبري
اكابر والشماته تلوم والعذال
والكالولي باعك كلت انه اشري
درت بالي عله روحي وكلشي الك ضميت
عافيتي وشبابي ودنيتي وعمري
وي الحايط امشي وكلت كلشي يصير
دهري الماخلص من هالدهر دهري
واليخلص ... اكلك هذا مو مبخوت
هذا امه اندعتله بليلة القدري

منقول