كَالولي ماتت أمك يا نور العيون

الكـــــلمات هذه خلي كل شخص يقراها بتأأأمل ويشوف الام شلون من تنفقد شنو
احســــاس كل واحد بيـــنا

الكلمــــات

,,
كَالولي ماتت أمك يا نور العيون كَلت لا وين
هايه أمــي كاعد آنه أستوني بنص بحضنهـا
,
كَالولي أنته شتحجي جنك ماتعرف شجاي تكَول
مو هذا كَبرها النايـمة بي مو ذاك البيده دفنهـا
,
كَلـت لا عينـي والله مشتبهين مـا ميته أمـي
ليلية أكَعد أكَبالها أحاجيها وأشبع شوف منهـا
,
كَالوا أول مرة نسمع ونشوف مـن تـموت الأم
يتسـودن ويتخبـل مـن كـل عقله أبنهــا
,
ولكـم صح أمـي ماتت بس مـا راحت أبعيد
صدكوني مـن أرجع للبيت تتلكانـي جنهـا
,
وتفرشلي كَلبها مثل الحصيرة علـى الكـاع
وتكَلي أشبيك يمه حزنان يا بعد أمك وحزنهـا
,
أمي والله حتى الحيطان صارت تبجـي أعليـج
وبيتنا يا يـمه عكَبج أحزانه رافكهـا ودمنهـا
,,
وج يمه وزغرت بعدج كل الدنيا والله بعيونـي
ما تغطيني دنيتي وكصر عن أيدي يا يمه ردنهـا
,
يا يـمه وبعدج جرح يسبكَـ جـرح بالروح
ومـا فرحت أبد ييمه وشاف الضحك سنهـا
,
وضاعت شكوتـي يالحبية بين وجـوه النـاس
ألمن أشتكي والدنيا بكل حيلها حاربتني بزمنها
,
يشمعة البيت ودفو الضلوع هم بعد ألنه ترجعين
وشوفتج تاخذ من أرويحتي يـمه كـل حزنهـا
,
شيلتج صارتلي مثل قميـص يوسف ليعكوب
من يشح بيه النظر أركض يا يـمه وأشمنهـا
,
أتلولحت روحـي وتعلكَت بعـدج بخيـط
باجر ينكطع ويروح خاب بكل الناس ظنهـا
,
شافوني وكَالوا ها شو تبجـي ولك وتنـوح
مو كَلت ما ميته أمي يومية أغفى بحضنهـا
,
ولكم أسكتوا أبد لا تحجون أنتم أبد ما تدرون
أمي وأعرفها كلش زين ما يكضها عني جفنها
,
تجيلي أرويحتها فوك راسي تطوف أذا شافتني
بعسر تدعيلي ويأخرها الكَبر عنـي فنهـا
ـ
ـ
ولا طاب ,,, الجرح بعدج يالحنينة ينـزف
ولا طاب ,,, وأحلفت على البيت ما اجهبنه
ولا طاب ,,, يمه بعدج لا علاج الفادني
ولا طاب ,,, غير شوفتج هيه الترد الروح بيه

ابجدية مبدعه دائما

وكلمات تلزمك تتبعها حتى النهايه

يــــــــ...................

أعجز عن التعبير عن مدى جمال حرفك

وجمال صياغتك له وإخراجه بهذا الجمال

لآآتحرمنـــآ من جديد قلمك المبدع ..

فكم انا متشوقه لـآآرى المزيد من تللك الإبدآآعـآت

الف شكر ... ~

كنت هنـــــــــآ ... // ~

كل الشكر لكـِ ولهذا المرور الجميل

الله
يعطيكـِ العافيه يارب

خالص مودتى لكـِ

وتقبلي ودي واحترامي