انه الناطق الرسمي لكل الجروح

عزيزه الروح ليش بهاي الايام؟؟
هيه تراب بس تخاف التراب

ونه اتعمدت اغيرهه الموازين
وكبرت اعله النفاهه بحلك الذياب

ادك روحي على باب المعاناة
مثل بسمار افكّس عينه للباب

ويجي آب الحرك كل البسامير
واحرّكهن سويه الباب وي آب

انه الناطق الرسمي لكل الجروح
اسميهن بعد وانطيهن القاب

اكو جرح الصديق وجرح الخوان
واكو جرح الحبيب الهاجر وغاب

واكو جرح الفقر والجوع والعوز
هذني بلايه ذمه يكسرن اركاب

واكو من الترافه وراحة البال
يكول جروح عندي وهو جذاب

انه بدستوري ابد ما عدهن جروح
اذا مو بيهن اشتم ريح عطاب

ونه اتصفح جروحي من يجي الليل
ادور ياهو كاعد يا جرح طاب

لذلك من اريد اجمعهن احروف
قريبا سوف يصدر بيهن كتاب

انه المتحدث آنه بأسم الدموع
مخول احجي عنهن كل الظروف

اكو دمع اتّأسف عنه لو طاح
واكو لو طاح اكولن غير مأسوف

اكو دمعه بمعني غيرة ارجال
واكو دمعه عكس تتفسر ابخوف

المثل عباس صعبه ينزل دموع
فما نزل دموعه ...نزل جفوف

ابد مو صعبه الرسم بالظلمه صوت
بس صعب ترسم اذان التستمع

الدمع لو طاح ويا ما نطيح
ولو نطيح يطيح ويانه الدمع

دائما متميز في الانتقاء
سلمتم على روعه طرحكم
نترقب المزيد من جديدكم الرائع
دمت ودام لنا روعه مواضيعكم

لكـ خالص احترامي

اخوكم انور ابو البصل